Лука 23:8 - Гирами Китаб

⁸ Иса гъяркъиган, Гьирод гизаф шад шулу. Дугъаз ухдитӀан Думу рякъюз ккунди айи, гьаз гъапиш дугъаз Исайикан гизафдар деерхьнайи ва Дугъкан саб аьламат рябкъюз миж кади айир вуйи.

Лука 23:8 Referans Kwoze

Марк 6:14

Чан нубатнаъ Исайикан Гьирод паччагьдиз ебхьуру, гьаз гъапиш Дугъан аваза варишвариъ атӀабгуру. ГьацӀари: «ДукӀнайи штуан апӀру Ягьʼя чӀиви гъахьну ва гьаддиз аьламатар улупура» – кӀуйи.

Матта 14:1

Гьадму вахтари Галилей уьлкейин гьякимдар Гьироддиз Исайикан хабар шулу.

Ляхнар 8:19

кӀуру: – Узу шлиин хил иливишра, дугъу Гирами Рюгь кьабул апӀруси, узузра гьациб гьюкум чавайчва.

Лука 4:23

Исайира дурариз гъапи: – Гьелбетки, учву Узуз, абйирин мисалик дупнайиганси, пидичва: «Эй духтир! Сифте Жвуву Жвув сагъ апӀин!» «Уву Кафернагьумдиъ гъапӀу аьламатнан ляхнарикан учуз деебхьначуз, гьамус гьадму ляхнар мушваъ, Яв абайин ватандиъра, апӀин» пидичва.

Паччагьлугъар-4 5:11

Амма Наамандик хъял кубчӀвнийи ва, гьамци кӀури, гъушнийи: – Узу фикир апӀуйза: «пайгъамбар узухьна чарасуз удучӀвиди, дийигъиди, чан Заанур вуйи РАББИЙИЗ ккарагиди, иццрушвлан хил алдатиди ва гъидкьин уьзрихьан узу сагъ апӀиди».

Марк 8:34

Чахьна халкьдизна ученикариз дих дапӀну, Исайи гъапи: – Шлиз Узухъди гъягъюз ккундуш, думу, чан тямягьяр дирчну, чан хач гъадабгъну, Узухъди гъюри.