Колосс 3:9 - Гирами Китаб

⁹ Чиб-чпиз кучӀлар мапӀанай, фицики учвʼлан ичв йирсивал илдипунчва.

Колосс 3:9 Referans Kwoze

Эфес 4:25

Гъит гьарсари кучӀал дипри ва жвуван багахь хьайидариз дюзвал йипри, гьаз гъапиш ухьу вари саб бедендин паяр вухьа.

Эфес 4:22

Ичв йирси табиаьтдиз хас вуйи, улар йитӀру кучӀлин тямягьяри пуч апӀурайи мугагьназдин уьмур гъибтуз учвуз улупнийи.

Югьан 8:44

Ичв адаш иблис ву, ва учву ичв адашдин интӀи тӀулар тамам апӀуз шад вучва. Хъа думу гьарган адмийир пуч апӀрур ву, ва дугъаз гьякьвал душман ву, гьаз гъапиш дугъаъ гьякьвал адар. Дугъу кучӀал апӀурайиган, кучӀал дугъан багъри чӀал ву, гьаз гъапиш думу кучӀлях ву ва кучӀларин адаш ву.

Рим агьларихьна вуйи кагъаз 6:6

Ихь гунагькар хасиятну ухьʼин гьюкум дарапӀбан бадали ва сарун ухьу гунгьарин лукӀар дархьбан бадали, ихь йирси уьмур Исайихъди сатӀиди хачрак кабсуб аьгъяхьуз.

Ачмиш 22:15

Амма хуйир, фалчйир, кьяппйир, йивну йихрудар, идолариз икрам апӀрудар, кучӀал ккунидар ва думу арайиз хрудар вари Шагьрин чӀатинди гъузди.

Ачмиш 21:27

ФукӀара чиркинуб душвазди убчӀвидар, душвазди алчагъвал ва кучӀал апӀрур учӀвидар. Душваъ анжагъ Ччилахь хьайи Уьмрин китабдиъ дидикӀнайидартӀан учӀвидар.

Тимофейиз-1 1:10

кьяппавалиъ айидариз, жилир жилирихъ хъайидариз, адмийир лукӀʼвализ масу туврудариз, кучӀляхяриз, кучӀалди шагьидвал апӀрудариз ва дюз аьгъювалариз къаршуди удучӀврудариз ву.

Ачмиш 21:8

Хъа гучӀбяхярин, масу туврударин, намуссузарин, йивну йихрударин, кьяппйирин, фалчйирин, идолариз икрам апӀрударин ва вари кучӀляхярин йишв цӀииндина гугутдиинди убгурайи дагар ву. Му кьюбпи аьжал ву».

Колосс 3:8

Хъа гьамус думу вари: хъял, гъизгъинвал, даккнивал, люкьнар, лайикьсуз гафар – гатӀахьай!

Насигьятар 13:5

Фунуб-вушра кучӀал гьякьлуйиз ву даккниб, хъа гьякьсузур хьиди беябур, дугъан машназра – аьйиб.