Колосс 2:6 - Гирами Китаб

⁶ Гьаци вуйиган, эгер учву Месигь Иса ичв Агъади кьабул гъапӀнуш, Гьадгъахъди сатӀиди яшамиш йихьай.

Колосс 2:6 Referans Kwoze

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Югьандин-1 2:6

Шли Аллагьдиз ккуниси яшамиш шулаза кӀураш, думу Исаси духьну ккунду.

Фессалоник-1 4:1

Аьхиринишвʼин гъардшар, учу учвуз Аллагьдиз ккунидарси яшамиш хьуз улупганси, гьамусдихъантинара гьаци яшамиш хьуб учвкан Агъа Исайин ччвурнахъан ккун апӀурача. Учву гьамустӀанра гьаци яшамиш шули ачва, хъа вушра, хъана артухъ ужуйи яшамиш хьуз чалишмиш йихьай.

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Коринф-2 5:7

фицики ухьу улариз рябкъюри ваъ, хъа хъугъну яшамиш шулахьа.

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Ягьудайин 1:3

Йиз ккунидар, гьеле узуз ихь сатӀлан вуйи уьрхюваликан бикӀуз гизаф ккунди ашра, саб ражари ва гьаргандиз Аллагьдин гирами халкьдиз тувнайи хъугъвалиан женг гъабхуз аьшкь капӀру кагъаз учвуз бикӀуб лазим вуди гьисаб апӀураза.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Филипп 1:27

Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Жугьдариз 3:14

Эгер сифте кӀулариъ ухьуз айибсиб ихь ижми хъугъувал ухьу аьхиризкьан гъюбхиш, Месигьдиз айи варибдикан ухьузра пай хьибдихьуз.

Эфес 4:1

Узу, Агъайин тереф дибисна кӀури дустагъдиъ айири, миннат апӀуразачвуз: Аллагьди учвуз дих дапӀнайи гъуллугъназ лайикь вуйиси яшамиш йихьай.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Югьан 13:20

Гьякьлу вуйи гьякь кӀуразачвуз: Узу Гьаърайир шли кьабул апӀураш, гьацири Узу кьабул апӀура, хъа шли Узу кьабул апӀураш, гьацири Узу му дюнʼяйиз Гьаур кьабул апӀура.

Матта 10:40

Учву кьабул апӀрури Узу кьабул апӀура, хъа Узу кьабул апӀрури Узу му дюнʼяйиз Гьаур кьабул апӀура.

Коринф-1 1:30

Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз!

Галат 3:26

Учву вари Месигь Исайихъ хъугърувалилантина Аллагьдин баяр вучва.