Колосс 3:11 - Гирами Китаб

¹¹ Гьаци гъахьиган, грекна жугьуд миллетдин, суннат дапӀнайиринна адрурин, варваринна скифдин, лукӀранна азад вуйирин арайиъ фаркьвал адар. Месигь вариб ву, ва варибдиъ айир Гьадму ву!

Колосс 3:11 Referans Kwoze

Коринф-1 12:13

Ухьу вари саб беденси хьпан бадали, жугьдар ва грекар, лукӀар ва азад вуйидар – сар Рюгьну цӀийи алаънайидар вухьа. Ухьуз варидариз гьадму сар Рюгь ухъуз тувнахьуз.

Рим агьларихьна вуйи кагъаз 10:12

Жугьдарна жара миллетар саб ву, фицики Агъара варидариз Сар ву, ва Чаз дих апӀру варидариз Дугъу ужʼвал тувру.

Эфес 3:6

Думу сир магьа гьаму ву: жугьдарихъди сабси жугьуд дарударра, Ужувлан хабарнахъ хъугъну, Аллагьдин ужувлан ирсчйир ву ва дурарихъди сабси саб бедендик ктикьура. Иса Месигьдик ктикьрудариз тувнайи гафнакан гьадраризра ка.

Эфес 1:23

Дурар сатӀиди Гьадгъан беден, варишвариъ ва варибдиъ вуйи Гьадгъан тамамвал ву.

Рим агьларихьна вуйи кагъаз 3:29

Аллагь, анжагъ, жугьдаризтӀан дарин? Гьацира имбударизра Вуйир даринхъа? Ав, Думу гьацира имбу халкьаринра ву.

Галат 5:6

Эгер Месигь Исайихъди ухьу саб вуш, адмийин суннат дапӀну а – адар, дурар сар сарихьан жара дар. Мушваъ айи метлеб – масанвалиланмина арайиз удубчӀвурайи хъугъвал ву.

Югьан 17:23

Узу дурариъ шулаза ва Уву Узуъ шулава. Гъит дурарра ижмиди сабхилди гъузри! Ва гъит дюнʼяйиз аьгъю ибшри Узу Уву гьаувал ва, Увуз Узу ккуниганси, Увуз дурарра ккунивал.

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Коринф-1 7:19

Суннат дапӀнайивал, ясана адрувал – мурариъ гьич саб мяна адар, хъа мяна – Аллагьдин табшуругъар тамам апӀуб ву.

Колосс 2:10

Учвузра тамамвал гьякимарин ва гьюкмарин КӀул вуйи Гьадгъаъди дурубкьначвуз.

Рим агьларихьна вуйи кагъаз 1:14

Вари халкьариз: гьам грекариз, улихь хьайи, ва имбудариз, кьяляхъ хъайи, гьам аьяндрариз ва сабдиканра хабар адрудариз – вардиз узу буржлу вуза.

Югьан 15:5

Узу – шир, хъа учву – кюлер. Анжагъ гьадмунури, Узу чаъ айиганси, фуж Узуъ аш, бегьем бегьер хури шулу. Узу хътарш, учвхьан фукӀа апӀуз шулдар.

Ляхнар 28:4

Дугъан хиликк ккебхнайи битӀ дябкъну, душван агьалйири чпин арайиъ гьамци гъапнийи: – Гьаму кас, саб шакра адарди, адми гъачӀир ву, фицики думу гьюлиъ талаф гъахьундаршра, Аллагьдин судди думу чӀивиди гъитрадар.

Ляхнар 28:2

Душван агьалйири учу кьадарсуз ужуди кьабул гъапӀнийчу. Мархь дубгъну, гьавйир мичӀал хьпаз лигну, дурари, аьхю цӀа алапӀну, учуз цӀихъна дих гъапӀнийи.

Югьан 14:23

Исайи жаваб туву: – Шлиз Узу ккундуш, гьадгъу Йиз Гаф уьбхиди. Ва гьадмуган дицир Йиз Адашдизра ккун хьиди, гьадмуган Узуна Думу сатӀиди гьацирихьна гъидича ва гьадгъаъ яшамиш хьидича.

Югьандин-2 1:9

Месигьдин аьгъювалар чӀюргъруриз ва дурар тамам дарапӀруриз Аллагь аьгъдар. Хъа Месигьдин аьгъювалар тамам апӀруриз Адашра, Байра аьгъя.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Эфес 6:8

Учвуз аьгъюганси, учв лукӀ вушра – даршра, шли ужуб ляхин гъапӀиш, гьарсаб ляхниз Агъайи пешкеш тувди.

Эфес 3:17

хъугъувалиинди ичв кӀваъ Месигь учӀвуз, ичв уьмрин ччивна шибритӀ масанвал хьуз,

Коринф-1 14:11

Эгер узуз кӀурубдин узу гъавриъ ахъдарш, кӀурайириз узу жара уьлкейин адми ву, ва думура узуз жара уьлкейин адми шула.

Рим агьларихьна вуйи кагъаз 3:22

Аллагьди адмийир Чан улихь гьякь апӀура Иса Месигьдихъ хъугъбиинди. Му хъугърудариз варидариз кайиб ву, гьаз гъапиш дурарин арайиъ гьич саб фаркьвалра адар,

Эфес 2:14

Месигьди ухьу, жугьдар ва жара халкьар, саб мясляаьтназ гъахну ва кьюбдикан саб гъапӀну; Чан жан гъурбан дапӀну, ихь арайиъ дийибгънайи цал, яни ухьу жара апӀурайи душманвал адабгъну.

Эфес 2:15

Дугъу аьдатарна къайдйир хъайи Къанун арайиан идипну. Дугъан метлеб – Чаъ сатӀи дапӀну, кьюбдикан цӀийи халкь дапӀну, мясляаьт ипуб ву,