Колосс 3:14 - Гирами Китаб

¹⁴ Хъа гьацдар палтарин зиълан масанвалиндар алахьай. Фицики масанвали варибдикан тамам вуйи сатӀивал апӀуру.

Колосс 3:14 Referans Kwoze

Петрин-1 4:8

Сифтена-сифте вари кӀваантӀан чиб-чпи ккун апӀинай, гьаз гъапиш масанвали гизаф гунгьар ккеркру.

Эфес 5:2

Кабалгру ицци ниар адаури, Аллагьдиз Месигь Учв фици гъурбан гъахьнуш ва фици ухьу ккун гъапӀнуш, гьаци масанди яшамиш йихьай.

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Югьан 13:34

Узу учвуз цӀийи табшуругъ тувраза: сари-сар ккун апӀинай, Узу учву ккун гъапӀиганси, гьаци учвура сари-сар ккун апӀинай.

Рим агьларихьна вуйи кагъаз 13:8

Саризра буржлуди мугъузанай; гъит, учвук анжагъ саб буржтӀан дарибшри, думура – чиб-чпихьна улупру масанвалин бурж, фицики, шли чан багахь хьайир ккун гъапӀиш, гьадгъу Къанун тамам апӀура.

Эфес 4:3

Вари кьувват жалб дапӀну мясляаьтнахьди рюгьнан ичв сабвал йибтӀай.

Югьандин-1 4:21

Месигьди учуз гьамциб насигьят тувунчуз: Аллагь ккунири чан гъардашра ккун дапӀну ккунду.

Тимофейиз-1 1:5

Гьаму йиз тӀалабнан метлеб – марцци кӀваан, гъяни намуснаан ва дугъри хъугъувалиан удубчӀвурайи масанвал вуйиз.

Фессалоник-1 4:9

Гъардшарихьна вуйи масанваликан бикӀуб думукьан лазим вуди гьисаб апӀурадарча, фицики Чав, Аллагьди, учву чиб-чпи ккун апӀуз улупунчвуз.

Югьан 17:23

Узу дурариъ шулаза ва Уву Узуъ шулава. Гъит дурарра ижмиди сабхилди гъузри! Ва гъит дюнʼяйиз аьгъю ибшри Узу Уву гьаувал ва, Увуз Узу ккуниганси, Увуз дурарра ккунивал.

Югьан 15:12

Магьа Йиз учвуз вуйи табшуругъ: Узу учву ккун гъапӀиганси, сари-сар ккун апӀинай.

Югьандин-1 3:23

Магьа ухьуз Аллагьди фициб табшуругъ дебккнаш: ухьу Дугъан Бай – Иса Месигьдихъ хъугъну ккунду, ва Исайи ухьуз табшурмиш гъапӀиганси, ухьу сари-сар ккун дапӀну ккунду.

Жугьдариз 6:1

Гьаддиз гъачай, Месигьдикан вуйи аьгъюваларин бинайиланзина яшназ дуфнайидариз вуйи аьгъювалариина улдучӀвидихьа. Ухьу гьамус хъана аьжалихъна гъахру гунгьар гардандиъ дисуваликан, Аллагьдихъ хъугъну ккуниваликан, штуан хьуваликан, хилар иливбакан, гъачӀидар чӀиви хьуваликан ва гьаргандин Суддикан вуйи аьгъюваларин бин хъана ккивуз хъюгъидархьа.

Эфес 1:4

Дугъу ухьу, Месигьдиъ саб духьну, Аллагьдин улихь гирамиди ва тахсир ктарди яшамиш хьуз дюнʼя халкь апӀайиз улихьна ктагъну. Дугъу Чан масанвалиинди,

Югьандин-1 3:10

Фуж – Аллагьдин, хъа фуж иблисдин велед вуш, магьа гьамци аьгъю апӀуз шулвухьан: гьякьвалиинди дарапӀрур ва чан гъардаш даккнир Аллагьдихьан дар.