Лука 16:1 - Гирами Китаб

¹ Хъа Исайи Чан ученикариз кӀуруки: – Сар девлетлуйиз чан мяишат идара апӀру сар кас ади гъахьну. Гьадгъу эйсийин мяишат зяя апӀура кӀури, аьрза гъюру.

Лука 16:1 Referans Kwoze

Петрин-1 4:10

Учвкан гьарсариз жарариз дарубсиб хъуркьвал дурубкьначвуз, гьаци вуйиган Аллагьди учвуз багъиш дапӀнайи гьаму гьарсаб жюре хъуркьувалар, чиб-чпин гъайгъушнаъ шлуси, мянфяаьтлуди ишлетмиш апӀинай.

Лука 12:42

Агъайи кӀуруки: – Вафалу ва аькьюллу гъуллугъчи фуж ву? Агъайи чан лукӀариз вахтниинди хураг пай апӀбан бадали аьхюрди дерккур.

Якьубдин 4:3

Учву ккун апӀурашра, ккун апӀурайиб тамам шуладаричв, гьаз гъапиш учву ужудар ниятариз ккун апӀурадарчва, хъа – ичв тямягьяр гьуркӀбахъди.

Титдиз 1:7

Фицики Аллагьдин гъуллугъниин али аьхюр Гьадгъан ляхнар кӀули гъахурайир ву ва дицир саб гаф кайир духьну ккундар. Дициб гъуллугъниин, чав кӀурубтӀан аьгъдрур, я хъял гъюрур, пияниска, элегрур, я пулиъ улар айир духьну ккундар.

Лука 15:30

Хъа чан пай улдугнайидарихъди дипӀну, яв гьамуну бай гъафиган, уву дугъаз дюбхнайи кӀари гъубккунва».

Лука 15:13

Сакьюдар йигъарилан бицӀину чве, чаз ккубкьуб вари уч дапӀну, ярхла юрдариз гъягъюру ва, душвариъ кефниинди яшамиш шули, чаз айи девлет вари хътипӀуру.

Лука 19:20

Шубурпири дуфну кӀуру: – Агъа, магьа яв гъизилин манат: ягълухъигъ гъивну гъюбхюнза.

Насигьятар 18:9

ТӀагъруди лихрур дабгърурик гьисаб ву.

Лука 16:19

Сар кас девлетлу вуди, багьа вуйи палтар алахьури, гьар йигъан гешт хъапӀри гъахьну.

Лука 8:3

Гьироддин мулкар идара апӀурайи Хуздин хпир Югьанна, Сусанна, гьацира чпиз айи-адрубдиинди Дугъан гъайгъу зигурайи жара дишагьлийирра хъади гъахьну.

Эвел 43:19

Дурари Юсуфдин гъуллугъчйирин аьхюрихъди хулазди учӀвайиз урчӀарихъ гафар апӀуз хъюгъру:

Эвел 15:2

Ибрамди кӀуру: – Йиз Аьхюр, я РАББИ! Гьаз ву йиз Яв багъишар, эгер узухъ велед хъадарш? Йиз хал Дамаскдиан вуйи Элезерин хилиъ абхъра.

Матта 20:8

Хябяхъ гъабшиган, эйсийи чан мяишатдин гъулугъчийиз кӀуру: – Нежбрариз дих дапӀну, аьхиримжи вуди лихуз хъюгъдарилан ккебгъну, сарпидариина гъяйизкьан, дурариз чпин ляхнин гьякъи тув.

Лука 16:2

Эйсийи дугъаз дих дапӀну гъапи: «Увкан узуз ерхьурайи аьрзйир гьапӀрудар ву? Яв идара апӀбан ляхнарин гьякь-гьисаб ча, фицики сарун увхьан мяишат идара апӀуз шулдарвухьан».