6 Вари гьамцдар тӀулари чпиина Аллагьдин хъял зигура.
Гъит, зиихъ дупнайибдиз къаршу удучӀвну, гьич сарира учву алдатмиш дарапӀри, гьаз гъапиш мютӀюгъ дарудари чпиина Аллагьдин хъял алапӀура.
Гьякьвал чпин нягьякьвалихьди ккапӀрайи адмийири апӀру вари чӀурубдиз ва гьякьсузвализ аьршариан Аллагьдин хъял гъюру.
Хъпехъру бицӀидарси, учву Аллагьдихъна гъяйиз айи ичв тямягьяр фицдар вуйиш, гьадрарихьди ичв уьмур хъапӀуз мигъитанай.
Амма хуйир, фалчйир, кьяппйир, йивну йихрудар, идолариз икрам апӀрудар, кучӀал ккунидар ва думу арайиз хрудар вари Шагьрин чӀатинди гъузди.
Дишагьли гъяркъюбси, дурарин улар кьяппавали ацӀра, ва гьациб гунагьнахьан гьудучӀвуз ккундар. Дурари, чпин дисру рукьариъ итуз, зяиф гъян айидар хъчӀюхюри шулу. Дурарин юкӀвар иблисвалихьди дидиржна. Дурарин кьисмат – пуч хьувал ву.
