Лука 1:13 - Гирами Китаб

¹³ Малайикди дугъаз гьамци кӀуру: – ГучӀ мапӀан, Закарʼя, яв ккарагувал деебхьна, ва яв хпир Елисаветайи увуз бай апӀиди, дугъʼин Ягьʼя кӀуру ччвур илив.

Лука 1:13 Referans Kwoze

Ляхнар 10:31

ва дугъу узуз гьамци гъапну: «Корнилий, яв ккарагувал аьршариз деебхьна ва уву касибариз туву садакьйир Аллагьди кӀваин дюрхна.

Паччагьлугъар-1 2:21

РАББИЙИ Анна кӀваин гъапӀнийи, дугъак саб-швнубан бицӀир киршнийи, ва дугъу шубурсана бай ва кьюр риш гъахнийи, хъа Шамуил РАББИЙИН Хулаъ гъуллугъ апӀури аьхю шулайи.

Эвел 25:21

Исакь чан хпирихъанди, веледар бадали, РАББИЙИЗ ккарагуру, фицики Ребека бицӀидар шлур дайи. РАББИЙИЗ дугъан ккарагбар гъеерхьнийи ва Ребекайик бицӀидар киршнийи.

Лука 2:21

Миржид йигълан БицӀирин суннат апӀру вахт улубкьиган, Дугъʼин, Учв бабак киршайиз малайикди улупу, гьадму Иса кӀуру ччвур иливуру.

Эвел 18:14

Айинхъа РАББИЙИХЬАН апӀуз даршлуб? Улупнайи вахтна хъа йисан Узу увухь хьидиза. Сарайихъ бай хьиди.

Матта 14:27

Ва гьадмусяаьт Исайи дурариз гъапи: – ЮкӀв ижми апӀинай, му Узу вуза, гучӀ мапӀанай.

Эвел 17:19

Ибрагьимдиз Заанури гъапи: – Увуз бай апӀрур яв хпир Сара хьиди. Дугъʼин Исакь («думу аьлхъюра») кӀуру ччвур иливидива. Йиз йикьрар Узу гьадгъвахъди ва гьадгъвалантина вуйи насларихъди гьаммишандиз вуйи йикьрар вуди йитӀидиза.

Матта 28:5

Малайикди, чӀалниина дуфну, дишагьлийириз гъапи: – ГучӀ мапӀанай, учву дариз гъизигу Иса агури дуфнайиб аьгъязуз.

Даниял 10:12

Дугъу узуз гъапизуз: – ГучӀ мапӀан, Даниял! Уву, яв Аллагьдин улихь кӀул ис дапӀну, аьгъюваларихьна чалишмиш хьуз хъюгъю гьятта садпи йигъланмина, яв гафар деерхьна. Яв гафар себеб вуди дуфнайир вуза.

Эвел 17:10

Магьа, уву тамам дапӀну ккуни, увухъди, увхъантина вуйи яв насларихъди вуйи Йиз йикьрар: гъит гьарсар жили касдин суннат дапӀну ибшри.

Лука 1:30

Хъа малайикди дугъаз гъапну: – ГучӀ мапӀан, Марʼям, Аллагьди увуз ужʼвал улупна:

Марк 16:6

– ГучӀ мапӀанай! – кӀуру дугъу дарариз. – Дариз гъизигу Назаретдиан вуйи Иса учву агурачва. Думу чӀиви гъахьну, мушваъ имдар. Магьа Думу дитну гъахьи йишвра.

Матта 1:21

Марʼямди Бай апӀиди ва Дугъʼин Иса кӀуру ччвур иливидива, фицики Дугъу Чан халкь гунгьарихьан уьрхиди».

Лука 1:14

Увуз хушʼвална шадвал хьибди, ва гизафдар думу бабкан хьувалиин шад хьиди,