Колосс 3:15 - Гирами Китаб

¹⁵ Гъит, Месигьдин мясляаьтну ичв юкӀвариз рякъ улупри, фицики Аллагьди учвуз дих гъапӀунчвуз ва саб Бедендик, мясляаьт бадали, ктикьунчву. Гьаци апӀузди баркаллагь кӀури йихьай!

Колосс 3:15 Referans Kwoze

Югьан 14:27

«Мясляаьт ибшри!» – Узу кӀуразачвуз гъярайири. Узу учвуз Йиз мясляаьт тувразачвуз. Узу учвуз, инсанари туврубсиб мясляаьт туврадарзачвуз. Ичв кӀваан дердер адаай! ГучӀ мапӀанай!

Рим агьларихьна вуйи кагъаз 15:13

Гъит, умуд тувру Аллагьди учву ичв хъугъувалилантина, Гирами Рюгьнан кьувватниинди ичв умуд артухъ хьпан бадали, шадвали ва мясляаьтну ацӀричву.

Фессалоник-1 5:18

варибдиз чухсагъул йипай – магьа учвуз, Месигь Исайихъ хъугърудариз вуйи Аллагьдин ният.

Рим агьларихьна вуйи кагъаз 5:1

Ихь Агъа Иса Месигьдихъ хъугъну, ухьу гьякь духьнайиган, Аллагьдихъди Иса Месигьдилантина ихь аьлакьйир дерккунхьа.

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Эфес 5:20

Ихь Агъа Иса Месигьдин ччвур дибисну, Адаш Аллагьдиз гьаммишан ва варибдихъан чухсагъул йипай.

Коринф-2 9:11

Учву варибдихьди гьаци девлетлу хьидичваки, гьяйиф дарди, гьарган адмийириз кюмекар апӀуз хьибдичвухьан, ва учву, гьяйиф дарди, учлан чпиз гъапӀу багъишарилантина дурари Аллагьдизра чухсагъул пиди.

Эфес 4:4

Рюгь сар ву, Месигьдин беденра саб ву ва, гьадрарси, Аллагьди учвуз дих дапӀнайи умудра саб ву.

Рим агьларихьна вуйи кагъаз 14:17

Фицики Аллагьдин Паччагьлугъ ипӀруб, я убхъруб дар, думу Гирами Рюгьну багъиш апӀурайи дугъривал, ислягьвал ва шадвал ву.

Тимофейиз-1 2:1

Сифтена-сифте увкан ккун апӀурайиб гьаму вуйиз: вари адмийирихъанди ккарагай, тӀалаб апӀинай, гаф хъипай, Аллагьдиз чухсагъул йипай.

Колосс 2:7

Гьадгъаъ ччивар деетай, жвуван уьмур Гьадгъахъди хъапӀай, учву айи хъугъвалиъ мюгькам йихьай ва учвуз гъапӀу ужувлан гъадри кади гъузай.

Эфес 5:1

Аллагьдин ккуни веледарси, Гьадгъаз ухшар йихьай.

Коринф-2 4:15

Му вари, артухътӀан артухъ инсанар ужувлакк ккаърайи ужʼвали Аллагьдин адлувализ хъана артухъ чухсагъул пубан бадали, учвуз вуйи ужʼвал ву.

Ачмиш 7:12

Дурари варидари гьамци кӀуйи: «Амин! Дугъриданна ужʼвал ва ад, аькьюл, чухсагъулвал, заанвал, кьувват ва кьудрат гьарсариз аьсрариан аьсрариз ихь Аллагьдихь хьа. Амин».

Эфес 4:16

Гьадгъан кюмекниинди вари беден саб дубхьна ва гьар жюре аьлакьйири кибтӀна, дидин вари паяри гьарсабди чаз улупнайиб тамам апӀура. Гьамци вари беден аьхю ва масанвалиъ артмиш шула.

Колосс 1:12

гъит Адашдиз, Дугъу учвузра Чан гирами халкьдихъди сабси аквнан Паччагьлугъдиъ йишв улупбаз, шадди чухсагъул йипри.

Жугьдариз 13:15

Гьаммишан Аллагьдиз, Дугъан ччвур рабгъури, ушвниан удучӀвурайи тярифнан гъурбнар Исайилантина хидихьа.

Коринф-1 7:15

Эгер хътругъру жилириз вая хпириз жара духьну ккундуш, гъит ишри. Му гьялариъ гъардаш, вая чи асиллуди гъузидар. Аллагьди ухьуз мясляаьтнаъди яшамиш хьуз дих дапӀнахьуз.

Рим агьларихьна вуйи кагъаз 1:21

Дурариз Аллагь аьгъяйишра, дурари хай шлуси Дугъаз гьюрмат гъапӀундайи. Мидин ерина, дурар чпин файдасуз фикрар-фагьмариъ ахъну, ва дурарин ахмакь юкӀвар кӀару гъахьну.

Юнус 2:9

КучӀлин ужуз аллагьариз гьюрмат апӀурайидари чпиз гъапӀу рягьим кӀваълан гьапӀнийи,

Коринф-1 10:17

Уьл саб ву, ухьура, фукьан гизаф вушра, саб беден вухьа, гьаз гъапиш, ипӀурайи гьадму саб уьлʼинди ухьу вари сатӀи шулахьа.

Тимофейиз-1 6:12

Хъугъувал бадали игит йихь, увуз дих дапӀнайи гьаргандин уьмрихъан хъичӀих. Фицики уву лайикьлуди гизаф шагьидарин улихь яв хъугъуваликан гъапнийва.