Лука 13:6 - Гирами Китаб

⁶ Хъа Исайи гьамциб тахалус ктибтуру: – Сари чан багъдиъ инжирин гьар кивнади гъабхьну. Сабан, думу гьаригъ йимишар гъяш лигуз гъюру, амма гъядарди рябкъюру.

Лука 13:6 Referans Kwoze

Югьан 15:16

Узу ктагъур учву дарчва, гьаму Узу вуза учву ктагъур, гьаму Узу вуза учву дюнʼяйиз улупнайир, ва бегьер туврудар (учву вучва) – варитӀан ужуб бегьер. Ва гьадмуган Йиз Адашди учвуз, учву ккун гъапӀуб, вари тувди.

Галат 5:22

Хъа Рюгьнан ляхнарик – масанвал, шадвал, мясляаьт, сабур, ужʼвал, хил ачухъвал, хъугъвал алди хьуб,

Филипп 4:17

Мици узу, учвхьан хъана гизаф пешкешар гъадагъурза, кӀури, ваъ, хъа учвуз ичв пулилантина хъана гизаф хайир хьпан бадали апӀурайиб вуйиз.

Лука 3:9

Гьарин кьаблихъ магьа екӀв гьязурди хъа: гъяни йимиш туври адру гьарсаб гьар алдабтӀиди ва цӀигъна гатӀабхьиди.

Лука 13:5

Ваъ, кӀуразачвуз: эгер учву ичв гунгьар гардандиъ дидрисди, тахсрар апӀури гъашиш, учвура вари гьаци йихидичву.