Лука 12:5 - Гирами Китаб

⁵ Хъа шлихьан гучӀ дапӀну ккундуш, кӀурзачвуз: гъачӀиган, жегьеннемдиъ Итрурихьан гучӀ апӀинай. Ав, кӀуразачвузки, Гьадгъухьан гучӀ апӀури йихьай.

Лука 12:5 Referans Kwoze

Петрин-2 2:4

Аллагьди гьеле малайикаркьан гьяйиф гъапӀундар; дурари гунагь гъапӀиган, жегьеннемдиъ дурар уржнийи ва гьаммишандин мучӀушнан зунжрарихьди суддин Йигъ гъяйиз дитӀнийи.

Матта 10:28

Беден йибкӀрударихьан гучӀ мапӀанай, фицики дурарихьан рюгь йикӀуз шулдар; хъа ичв беденра дубкӀну, жегьеннемдиъ ичв рюгьра пуч апӀуз Удукьрурихьан гучӀ апӀинай.

Ачмиш 14:7

Дугъу аьхю дихниинди гьарай гъапӀу: «Аллагьдихьан гучӀ апӀинай ва Дугъан ад за апӀинай! Гьаз гъапиш Дугъу суд апӀру сяаьт хъубкьна! Гьаддиз зав, жил, гьюл ва булагъар яратмиш ГъапӀуриз икрам апӀинай!»

Жугьдариз 10:31

ЧӀиви Аллагьдин хиларигъ гъяхъюб – мутӀан аьхю гучӀ адар!

Насигьятар 14:26

РАББИЙИХЬАН гучӀ хьайивал – жвув уьрхру ижми йишв ву, душвайишв увузна яв хизандиз – мюгькам гъала ву.

Ачмиш 20:14

Хъасин аьжална жегьеннем цӀин дагризди ирчнийи. Ари гьаму кьюбпи аьжал ву – цӀа алди, убгурайи дагар.

Фессалоник-1 4:6

Гьацдар тямягьяриъ ахъуз ва гъардшин ихтиярариин лик иливуз гьич фикиркьан мапӀанай, гьаз гъапиш, учу улихьна гъаписи ва учвкан ижмиди ккун гъапӀганси, вари гьацдар ляхнариз Агъайи жаза гьадабтӀиди.

Матта 25:41

Гьадмуган Дугъу чан гагул терефнахъ хъайидариз пиди: – Йиз улариккан дург духьну гъарахай, нянайикк ккайидар, иблисдиз ва дугъан хликк ккайидариз гьязур дапӀнайи жегьеннемдин цӀиз гъарахай.

Ачмиш 15:4

Шлиз, Агъа, Увхьан гучӀ хьибдар, ва шли Яв ччвур адлу апӀидар?! Гьаз гъапиш Уву сар вува, Гирамир! Ва Яв улихь дахьди икрамназ! Гьаз гъапиш Яв гьякьвал ачухъ гъабхьну!»

Матта 5:22

Хъа Узу учвуз кӀуразаки, шли чан багахьлу хъюлакк гъидисиш, думу чан суд апӀбакк ккуркьди, ва шли чан гъардшиз «усал кас» гъапиш, думу Заан диванханайиъ чан суд апӀбакк ккуркьди, хъа шли жарариз «ахмакь» гъапиш, думу жегьеннемдин цӀигъ гъитбакк ккуркьди.

Матта 25:46

Гьамци, нягьякьдар жегьеннемдин ккудудубкӀру аьзабнаъ ахьди, хъа гьякьлудар ккудудубкӀру уьмур хъапӀри хьиди.

Марк 13:23

Гьаци вуйиган, ихтиятди гъузай. Узу учвуз вари улубкьруб улихь имиди гъапунзачвуз.