Колосс 3:25 - Гирами Китаб

²⁵ Хъа шли чӀурувал апӀуруш, дугъаз, гъапӀу чӀурувализ дилигну, тувди. Аллагьдин улихь вари саб ву.

Колосс 3:25 Referans Kwoze

Ляхнар 10:34

Гьадмуган Петр дурариз кӀуру: – Дугъриданна аьгъю гъабшизуз, Аллагь адмийирин машназ дилигрур вуйиб.

Рим агьларихьна вуйи кагъаз 2:11

Аллагьди варидарин гьякьди суд апӀуру; майил апӀдар.

Коринф-2 5:10

Фицики Месигьдин Суддиз гъюб ухьуз варидариз алабхъиди ва бедендиъ имиди ухьу гъапӀу гъяни ва пис ляхнариз дилигну, гьаруриз рубкьруб тувди.

Фессалоник-1 4:6

Гьацдар тямягьяриъ ахъуз ва гъардшин ихтиярариин лик иливуз гьич фикиркьан мапӀанай, гьаз гъапиш, учу улихьна гъаписи ва учвкан ижмиди ккун гъапӀганси, вари гьацдар ляхнариз Агъайи жаза гьадабтӀиди.

Петрин-1 1:17

Эгер учву сабдизра дилигди, вари адмийирин суд АпӀруриз Адаш кӀураш, му дюнʼяйиъ имиди Дугъхьан гучӀʼвал кади яшамиш йихьай.

Эфес 6:9

Учвура, агъйир, лукӀарихьна гьаци йихьай. ГучӀар ккауб гъибтай. Учвуз аьгъюганси, ичвра, дураринра сар Агъа ву аьршариъ Айир, хъа Думу гьич саринра тереф бисрур дар.

Жугьдариз 2:2

Ухди малайикариланмина тувнайи Аллагьдин Гафнаъ кьувват айи ва гьарсаб дюз дарувализ ва хъпебехъувализ гъилигу жазара гьадабтӀуйи.

Колосс 4:1

Учвура, агъйир, лукӀарихъди дугъриди ва намуслуди гъузай. КӀваинди гъибтай, ичв Агъара завариин ал.

Лука 20:21

Сабан дурари Исайихьан гьерхру: – Мялим! Учуз Уву гьякь кӀурайиб ва аьгъювалар улупурайиб, гьич сарин машназ дилигди инсанар Аллагьдин дугъри рякъюъ тӀаърайиб аьгъячуз.

Паччагьлугъар-2 14:14

Ухьу вари кечмиш шлудар вухьа; ухьу жилиинди удубзу штуз ухшар вухьа, думу уч апӀуз шулдар. Амма Заанури уьмур тадабгъурдар; аьксина, Дугъу Чав ярхла гъапӀур гьаргандиз чахьан ярхла гъапӀурди гъудрузбакан фикир апӀуру.

Ягьудайин 1:16

Думу адмийирин ушв рабхбакан сикин дар. Дурар чпин кьисматнакк аьсси духьна. Дурар чпин тямягьярин хилиъ аьжуз духьна. Дурар, чпин авазйир апӀури, гъючӀвру ва чпиз хайирнахъди, сар шлин-вушра тярифар апӀури, хъюгъру.

Филимондиз 1:18

Хъа эгер, думу яв улихь тахсиркар вуш, ясана думу увуз фу-вуш буржлуди гъузнаш, думу бурж узук кайи гьисаб апӀин.

Матта 16:27

Фицики Инсаниятдин Бай Чан Адашдин аднаъди, Чан малайикарра хъади гъиди, ва гьадмуган гьарсар касдиз, чан ляхнариз лигну, кьимат тувди.

Эфес 6:8

Учвуз аьгъюганси, учв лукӀ вушра – даршра, шли ужуб ляхин гъапӀиш, гьарсаб ляхниз Агъайи пешкеш тувди.

Фессалоник-2 1:6

Учвʼин аьзабар илирчу тахсиркрариз Аллагьди бедбахтвалар тувди – мура гьякь ву.