Лука 11:4 - Гирами Китаб

⁴ Ич гунгьариланра хил алдабгъ, учура гьарсар учуз буржлурилан хил алдабгъури шулча; хъа учу тямягьариъ мааан.

Лука 11:4 Referans Kwoze

Матта 26:41

Гъафил махьанай. Тямягьвалариъ адрахъбан бадали, ккарагай. Рюгь кӀубан ву, хъа беден – зяиф.

Колосс 3:13

Эгер учвуз сар-сарикан гиран каш, сабурлуди аьгь апӀури гъузай ва Агъайи учвлан хил алдабгъиганси, учвура хил алдабгъури йихьай!

Матта 18:35

Гьамци Аьршарин Йиз Адашдира, учвкан гьарури чан гунгьар кайи гъардшилан кӀваантӀан хил алдадабгъиш, учвузра гьаци апӀиди.

Якьубдин 2:13

Фицики Аллагьдин судди жарариз ужʼвал дарапӀрурин язухъ апӀидар. Ужʼвал судтӀан зиина ву!

Тимофейиз-2 4:18

Агъайи узу гьарсаб чӀурубдиккан ккадаиди ва, Чан Аьршарин Паччагьлугъдиз гъахуз кӀури, уьрхиди. Гьадгъаз ибшри ад аьсрариан-аьсрариз! Амин.

Фессалоник-2 3:3

Хъа Агъа Чав кӀурубдиин Алир ву, ва Гьадгъу учву мюгькам апӀиди ва писурихьан уьрхиди.

Коринф-1 10:13

Гьамусдиз учвʼин алахьу читинвалар адмийириин улукьру аьдати читинвалартӀан дар. Аллагь Чав туву гаф тамам апӀрур ву. Дугъу учвʼин аьгь апӀуз даршлу читинвалар алахьуз гъитдар. Читинвалар алахьруган, Дугъу учвуз дурариан удучӀвуз шлу рякъра улупидичвуз. Гьаци дурариан учвхьан кӀул адабгъуз хьибдичвухьан.

Югьан 17:15

Узу Увкан дурар му дюнʼяйилан гъадагъуб ккун апӀурадарза, Узу ккун апӀураза, дурар писвалихьан уьрхюб.

Лука 22:46

Ва дурариз кӀуру: – Гьаз даахначва? Гъудужвну, тямягьвалариъ адрахьбан бадали ккарагай.

Лука 8:13

Хъа гъванариина ахьдар – мурар, Аллагьдин гаф гъеебхьиган, думу шадди кьабул апӀрудар, хъа чпихъ мюгькам ччивар хътарди хьпаз лигну, бязи вахтари хъугърудар, хъа читин гъабшиган, хътругърудар ву.

Даниял 9:19

Рабби, ебхьа! Рабби, хил алдабгъа! Рабби, гъаври ахъа! Ич тавакъу, кьаназ гъидрибтди, кӀулиз адабгъа – Яв Уву бадали, йиз Аллагь, фицики му шагьур Явуб ву ва халкьра Явуб ву, Яв ччвурнахъ хъайидар.

Ачмиш 3:10

Узу увуз, мюгькамди гъуз, гъапиган, уву гьаци гъузунва, гьаддиз вари адмийир ахтармиш апӀуз дюнʼяйиина гъюру бедбахтваларин вахтна, Узу увура уьрхидизаву.

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.

Паччагьлугъар-3 8:36

заварилан ебхь ва Яв лукӀарин, Яв халкьдин, Израилин гунгьилан хил алдабгъ. Дурар дидиъди гъягъбан бадали, дурариз ужуб рякъ улуп, ва Яв халкьдиз Уву ирсди тувнайи жилиина мархь убгъ.

Паччагьлугъар-3 8:34

заварилан ебхь ва Яв халкьдин, Израилин, гунгьилан хил алдабгъ ва думу дидин архйириз Уву туву жилиина кьяляхъ апӀин.

Эвел 48:16

йиз Малайик вуйи Заанури – узу гьарсаб балайиккан Ккадаърур ву Думу – гъит баяр ужувлакк ккаъри! Гъит дурариина йиз ва йиз абйир Ибрагьимдинна Исакьдин ччвур гъарабхри! Дурарин насил жилариин гизаф хьибди.

Лука 11:5

Хъана Исайи дурариз кӀуру: – Пухьаки, учвкан сари, чаз дуст ади, гьацӀишваринган дугъахьна дуфну, дугъаз кӀуру: «Я дуст! Узуз шубуб уьл буржназ ча,

Лука 13:4

Ясана учву, Силамдин чӀвурд абхъиган, гъийиху йицӀимиржир кас Ерусалимдин миди вуйи агьлартӀан артухъди тахсиркрар ву кӀури, гьисаб апӀуранчва?