Лука 16:2 - Гирами Китаб

² Эйсийи дугъаз дих дапӀну гъапи: «Увкан узуз ерхьурайи аьрзйир гьапӀрудар ву? Яв идара апӀбан ляхнарин гьякь-гьисаб ча, фицики сарун увхьан мяишат идара апӀуз шулдарвухьан».

Лука 16:2 Referans Kwoze

Ачмиш 20:12

Узуз гъийихдар, машгьур ва цӀиб вуйидар тахтнан улихь дийигъну гъяркъзуз. Китабар арццу, хъасин сабсана китаб абццу. Му Уьмрин китаб вуйи. Хъасин гъийихдарин суд, китабариъ дибикӀнайиси, чпин ляхнариинди гъапӀу.

Петрин-1 4:10

Учвкан гьарсариз жарариз дарубсиб хъуркьвал дурубкьначвуз, гьаци вуйиган Аллагьди учвуз багъиш дапӀнайи гьаму гьарсаб жюре хъуркьувалар, чиб-чпин гъайгъушнаъ шлуси, мянфяаьтлуди ишлетмиш апӀинай.

Петрин-1 4:5

Аммаки дурар багарихьди чӀивидаринна гъийихдарин суд апӀуз Гъюрурин улихь чпи гъапибдинна гъапӀубдин жаваб тувуз мажбур хьиди.

Тимофейиз-1 5:24

ГьацӀарин гунгьар, суддин Йигъ гъяйиз гьамустӀанра рякъюра, хъа гьацӀарин – кьяляхъна ачмиш хьиди.

Тимофейиз-1 4:14

Хъугърударин аьхюдари увʼин хилар иливуйрайиган увуз гъапи пайгъамбарвалин гафариланмина гъабхьи багъиш увхьан ярхла мапӀан.

Коринф-2 5:10

Фицики Месигьдин Суддиз гъюб ухьуз варидариз алабхъиди ва бедендиъ имиди ухьу гъапӀу гъяни ва пис ляхнариз дилигну, гьаруриз рубкьруб тувди.

Коринф-1 4:5

Гьаддиз, Агъа хъадакну гъюру вахт шайизра, улихьмиди тахсрар агури мюхъюгъянай. Дугъу вари жиниб ачухъ апӀиди, инсанарин юкӀвариъ гьитӀибкӀнайиб арайиз адабгъиди ва гьадмуган Дугъу гьардин тяриф апӀиди.

Коринф-1 4:2

Гьамциб хъугъвал илипнайидар аьгьтлу духьну ккунду.

Коринф-1 1:11

Йиз гъардшар, ичв гьюжатарикан Хлоийин хуландарикан деебхьназуз.

Рим агьларихьна вуйи кагъаз 14:12

Ва гьаддиз ухькан гьарсари Аллагьдин улихь, чав гъапӀу ляхнариз дилигну, жаваб тувди.

Лука 12:42

Агъайи кӀуруки: – Вафалу ва аькьюллу гъуллугъчи фуж ву? Агъайи чан лукӀариз вахтниинди хураг пай апӀбан бадали аьхюрди дерккур.

Лука 12:20

Хъа Аллагьди дугъаз кӀуру: «Эй ахмакь! Ахъли яв юкӀв увхьан гъадабгъиди: уву гьязур гъапӀуб шлиз ккабхъдийкӀан?»

Матта 12:36

КӀуразачвузки, инсанари чпин гьарсаб гьавайи гафнан жаваб гъиямат йигъан тувди.

Матта 20:8

Хябяхъ гъабшиган, эйсийи чан мяишатдин гъулугъчийиз кӀуру: – Нежбрариз дих дапӀну, аьхиримжи вуди лихуз хъюгъдарилан ккебгъну, сарпидариина гъяйизкьан, дурариз чпин ляхнин гьякъи тув.

Лука 16:1

Хъа Исайи Чан ученикариз кӀуруки: – Сар девлетлуйиз чан мяишат идара апӀру сар кас ади гъахьну. Гьадгъу эйсийин мяишат зяя апӀура кӀури, аьрза гъюру.

Лука 16:3

Гьадмуган мяишатдин идарачийи чав-чакна кӀуру: «Узу гьапӀну ккун? Йиз агъайи хулан мяишат идара апӀувал узхьан тадабгъиди: жил йибккуз узхьан удубкьидар, шликанкӀа пул тӀалаб апӀуз начди вузуз.