Колосс 3:12 - Гирами Китаб

¹² Гьаддиз, Аллагьдин кадагънайи гирами ва масан вуйидариз лайикь вуйиси, учвура рягьимлувалин, язухъ зигувалин, юкӀв айивалин, гъянивалин ва сабурлувалин палтар алахьай.

Колосс 3:12 Referans Kwoze

Эфес 4:32

Сар-сарихьна гьюрмат ади йихьай, учву Месигьдиъ саб гъахьиган Аллагьди учвлан фици хил алдабгънуш, учвура чиб-чпилан хил алдабгъури гъузай.

Эфес 4:2

Дамагъсузди ва гъюдалди гъузай, чиб-чпихьна сабурлуди ва масанди йихьай.

Югьандин-1 4:19

Аллагьди ухьу сифте ккун дапӀнайиган, ухьура Думу ккун апӀурахьа.

Колосс 3:10

Учву ГъапӀуриз ухшар айи, Аллагьдин гьякьвал аьгъяди, цӀийитӀан цӀийи алапӀурайи адмивалин цӀийи халиъ учӀвначва.

Петрин-2 1:10

Магьа гьамдиз, гъардшар, хъана аьхю кьувватниинди учвуз дих дапӀнайивал ва учву кадагънайивал тасдикь апӀинай. Гьамци апӀури гъашиш, гьич саркьан алдакидарчва!

Фессалоник-1 5:15

Лигайгьа, ичв арайиъ гьич сарира чӀурувализ чӀуру жаваб тутруври. Гьаммишан, чиб-чпихьна шлуси, варидариз ужувлиинди йихьай.

Коринф-2 6:6

марццивалиъ, аьгъювалариъ, гъюдливалиъ, ужʼвал апӀбаъ, Гирами Рюгьнан хиликк хьувалиъ ва кӀваантӀан вуйи ккунивалиъ,

Галат 5:6

Эгер Месигь Исайихъди ухьу саб вуш, адмийин суннат дапӀну а – адар, дурар сар сарихьан жара дар. Мушваъ айи метлеб – масанвалиланмина арайиз удубчӀвурайи хъугъвал ву.

Тимофейиз-2 2:10

Гьаддиз узу, кадагънайидар бадали, Месигь Исайихъди сатӀи вуйидариз, гьаммишандин адлувалра хъади, чпиз уьрхювал рубкьбан бадали вари аьгь апӀураза.

Рим агьларихьна вуйи кагъаз 1:7

Узу му, учвуз, вари Римдиъ яшамиш шулайидар, Аллагьдиз ккунидар ва Аллагьдин гирами халкь хьуз дих дапӀнайидар, бикӀуразачвуз. Ужʼвал ва мясляаьт ибшричвуз Аллагьдихьан, ихь Адашдихьан ва Агъа Иса Месигьдихьан.

Титдиз 1:1

Узу, Аллагьдин гъуллугънаъ айи ва Иса Месигьдин вакил Павел, Аллагьди кадагънайидар хъугъувалихъна хуз, гьякьʼвалин кӀулиъ тӀауз, дюзди Аллагьдиз гьюрмат фици апӀуруш улупуз ва

Матта 24:31

Дугъура зурба сес апӀру зурна хьади Чан малайикар гьаъди, дурари Дугъу ктагъу касар, жилин саб кӀулʼан тмуну кӀулиз гъяйизкьан, юкьбиб терефарихъанди уч апӀиди.

Лука 18:7

Аллагьди уьрхидаринхъа, Чаз йигъ-йишвди ккарагурайи, Чав ктагъдар, гьеле дурар уьрхюз кьан апӀурушра?

Лука 1:78

Аллагьдин зурба ужʼвал ахсрарин Нурси ухьʼина дуфну,

Марк 13:27

Гьадмуган Дугъу, дюнʼяйин юкьбиб терефарихъан жилин саб кӀулхъан тап гьатмунуб кӀулихъна кадагънайидар уч апӀуз малайикар гьаъди.

Эфес 4:24

Аллагьдин хасият – гьякь вуйи дюзвал ва гирамивал улупурайи цӀийи табиаьт «алабхьай».

Тимофейиз-2 1:9

Дугъу ухьу ихь ляхнариз лигну дюрхнадар ва Чан гирами вуйи дихниинди ухьуз дих дапӀнадар, хъа, Чан гьаци апӀуз ккайивалин кьувватназ ва Чан зурба вуйи ужувлаз дилигну гьаци дапӀна. Дугъу ухьуз, Месигь Исайиланмина думу багъиш, вахтар ккергъайиз улихьна дапӀнайи.

Филипп 1:8

Месигь Исайин Чан юкӀвси йиз юкӀв фициб убцру масанвалиинди учвухьна вуйиш, магьа Аллагь шагьид ву!

Эфес 1:4

Дугъу ухьу, Месигьдиъ саб духьну, Аллагьдин улихь гирамиди ва тахсир ктарди яшамиш хьуз дюнʼя халкь апӀайиз улихьна ктагъну. Дугъу Чан масанвалиинди,

Рим агьларихьна вуйи кагъаз 9:11

Ва кьюрид баяр бабкан хьайиз, дурари фукӀа-мукӀа ужуб, я харжиб апӀайиз улихьна, Аллагьди Ревекайиз гъапну: «Аьхюну бай бицӀирнурин гъуллугънаъ хьиди». Аллагьди мици дурар бабкан хьайиз улихьна гъапнийи, гьаз гъапиш, Аллагьди кадагънайи бай, Чав ният дапӀнайиганси кадагънайир хьпан бадали, хъа бали чав гъапӀубдиинди кадагъну дархьбан бадали.

Марк 13:22

Гьаз гъапиш кучӀлин месигьар ва кучӀлин пайгъамбрар ачмиш хьиди. Эгер удукьуруш, гьеле кадагънайидарра чпихъинди илтӀикӀуз дурари аьламатнан лишнар ва аьжайиб ляхнар улупиди.

Марк 13:20

Ва эгер гьадму йигъар Агъайи кам гъапӀундайиш, гьич фужкӀара ккадархьидайи. Хъа Чан кадагънайидар бадали Дугъу гьадму йигъар кам гъапӀну.

Матта 24:22

Хъа гьадму йигъар Аллагьди кам гъапӀундайиш, сар каскьан ккададархьрийи, амма Чав кадагънайидар бадали Дугъу гьадму йигъар кам апӀиди.

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Югьандин-2 1:13

Аллагьди кадагънайи яв чуччун веледари саламар хътаура.

Матта 24:24

фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди.

Рим агьларихьна вуйи кагъаз 13:14

Ихь Агъа Иса Месигьди учву уьрхричву, ичв бедендин гъайгъушин тямягьяриз миилтӀибкӀанай.

Коринф-1 13:4

Масанвали сабур хуру, гъянивал хуру, бахилвал хурдар, жвуван тяриф апӀдар, фурс кипдар,