Колосс 3:4 - Гирами Китаб

⁴ Ичв уьмур – Гьадму Иса ву. Думу гъафиган, учвура Дугъахъди адлуди гъидичва.

Колосс 3:4 Referans Kwoze

Югьан 11:25

Исайи гъапи: – Узу вуза чӀиви хьувал ва уьмур. Фуж Узухъ хъугъраш, гьеле гъачӀишра, яшамиш хьиди.

Югьандин-1 3:2

Йиз ккунидар, гьаму ражари ухьу Аллагьдин веледар вухьа, хъа гъюру вахтари ухькан фужар шулуш, сабан мялум дар. Саб аьгъяхьуз, Иса Месигь хъана жилариина гъафиган, ухьу Гьадгъаз ухшар хьидихьа, фицики Думу Учв фицир вуш, гьацирди рякъидихьуз!

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Петрин-1 1:13

Гъит, гьаддиз ичв фагьум фагьмихъ хъади ибшри, ва ляхнар апӀуз гьаммишан гьязурди гъузай. Вари ичв умуд Аллагьдин гъянивалиин илипай, хъа гъиямат йигъан Иса Месигь гъафиган, учвуз ичв умуд кайиб вари багъиш апӀиди.

Филипп 3:21

Дугъу, ихь зяиф, аьжал хъайи жанар дигиш дапӀну, Чансиб нур тувру Бедендиз илтӀикӀиди. Дугъу ихь жанар вари дюнʼя Чаз мютӀюгъ апӀуз гъиту кьувватниинди илтӀикӀуз гъитди.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Петрин-1 5:4

ва, Аьхюну Марччлихъан гъафиган, гьич зат дучрубхру адлувалин кунцӀ рубкьидичвуз.

Югьандин-1 2:28

Гьаци вуйиган, Месигьди кӀуруб гьаци апӀинайки, йиз веледар, Думу хъадакну гъафиган, Дугъан улихь учвхьан, я гучӀʼвал, я начʼвал адарди, дугъужвуз шлуганси!

Жугьдариз 9:28

гьаци Месигьра, гизаф инсанарин гунгьарихъанди, саб ражари гъурбан гъахьну, ва Думу гьамус кьюбпи ражарира, сарун дюнʼяйин гунагь Чаина гъадабгъуз кӀури ваъ, хъа Чаз ккилигурайидар уьбхбан бадали гъиди.

Ачмиш 22:14

Хушбахтаврар ву чпин палтар урччурайидар! Дурариз уьмрин гьарихьна ихтияр а, дурарихьан Шагьриъ урнарианмина учӀвуз шулу.

Коринф-1 15:43

Накьвдик кивру беден асккануб шулу, хъа чӀиви шлуб – успагьиб! Кивра зяифуб – чӀиви шула кьудратлуди,

Ачмиш 22:1

Хъасин малайикди узуз хрусталси нур туврайи уьмрин штун нир улупзуз. Думу нир Аллагьдинна Ччилан тахтнаккан ккудубчӀвурайи

Ягьудайин 1:24

Учву алдакуз Гъидритруриз, Чан улихь учву марцциди ва лап шадди дерккуз Шлуриз –

Югьандин-1 5:12

Шлиз Бай аш, дугъаз гьадму уьмурра а. Хъа шлиз Аллагьдин Бай адарш, дугъаз гьадму уьмурра адар.

Титдиз 2:13

Диди ихь умудар тамам шлу хушбахтавар Йигъ гъяйиз ккилигури гъузуз улупурахьуз. Думу Йигъ Чан аднаъди зурба вуйи Аллагь ва ухьу Уьрхрур – Иса Месигь гъюру Йигъ хьибди.

Матта 13:43

Гьадму вахтна дугъри касари чпин Адашдин Паччагьлугъдиъ ригъдиси нур тувди. Ебхьуз ибар кайидариз гъит ебхьри.

Тимофейиз-2 4:8

Гьамус узуз Агъайи, дюзвалин Судьяйи, гьадму Йигъан пешкеш тувди – узу гьякь апӀиди, неинки узу, хъа Думу хъадакну гъюру Йигъаз масанвалиинди ккилигурайи гьарсар гьякь апӀиди.

Коринф-2 4:17

Фицики ич пчӀу ва вахтназтӀан дару аьзабари учуз артухъ ва гьаммишандиз вуйи адлувал хура.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Югьан 14:3

Узу гъушиган, учвуз йишв гьязур апӀидиза. Узу наан шулуш, учвура гьадушваъ хьпан бадали, Узу хътакидиза ва учву Узухьна гъахидиза.

Тимофейиз-2 1:1

Аллагьди гаф тувнайи Месигь Исайиъди сатӀи вуйи уьмур рабгъуз Аллагьдин ниятниинди гьаънайи Месигь Исайин вакил Павелихьан

Фессалоник-1 4:17

хъасин ухьу, чӀивиди гъузнайидар, гьадрарихъди сатӀиди дифариинди Агъа рякъюз гъахиди ва гьаци гьаммишандиз Агъайихъди гъуздихьа.

Коринф-1 1:7

Сарун, ихь Агъа Иса Месигь гъяйиз ккилигури гъузбаъ, рюгьнан багъишариъ учвуз гьудрубкӀруб фукӀа адарчвуз.

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Ачмиш 2:7

Шлик хъпехъру ибар каш, гъит хъугънайидарин жямяаьтариз Рюгьну фу кӀураш, ебхьри! Гъалиб гъахьириз Узу Аллагьдихь женнетдиъ айи уьмрин гьаргъян йимишар итӀуз гъитдиза».

Тимофейиз-1 6:14

увуз гьич саб тягьна дяргъруси, узу увуз гъапиб вари ихь Агъа Иса Месигь гъяйизкьан, тамам апӀури гъуз.

Ляхнар 3:15

Учву уьмур Туврайир гъакӀунчва. Ари Гьадму Аллагьди, гъачӀихъан, чӀиви гъапӀну, ва учу мидин шагьидар вуча.

Лука 17:30

Инсаниятдин Бай гъафи йигъанра гьаци хьибди.

Рим агьларихьна вуйи кагъаз 8:18

Ухьуз гъюз имбу уьмриъ хьуз ккайи адлувалихьан ихь гьамусдин аьзабар фукӀара дар.

Рим агьларихьна вуйи кагъаз 8:19

Фицики Аллагьдин веледар фужар вуш, ачмиш апӀру вахт хьайиз, Аллагьди халкь дапӀнайиб вари, аьгь апӀуз даршули, ккилибгура.