Колосс 3:1 - Гирами Китаб

¹ Аллагьди учву Месигьдихъди чӀиви дапӀнайиган, Аллагьдин арччул хилихъинди деънайи Месигьдихьинди, заваринубдихьна, ял апӀинай.

Колосс 3:1 Referans Kwoze

Рим агьларихьна вуйи кагъаз 8:6

Бедендин тямягьарикан вуйи фикрари аьжалихъна хуру, хъа Рюгьнан ляхнарикан вуйи фикрари уьмур ва архаинвал хуру.

Матта 6:33

Сифтена-сифте учву Аллагьдин Паччагьлугъдихъ хъергай ва Дугъу кӀурайиб вари тамам апӀбахъ йихьай. Гьаци гъапӀиш, имбуб вари Дугъу тувдичвуз.

Коринф-2 4:18

Учу рябкърубдиз лигурадарча, хъа – дярябкърубдиз, гьаз гъапиш улариз рябкъруб вахтназтӀан дар, хъа дярябкърайиб – гьаммишандиз.

Колосс 3:2

Заваринубдикан фикрар апӀинай, хъа му дюнʼяйинубдикан – ваъ.

Матта 6:20

Аьршариин девлет уч апӀинай, душваъ думу сурарина мюркъю ипӀидар ва, угърийири, архьну, гьитӀибкӀидар,

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Лука 12:33

Ичв мулкар масу туври, садакьади пай апӀинай. Жвуваз аьршариъ угъри удручӀвру, йирси даршлу ужагъ, камк ктрабхьру ва хътӀатӀабццру хазна гьязур апӀинай.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Лука 22:69

Гьамусдихъантина Инсаниятдин Бай кьудратлу Аллагьдин арччул гъвалахъ деъди.

Колосс 2:20

Учву, Месигьдихъди дукӀнайидар, му дюнʼяйин кьудратарихьан азад вуйиган, дюнʼяйиндариси, гьамци кӀури, къайдйир гьаз уьрхюрачва:

Жугьдариз 8:1

Учу учвуз кӀурайибдин варитӀан кӀулинуб – аьршариъ айи Вариудукьрурин тахтнан арччул терефнахъинди хъайи заан Гъуллугъчи ухьуз ахьуз.

Рим агьларихьна вуйи кагъаз 8:34

Шли дурар тахсирлу апӀиди? Месигь Иса гъакӀну, хъа чӀиви гъахьну, хъа гьамус Аллагьдин арччулну хилихъинди деъна ва ухьхъанди ккарагура.

Жугьдариз 10:12

Хъа му Гъуллугъчи, гунгьарихъанди гьаммишандиз кьувватнаъ гъубзрайи саб гъурбан дубхну, Аллагьдин арччул терефнахъинди деъну.

Матта 26:64

Исайи дугъаз кӀуру: – Уву гьаци кӀурава. Дидланна гъайри, Узу кӀуразачвуз: гьамусдихъантина Инсаниятдин Бай вари Удукьрурин арччулну гъвалахъ деъну ва дифариинди гъюри рякъидичвуз.

Эфес 4:10

Чахьди вари дюнʼя абцӀбан бадали аьршартӀан зиина за Гъашир, гьадму исина Гъушур ву.

Марк 14:62

– Ав, вуза, – жаваб тувру Исайи. – Ва учвуз, вари Удукьрурин арччул хилихъинди деъну, аьршарин дифариинди Инсаниятдин Бай гъюри рякъидичвуз.

Жугьдариз 1:13

Малайикарикан шлиз ва фила гьамци дупна: „Узу Яв вари душмнар Яв ликарикк духну ккахьайизкьан, Йиз арччул хилихъинди деъну гъуз?“

Ляхнар 2:34

Давуд аьршариз за гъапӀундаршра, дугъу гьамци дупна: «Агъайи йиз Агъайиз гъапну:

Лука 20:42

Чав Давудри Мяълийирин китабдиъ кӀура: «Аллагьди йиз Агъайиз гъапну: Узу Яв душмнар, духну, Яв ликарикк дахьайизкьан, Йиз арччул гъвалахъ деъ».

Марк 16:19

Гьамци дупну, Агъа Иса завариз за шулу ва Аллагьдин арччулну хилихъ деъру.

Марк 12:36

Гирами Рюгьну ацӀнайи чав Давудри гъапну, аьхир: «Агъайи йиз Агъайиз гъапну: „Узу Яв душмнар, духну, Яв ликарикк дахьайизкьан Йиз арччул гъвалахъ деъ“».

Петрин-1 3:22

Завариина за духьну, Думу гьамус Аллагьдин арччул хилихъинди хъа. Дугъаз вари малайикар, гьюкмар ва кьудратар мютӀюгъ гъахьну.

Ляхнар 7:55

Гирами Рюгьнахъди ацӀнайи Стефан завузди лигуру, ва дугъаз Аллагьдин гьяйбатна Дугъан арччулну хилихъ дийигънайи Иса рякъюру.

Матта 22:44

«Агъайи йиз Агъайиз гъапну: Узу Яв душмнар Яв ликарикк дахьайизкьан, Йиз арччул гъвалахъ деъ?»

Насигьятар 15:24

Фикир айир за шула уьмрин рякъюъ, аьжалихъна гъахру рякъяр дугъу ктагъидар.

Эфес 5:22

Учву, хпар, Агъайизси, ичв жиларизра мютӀюгъ йихьай.