Колосс 3:24 - Гирами Китаб

²⁴ Фицики, Агъайи пешкешди ирс тувруб учвуз аьгъячвуз. Учву Агъа Месигьдин гъуллугънаъ ачва.

Колосс 3:24 Referans Kwoze

Эфес 6:8

Учвуз аьгъюганси, учв лукӀ вушра – даршра, шли ужуб ляхин гъапӀиш, гьарсаб ляхниз Агъайи пешкеш тувди.

Лука 14:14

Ва уву бахтавар хьидива, фицики дурарихьан чпиз гьивуб увуз кьяляхъ апӀуз хьибдар, хъа явра, дугъридар чӀиви гъашиган, гьисабнаъ хьибдияв.

Галат 1:10

Узуз гьапӀуз ккунди а: адмийири йиз тереф бисуз гъитуз, даршиш – Аллагьди? Хъа узу, адмийириз ккуниб апӀуз хъюгънайир вуйинхъа? Эгер узу адмийириз ккуниб апӀурайир вуйиш, узу Месигьдин лукӀ хьидайза.

Коринф-1 7:22

Фицики Агъайи дих дапӀнайи лукӀ Агъайиз азад вуйир ву. Гьаци, азад вуди дих дапӀнайирра, Месигьдин лукӀ шула.

Ляхнар 20:32

Гьамус, гъардшар, учву Аллагьдиина ва Дугъан хайирнан Гафниина аманат апӀуразачву. Дугъхьан учву хъугъувалиин мюгькам апӀуз ва Чан ужувлакк ккайидарихъди учвузра ирс тувуз удукьуру.

Жугьдариз 11:6

Хъугъувал адарди Аллагьдиз ккуниси апӀуз шлуб дар, гьаз гъапиш Дугъахьна гъюру гьарсар кас, Аллагь айивалихъ ва Учв агруриз Дугъу пешкеш туврувалихъ хъугъну ккунду.

Жугьдариз 10:35

Гьаци вуйиган, ичв кӀубанвал мудубганай – ужуб пешкеш хьибдичвуз.

Эфес 6:6

Дурариз учву ккун хьпан бадали, зиълан апӀруси мапӀанай, хъа юкӀв хъипну, Аллагьдин ният тамам апӀурайи Месигьдин лукӀарси лихай.

Матта 5:46

Фицики анжагъ учву ккунидартӀан ккун апӀдарш, учвуз фтин бадали пешкеш хьибди? Налук гъадабгъурайидарира гьаци апӀурадаринхъа?

Матта 5:12

Гьаци беябур апӀури гъахьну учву хьайиз гъахьи пайгъамбрарра. Рази йихьай ва шадвал ачмиш апӀинай, фицики аьршариъ учвуз айи пешкеш зурбаб ву.

Насигьятар 11:18

Писуриз рубкьру пешкеш – кучӀлинуб, хъа гьякьвал убзруриз – дугъривалинуб.

Ягьудайин 1:1

Иса Месигьдин гъуллугънаъ айи Якьубдин гъардаш Ягьудайи Адаш Аллагьдиз масан вуйи ва Иса Месигьди уьрхюрайи дих дапӀнайидариз саламар хътаура.

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Колосс 2:18

МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!

Коринф-1 3:8

Кивуринна хъубзурин айиб саб метлеб ву, ва гьардиз чан пай ляхнинуб рубкьиди.

Лука 6:35

Хъа учву ичв душмнар ккун апӀинай, ужувлар апӀинай, кьяляхъ бисуб миж ктарди, буржназра тувай, ва учвуз зурба пешкеш хьибди, ва учву ВаритӀанзаанурин баяр хьидичва. Фицики чпиз гъапӀу ужʼвал аьгъю даршлударизра, пис касаризра Аллагь гъянир ву.

Матта 6:16

Учву ушв бисруган, кьюб маш гъяйидар фици пашманвалиъ кӀул ипну лицураш, гьаци учвура машар пашман дапӀну милицанай. Фицики дурари, чпи ушв бисурайиб улупуз кӀури, чпин машар язухъ гъюру гьялнаъ дерккра. Гьякьди кӀуразачвуз, дурарихьна рубкьруб дурубкьна.

Рутдикан китаб 2:12

Гъит РАББИЙИ увуз, яв гьадму ляхниз дилигну, туври! Уву Израилин Аллагь РАББИЙИХЬНА, Дугъан хлинццарикк архаин хьпан бадали, дуфнайир вува. Гъит увуз Дугъхьан гьубкӀну вуйи кьимат ибшри!

Матта 6:5

Хъа учву ккарагруган, варидариз рякъри кӀури, мистариъна кючйириъ ккарагуз ккуни кьюб маш гъяйидарси махьанай. Гьякьди кӀуразачвуз, дурарихьна чпин рубкьруб гъурубкьну.

Эвел 15:1

Гьаму гьядисйирин кьяляхъ Ибрамдиз аьжайиб улупбар шулу ва дугъаз РАББИЙИН гафар ерхьуру: – ГучӀ мапӀан, Ибрам. Узу уву уьрхру Гъалхан вуза. Увуз зурба пешкеш хьибдивуз.

Рим агьларихьна вуйи кагъаз 14:18

Месигьдиз гьамци гъуллугъ апӀурайири Аллагьдиз ккуниб апӀура, ва адмийиризра кьабул шула.

Рим агьларихьна вуйи кагъаз 1:1

Иса Месигьдин лукӀ вуйи, Аллагьди вакил хьуз кадагънайи ва Чан пайгъамбрарилантина Гирами китабариъ Чав гаф тувнайиганси, Аллагьдин Ужувлан хабар гъабхуз дих дапӀнайи Павелихьан саламар.

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Матта 10:41

Пайгъамбар, думу пайгъамбар хьпаз лигну, кьабул апӀруриз пайгъамбризсиб пешкеш хьибди, ва дугъри кас, думу дугърир хьпаз лигну, кьабул апӀруриз, дугъри касдиз туврубсиб пешкеш хьибди.

Жугьдариз 9:15

Ари гьаддиз Месигьдилантина ЦӀийи Йикьрар, дих дапӀнайидариз тувнайи гафниинди гьаммишандиз вуйи ирс рубкьбан бадали, гъийитӀну. Дурариз думу ирс, гьеле сабпи Йикьрар кьувватнаъ имидитӀан гъапӀу чпин гунгьарилантина рубкьру аьжалихъанди Исайи Учв аьжализ тувиган, гъурубкьуб ву.

Коринф-1 11:23

Фицики узу учвуз улупуб, Чахъан, Агъайихъан гъудубгъуб вуйиз: Агъа Исайи, Учв масу туву йишван, суфрайилан уьл гъадабгънийи,

Петрин-1 1:4

Гьамдиинди ухьук, я аьжалихьан, я камиваларихьан, я вахтнахьан чӀур апӀуз даршлу, чӀиви миж кивунхьук. Ихь миж кайи «девлет» ухьуз аьршариъ уьбхюра.