Лука 16:8 - Гирами Китаб

⁸ Хъасин эйсийи, чан нягьякь идарачийи аькьюллу ляхин гъапӀну кӀури, дугъан тяриф апӀуру. Фицики гьамусдин деврин адмийир аквнахьна чалишмиш шулайидартӀан чпин хайирнан гъаврикк ккайидар ву.

Лука 16:8 Referans Kwoze

Фессалоник-1 5:5

Фицики учву вари аквнан ва йигъандин веледар вучва. Ухьу мучӀушнакна йишвак кахьрадархьа.

Эфес 5:8

Саб ухди учву мучӀушин вуйчва, хъа гьамус, учву Агъайиъ саб вуйиган, акв вучва. Аквнан баярси яшамиш йихьай.

Лука 16:10

ЦӀиб вуйибдиъ дугъри кас – аьхюбдиъра дугъри ву, хъа цӀиб вуйибдиъ угъри – аьхюбдиъра угъри ву.

Югьан 12:36

Хъа сабан учвуз аку апӀурамиди, аку аквнахъ хъугъай ва аквнан веледар хьидичва! Гьаму гафар дупну, Иса гъягъюру ва дурарихьан жин шулу.

Югьандин-1 3:10

Фуж – Аллагьдин, хъа фуж иблисдин велед вуш, магьа гьамци аьгъю апӀуз шулвухьан: гьякьвалиинди дарапӀрур ва чан гъардаш даккнир Аллагьдихьан дар.

Лука 16:4

Йиз ляхнихьан гьадаиган, узу жарадарин хулариъ кьабул апӀру ужуб аьмал аьгъязуз».

Эвел 3:1

РАББИ Заанури гъапӀу гьяйванатаригъ варитӀан аьмалдаруб битӀ вуйи. Диди дишагьлийихьан гьерхру: – Му багъдин сабкьан йимиш мипӀанай кӀури Заанури дугъридан гъапнийинхъа?

Лука 20:34

Исайи дурариз жаваб вуди гъапи: – Гьамус яшамиш шулайи гьаму аьсрин веледари швушвар хура ва швуваз гъягъюра.

Паччагьлугъар-2 13:3

Амнондихъ Юнадав ччвур али дуст хъайи, думу Шимайин, Давуддин чвуччвун, бай вуйи. Юнадав гизаф аьмалдар вуйи.

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Филипп 3:19

Дурарин аьхир аьжал хьибди, дурарин аллагь чпин фун ву; чпиз нач дубхьну ккунибдиинди дурари фурсар апӀури шулу. Дурари дюнʼяйин ляхнарикантӀан фикир апӀури шулдар.

Коринф-1 3:18

Учву учвуз кучӀлар апӀруси дарибшри. Эгер учвкан шлиз учв, гьаму дюнʼяйи гьисаб апӀурайиси, фагьумлу касси гьугъужвураш, дицир, учв дугъридан фагьумлу хьузди, «ахмакь» духьну ккунду.

Лука 18:6

Агъайи хъа кӀуру: – Ебхьуранчвуз, гьякьсуз диванбегийи фу кӀураш?

Матта 17:26

Петри жаваб туву: – Миди вуйи инсанарихьан. Думуган Исайи дугъаз гъапи: – Гьаци вуйиган, дурарин баяр налукариккан азад ву.

Паччагьлугъар-4 10:19

Гьаци вуйиган, Баалин вари пайгъамбрариз, дидиз гъуллугъ апӀрудариз ва дидиз гъурбан апӀрудариз варидиз узухьна дих апӀинай. Лигай гьа, сарра гъидритди вари гъюри, гьаз гъапиш Баализ зурба гъурбан апӀуз ккундузуз. Хъа Егьуйи, Баализ гъуллугъ апӀрудар вари терг апӀуз ккунди, аьмал ккайи ляхин апӀурайи.

Матта 12:32

Эгер шли Инсаниятдин Бализ къаршуди чӀуру гаф гъапиш, дугълан хил алдабгъиди, хъа шли Гирами Рюгьназ гъапиш, дугълан я гьамус, ясана гъюз имбу уьмриъ хил алдабгъидар.

Лука 16:7

Хъасин тмунурихьан гьерхру: «Хъа уву фукьан буржлу вува?» Дугъу: «Варж шишал дяхнин» кӀуру. Дугъазра кӀуру: «Ма яв распискара ва „миржцӀур шишал“ бикӀ».

Лука 20:35

Хъа ккудудубкӀру уьмриз гъачӀихъан чӀиви хьуз лайикь вуйидари душваъ я швушвар хурдар, я швуваз гъягъюрдар.

Насигьятар 12:8

Фикирлу улхбари адлу апӀиди инсан, хъа чиркин фикрар айир беябур хьиди.