Колосс 2:19 - Гирами Китаб

¹⁹ Аллагьдин ниятниинди вари беден аьхю хьпан бадали, табар-дюгьберихьди думу либхуз ва сатӀи апӀуз гъитрайиб – КӀул ву. Сарун дицдар адмийирин КӀулихъди аьлакьа имдар.

Колосс 2:19 Referans Kwoze

Петрин-2 3:18

АйибтӀан артухъ ихь Агъа, Уьрхрур – Иса Месигь, ва Дугъан ужʼвал аьгъю апӀури, гьаддиъ аьхю йихьай. Дугъан ад ибшри гьамусси, гьаммишандин Йигъ гъафиганра. Амин!

Петрин-1 3:8

Аьхирки, гъит ичв сабсдар фикрар ва гьиссар ишри, ичв гъардшарихьна вуйи саб масанвал ибшри, язухъ зигуб ва фурс ктрувал ибшри.

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Фессалоник-1 4:10

Хъа учву Македонияйиъ айи вари гъардшарихьна гьаци хьузра шулачва. Гъардшар, учвуз миннат апӀураза, имбубтӀан артухъ чиб-чпи ккун апӀинай

Фессалоник-1 3:12

хъа ичв чиб-чпихьна ва жарадарихьна вуйи масанвал, ич учвухьна айи масанвалси, Агъайи гьубкӀну ва артухъра кади туври.

Фессалоник-2 1:3

Вари учвуз гъапӀубдиз учу гьаммишан Аллагьдиз баркаллагь дупну ккунду, гъардшар. Му гьякь ву, гьаз гъапиш ичв хъугъувал кьадар адрубкьан аьхю шула ва учвкан гьарсари вари ккун апӀурайи ва чиб-чпи ккун апӀурайи масанвал айибтӀан артухъ шула.

Колосс 1:18

Гьадму ву Бедендин кӀул, яна Аллагьдихъ хъугърударин Аьхюр. Варибдин эвел – Гьадму ву. Варибдиъ сарпирди хьпан бадали, гъачӀидарикан чӀиви гъахьи Сарпир Гьадму ву,

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Филипп 1:27

Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Эфес 5:29

Хъа мегьел чан жан даккнир гъахьундар, адми дидин гъайгъушнаъ шулу, думу тухъ апӀури шулу. Гьаци Месигьра хъугърударин гъайгъушнаъ а,

Эфес 4:3

Вари кьувват жалб дапӀну мясляаьтнахьди рюгьнан ичв сабвал йибтӀай.

Эфес 1:22

Аллагьди вари Месигьдин ликариккна гъабхну. Думу, вари гъурдаъ Дибиснайир, вари дюнʼяйиъ хъугънайидарин Аьхюрди дерккну.

Коринф-1 3:6

Узу кивунза, Аполлосди хъубзну, аьхю гъапӀур Аллагь ву!

Коринф-1 1:10

Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!

Рим агьларихьна вуйи кагъаз 11:17

Гъяни гьарин кюлер кудуршвнади, дурариин чӀурудар фици улурхьнуш, гьадму жюрейиинди учву, жара миллетар, чӀуру чӀвумуччварси гьамус гъяни гьарин ччиварин кьувватнак кеъначва.

Ляхнар 4:32

Вари хъугънайидар саб юкӀвси ва саб жанси гъахьнийи. Дурарикан сарира чаз айи мал-мутмуйиз, йизуб ву, кӀурдайи, хъа вариб дурарин уртахъуб вуйи.

Югьан 17:21

Гъит дурар вари саб хилди ишри, Уву Узуъ фици шулаш, хъа Узу Увуъ фици шулаш, гъит гьадрар Ухьуъ ишри. Ва гъит дюнʼяйиз Узу Уву гьаънайивал аьгъю ибшри.

Коринф-1 11:3

Учвуз аьгъяди ккундузуз: гьар жилирин кӀул – Месигь ву, дишагьлийин кӀул – чан жилир, хъа Месигьдин – Аллагь.

Эфес 1:23

Дурар сатӀиди Гьадгъан беден, варишвариъ ва варибдиъ вуйи Гьадгъан тамамвал ву.

Эфес 2:21

Дидʼин ягъал-ягъал шулайи ва Агъайиз бахш вуйи, гирами дараматдиз илтӀибкӀурайи мюгькам хал дийибгъна.

Лука 5:38

Гьаддиз таза чяхир цӀийи иржариъ убзуб лазим ву.