Колосс 2:23 - Гирами Китаб

²³ Диндин аьдатариз мютӀюгъваликан, жвув гьадатӀуваликан, бедендиз ккуниб дарапӀуваликан кӀуру гьамцдар къайдйир, зиълан гъилигган, фагьумлударси рякъюру. Амма дурари бедендин тямягьариз къаршу дийигъуз кюмек апӀдар!

Колосс 2:23 Referans Kwoze

Тимофейиз-1 4:8

Бедендиз вуйи гьяракатарикан сацӀиб мянфяаьт а, хъа хъугъувалин тӀалабарихъ хьуб варибдиъ мянфяаьтлу ву, фицики диди, гьамусси, гъюру вахтариъра уьмур тувди.

Колосс 2:18

МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!

Колосс 2:8

Лигайгьа, гьич сарира, Месигьдихьан ваъ, хъа адмийирин аьдатарихьан ва гьаму дюнʼяйин кьудратарихьан гъюру ичӀи ва кучӀлин фикрари учву чпин чулиинди дисуз мигъитанай.

Тимофейиз-1 4:3

Дурари швушвар хуз гъадагъа апӀура. Дурар, гьякьвал агъюдарина хъугърудари баркаллагь кӀури, ипӀбан бадали Аллагьди халкь дапӀнайи саб жюре итӀрудар митӀанай, кӀури, хъюгъна.

Колосс 2:22

Гьаму вари гъадагъа дапӀнайиб ишлетмиш апӀруган, жвартӀ шлу мутмйирикан къайдйирна аьдатар арайиз дуфнадарин?

Эфес 5:29

Хъа мегьел чан жан даккнир гъахьундар, адми дидин гъайгъушнаъ шулу, думу тухъ апӀури шулу. Гьаци Месигьра хъугърударин гъайгъушнаъ а,

Рим агьларихьна вуйи кагъаз 13:14

Ихь Агъа Иса Месигьди учву уьрхричву, ичв бедендин гъайгъушин тямягьяриз миилтӀибкӀанай.