Лука 21:1 - Гирами Китаб

¹ Кьяляхъ илдициган, Исайиз Аллагьдин хулан хазнайиъ садакьйир иврайи девлетлуйир рякъюру.

Лука 21:1 Referans Kwoze

Югьан 8:20

Му гафариинди Исайи, Аллагьдин хулан гьяятдиъ, садакьйир иврушван гъвалахъ дийигъну, аьгъювалар улупури, гъапнийи. Гьаци вушра Думу сарира гъидисундайи, гьаз гъапиш Дугъан сяаьт сабан улубкьнадайи.

Матта 27:6

Аьхюну маллйири, арсран пулар гъадагъну, гъапи: – Мурар Аллагьдин хулан хазнайиъ дивуз хай шулдар, фицики дурар ифдихъ туву кьимат ву.

Паччагьлугъар-4 24:13

РАББИЙИ гъапиганси, Навухаднасари РАББИЙИН Хулʼан ва паччагьдин гъалайиан вари хазнйир гъурхнийи. Израилин паччагь Сулейманди РАББИЙИН Хулаз гъапӀу гъизилин аваданлугъар дугъу тикйир гъапӀнийи.

Паччагьлугъар-3 14:26

Дугъу РАББИЙИН Хулан хазнйир ва паччагьдин гъалайин хазнйир гъурхнийи. Дугъу вари гъубхнийи, гьадму гьисабнаан Сулейманди гъапӀу вари гъизилин гъалхнарра.

Паччагьлугъар-4 12:9

Заанурин гъуллугъчи Югьудайи ишикӀ гъадабгънийи ва дидин зиин кьуликан урхъ ктипнийи. Дугъу думу гъурбан апӀрушван багахь, РАББИЙИН Хулаъ учӀврушван арччул терефнаъ дивнийи. РАББИЙИН Хулаз хру вари пул учӀврушв уьбхюрайи Заанурин гъуллугъчйири ишкӀиъ ипуйи.