Лука 12:8 - Гирами Китаб

⁸ КӀуразачвузки, адмйирин улихь Узу кьабул гъапӀу гьарсар кас Инсаниятдин Бали Аллагьдин малайикарин улихь кьабул апӀиди.

Лука 12:8 Referans Kwoze

Югьандин-1 2:23

Шли Бай кьабул апӀурадарш, дугъу Адашра кьабул апӀурадар. Шлиз Бай аьгъяш, дугъаз Адашра аьгъя.

Тимофейиз-2 2:12

Эгер аьгь апӀураш, Дугъахъди паччагьвалра апӀидихьа. Эгер ухьу Дугъхьан гьудучӀвиш, Думура ухьхьан гьудучӀвиди.

Лука 15:10

Гьамци Аллагьдин малайикарра чан тахсрар гардандиъ гъидису сар гунагькриканра шад хьиди.

Ачмиш 2:13

Узуз аьгъязуз, уву иблисдин тахт алишвʼин яшамиш шулайиб. Аммаки уву Йиз ччвурнахъан ижмиди хъичӀихнава. Уву Узухъ хъугъувалихьан иблис яшамиш шулайи ичв шагьриъ Йиз дугъри вуйи шагьид Антип гъакӀи йигъанра гьудучӀвундарва.

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.

Паччагьлугъар-1 2:30

Гьамци кӀура Израилин Заанури, РАББИЙИ: «Узу гаф тувнийза, яв хизан ва яв тухум Йиз машнан улихь гьарган яшамиш хьиди, кӀури. Хъа гьамусдихъантина дици хьибдар!» – кӀура РАББИЙИ. «Узу Йиз гьюрмат уьбхрудар заан апӀидиза, хъа Узу гьясппикк ккадрудар асккан апӀидиза.

Матта 8:20

Исайи дугъаз кӀуру: – Сулариз мугъарйир, завун ничхрариз мукьар а, хъа Инсаниятдин Бализ кӀул дивну дахъру йишв адар.