Колосс 2:5 - Гирами Китаб

⁵ Бедендиинди учвухъди хътаршра, рюгьниинди учвухъди хъаза ва, Месигьдихъди ичв албагувал ва хъугъувал узуз рябкъруган, шад шулуза.

Колосс 2:5 Referans Kwoze

Фессалоник-1 2:17

Гъардшар, учу учвхьан сабан цӀиб вахтназтӀан жара гъахьундайча, думура – бедендиинди, хъа юкӀвариинди – ваъ, гьамус учву рякъюз гизаф тямягь хъайич.

Петрин-1 5:9

Учву ичв мюгькам хъугъвалиинди, дюнʼяйиъ вари ичв гъардшари учвуси гьамцдар аьзабар аьгь апӀурайиб аьгъяди, дидиз къаршу удучӀвну ккунду.

Коринф-1 16:13

Мугъаятди гъузай! Хъугъвалиъ ижмиди гъузай, кӀубанди ва кьувватлуди йихьай!

Жугьдариз 3:14

Эгер сифте кӀулариъ ухьуз айибсиб ихь ижми хъугъувал ухьу аьхиризкьан гъюбхиш, Месигьдиз айи варибдикан ухьузра пай хьибдихьуз.

Коринф-1 14:40

Аммаки вари лайикьлуди ва къайдалуди дубхьну ккунду.

Жугьдариз 6:19

Му умуд, ихь кӀваз хатӀасузвал хурайи ижми бин вухьуз. Миди ухьуз, чарчликк ккайи Гирамишван айитӀинди учӀвуз ихтияр туврахьуз.

Фессалоник-1 3:8

Учву ижмиди Агъайихъди хъайивали учура уьмриъ шад апӀуру.

Коринф-1 15:58

Гьаддиз, йиз ккуни гъардшар, ижмиди гъузай. Минди-тинди хъахърудар махьанай. Агъа бадали вуйи ляхниз фукӀара гьяйиф мапӀанай ва аьгъю йибхьай: Агъайиз вуйи ичв ляхин давди гъюдубчӀвидар.

Колосс 2:1

Узу учвхъанди, Лаодикияйин хъугърударихъанди ва узу чпин улариз рякъюзкьан дяряркъдарихъанди фициб ижми дяви гъабхураш, учвуз аьгъяди ккундузуз.

Коринф-1 11:34

Гашди гъюрури, ичв уч хьувалилантина учву тахсирнакк ккадрахъбан бадали, хулаъ дипӀну гъюри. Узу учвухьна гъафиган, жара ляхнарра дюз алаидиза.

Ляхнар 2:42

Дурари, гьаммишан вакиларин аьгъюваларихъ хъпехъури, чпин арайиъ сюгьбатар гъахури, сатӀиди ипӀури ва ккарагури, чпин вахт адапӀури шуйи.

Рутдикан китаб 1:18

Наумийи, дугъу чахъди гъузуз ижмиди гьял дапӀнайиб дябкъну, сарун дугъʼин маш илипундайи.

Ляхнар 20:21

Жугьдаризна грекариз узу Аллагьдин улихь тахсрар гардандиъ дисувалин ва ихь Агъа Исайихъ хъугъвалин жавабдарвалиинди шагьидвал гъапӀунза.