Колосс 2:2 - Гирами Китаб

² Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Колосс 2:2 Referans Kwoze

Колосс 1:27

Аллагьди думу сирнан вари хазна ва ад Аллагь аьгъдру халкьариз улупуз кӀури ачмиш гъапӀну. Дидин сир Месигь ухьуъ яшамиш хьувалиъ а. Месигь ихь гъюз ккайи адлувалин умуд ву.

Колосс 4:8

Узу думу учвухьна, ич ляхнарин хабрар кидитну, ичв юкӀвар шад апӀуз, гьаъраза.

Эфес 6:22

Думу гьаддиз учвухьна, ич ляхнарикан ктибтуз ва ичв юкӀварик аьшкь капӀуз гьаърайир вуйиз.

Колосс 3:14

Хъа гьацдар палтарин зиълан масанвалиндар алахьай. Фицики масанвали варибдикан тамам вуйи сатӀивал апӀуру.

Рим агьларихьна вуйи кагъаз 16:25

Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи

Филипп 3:8

Мидланра гъайри, йиз Агъа Месигь Иса аьгъю хьпан кьяляхъ вари имбуб гьич фукӀа дарубси гьисаб апӀураза. Думу бадали узу варибдихьан ярхла гъахьунза, гьаму дюнʼяйиъ айиб вари гатӀахьнайи чӀюрхяртӀан багьади дарзуз. Йиз мурад-метлеб, гьапӀнура, Месигь агуб ва

Филипп 2:1

Эгер учвуз Месигьдиъ ккарцувал аш, эгер Дугъан масанвал учвуз шадвал вуш, эгер ичв арайиъ Рюгьниинди гаф-чӀал аш, эгер ичв арайиъ рягьимлувал ва язухъ зигувал аш,

Петрин-2 1:3

Исайин Аллагьвалин кьувватну ихь уьмриз гьарсаб лазим вуйиб ва лап кӀваантӀан Аллагьдин гьюрмат уьбхрувал тувнахьуз. Му Чан хусуси адниинди ва Чав ужувлан ляхнар апӀбиинди Учв ухьуз аьгъю хьувалилантина гъурубкьунхьуз.

Рим агьларихьна вуйи кагъаз 15:13

Гъит, умуд тувру Аллагьди учву ичв хъугъувалилантина, Гирами Рюгьнан кьувватниинди ичв умуд артухъ хьпан бадали, шадвали ва мясляаьтну ацӀричву.

Югьан 10:30

хъа Узуна Йиз Адаш сар вуча.

Югьан 6:69

Гьамус учу хъугърача ва аьгъячуз, Уву Аллагьдин Гирамир вуйиб.

Жугьдариз 10:22

Гьаци вуйиган гъачай Дугъахьна, гьубкӀу хъугъувалиинди, ифи кибчбиинди юкӀвар чӀуру нефснахьан марцц ва ихь жанар марцци штуʼан дапӀну, ачухъ юкӀвар ади гъюхьа.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Жугьдариз 6:11

Учуз ккунди айиб, учвкан гьарсар ичв кӀван метлебар бадали, аьхиризкьан гьяракатнаъ хьуб вуйич.

Колосс 1:9

Магьа гьаддиз, учуз учвкан гъеебхьу йигъхъанмина, учвхъанди гьаммишан ккарагурача. Ккарагруган, Аллагьдин ният учвуз гьубкӀну аьгъю хьуб ва Гирами Рюгьну туврайи гьарсаб фагьумлувалин учву гъаври ахъуб, ккун апӀури шулча.

Галат 3:28

Сарун жугьдаринна жара миллетарин фаркьлувал имдар, лукӀранна азад вуйирин фаркьлувал имдар, жилижвуванна дишагьлийин фаркьлувал имдар. Гьаз гъапиш учву вари, Месигь Исайихъди саб вучва.

Коринф-1 2:12

Ухьуз му дюнʼяйин рюгь дурубкьнадархьуз, хъа Аллагьди ухьуз багъиш дапӀнайи варибдин гъавриъ ахъуз, Чахьан Рюгь дурукьнахьуз.

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Югьан 16:15

Вари Адашдиз айиб Йизуб ву. Магьа гьаддиз Узу: „Дугъу, Узхьан гъадабгъну, учвуз тувди“, гъапунза.

Югьан 10:38

Хъа эгер Узу дурар апӀураш, учвхьан Узухъ хътругъуз шулчвухьан, саки Йиз ляхнарихъкьан хъугъай! Гьадмуган, учвуз аьгъю хьибдичвуз ва: Узуъ – Йиз Адаш, хъа Узу – Дугъаъ айибдин гъавриъ хьидичва.

Югьан 5:23

варидари, фици Адашдин гьюрмат уьбхюраш, гьаци Балинна гьюрмат уьбхбан бадали Дугъу вари суд апӀру гьюкум Балихьна тувна. Шли Балин гьюрмат уьбхюрадарш, гьадгъу Думу гьау Адашдинра гьюрмат уьбхюрадар.

Югьан 5:17

Хъа Исайи дурариз жаваб тувру: – Йиз Адаш гьарган лихури шулу, Узура лихураза.

Матта 11:27

Йиз Адашди Узуз вари тувну. Адашдилан гъайри, Бай фуж вуш, саризра аьгъдар, ва БализтӀан гъайри, Адаш саризра аьгъдар. Хъа Бали шлиз ачмиш гъапӀиш, гьадгъаз Адаш аьгъю хьиди.

Матта 11:25

Хъасин Исайи гъапи: «Адаш, заваринна жиларин Агъа! Аьяндрарихьанна аькьюллударихьан гьитӀибкӀнайиб бицӀи касариз ачухъ апӀбаз Увуз чухсагъул!

Югьандин-1 5:7

Гьаз гъапиш, дидин шубур шагьид а:

Югьандин-1 3:19

Ухьу гьякьвалин рякъюъ айиб гьамци аьгъю шулу: гьеле ихь намус сикинди даршра, ухьхьан Аллагьдин улихь архаинди хьуз шулухьхьан, фицики Аллагь ихь намустӀан артухъ ву ва Дугъаз вари аьгъя.

Петрин-2 3:18

АйибтӀан артухъ ихь Агъа, Уьрхрур – Иса Месигь, ва Дугъан ужʼвал аьгъю апӀури, гьаддиъ аьхю йихьай. Дугъан ад ибшри гьамусси, гьаммишандин Йигъ гъафиганра. Амин!

Петрин-2 1:10

Магьа гьамдиз, гъардшар, хъана аьхю кьувватниинди учвуз дих дапӀнайивал ва учву кадагънайивал тасдикь апӀинай. Гьамци апӀури гъашиш, гьич саркьан алдакидарчва!

Фессалоник-1 5:14

Гъардшар, учвкан ккун апӀурача: ляхин апӀуз даккнидарин кӀулиъ аькьюл апӀай, кагьлидариъ кӀубанвал тӀапӀай, зяифдариз гъюн ккивай, варидарихъди сабурлу йихьай.

Фессалоник-1 3:2

Хъа ихь гъардаш Месигьдикан Ужувлан хабар рабгъру Аллагьдин гъуллугъчи Тимофей учвухьна гьаъдича. Дугъу учвуз читин хьибган, кюмек апӀиди, ккарцциди ва ичв хъугъувал мюгькам апӀиди. Учвузра аьгъячвуз гьацдар аьзабар ухьʼин алахьруб.

Фессалоник-1 1:5

гьаз гъапиш, учу учвуз гъабхи Ужувлан хабар неинки гафариинди, хъа гьацира аьхю кьувват, Гирами Рюгь хъади вуйи ва думу гьякь вуйивал улупру лап дерин хъугъувал вуйи. Учвуз аьгъячвуз, учу учвухъди хьайиган фициб саягъниинди учу яшамиш гъахьнуш. Гьаци хьувал учвуз ужувлаз вуйи,

Ляхнар 4:32

Вари хъугънайидар саб юкӀвси ва саб жанси гъахьнийи. Дурарикан сарира чаз айи мал-мутмуйиз, йизуб ву, кӀурдайи, хъа вариб дурарин уртахъуб вуйи.

Паччагьлугъар-3 3:28

Вари Израилиз паччагьди адабгъу думу къарарикан гъеебхьиган, дурари паччагьдиз гьюрмат апӀуз хъюгънийи, гьаз гъапиш дугъаз диван апӀуз Заанури аьяндарвал тувнайивал гъябкънийи.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Лука 1:1

Ич арайиъ гъаши мялум вуйи гьядисйирин гьякьнаан гьамус гизафдари бикӀуз хъюгъна.

Рим агьларихьна вуйи кагъаз 2:4

Ясана уву Дугъан зурба вуйи гьюрмат, сабур ва аьгь апӀувал гьаци улʼан идипнана, дарш, ва увуз вуйи Дугъан гьюрмат, уву яв тӀулариин швумал хьуз вуйибдин гъавриъ адарна?

Коринф-1 14:31

Учвхьан вардарихьан, вардариз насигьят тувбан ва вардарик юкӀв капӀбан бадали, нубатнахъди пайгъамбарвал апӀуз шулучвхьан.

Эфес 1:7

Гьадгъахъди саб гъахьиган, Дугъан ифди ухьу дюрхна ва Аллагьдин аьхир адру ужʼвали ихь гунгьарилан хил алдабгъна.

Эфес 3:3

Дугъу узуз Чан сир ачухъ гъапӀунзуз, узу дидкан учвуз жикьиди гъибикӀнийза.

Эфес 3:16

Узу, Аллагьди Чан аднан булвалиан Чан Рюгьниинди ичв рюгь кьувватлу апӀуз,

Колосс 1:26

Думу Гаф агъзрар йисариъ вари насларихьан жиниди дюбхнайиб вуйи. Хъа гьамус думу Дугъан гирами халкьдиз ачмиш дапӀна.

Колосс 2:19

Аллагьдин ниятниинди вари беден аьхю хьпан бадали, табар-дюгьберихьди думу либхуз ва сатӀи апӀуз гъитрайиб – КӀул ву. Сарун дицдар адмийирин КӀулихъди аьлакьа имдар.

Колосс 4:3

Гьацира, Аллагьди учуз Месигьдин сирнакан гаф рабгъбан урчӀар арццбан бадали, учхъанди ккарагай. Гьадму сир ктибтруган, узу зунжрариъ аза.