Колосс 2:18 - Гирами Китаб

¹⁸ МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!

Колосс 2:18 Referans Kwoze

Колосс 2:8

Лигайгьа, гьич сарира, Месигьдихьан ваъ, хъа адмийирин аьдатарихьан ва гьаму дюнʼяйин кьудратарихьан гъюру ичӀи ва кучӀлин фикрари учву чпин чулиинди дисуз мигъитанай.

Тимофейиз-1 1:7

Дурариз Къанун кивру мялимар хьуз ккунди а, аммаки дурар я чпи кӀурайибдин, я чпи гьадмукьан ижмиди ктибтурайибдин гъавриъ ахънадар.

Колосс 2:23

Диндин аьдатариз мютӀюгъваликан, жвув гьадатӀуваликан, бедендиз ккуниб дарапӀуваликан кӀуру гьамцдар къайдйир, зиълан гъилигган, фагьумлударси рякъюру. Амма дурари бедендин тямягьариз къаршу дийигъуз кюмек апӀдар!

Тимофейиз-1 4:1

Аллагьдин Рюгьну ачухъди кӀура, аьхиримжи вахтари, хъугъувал дипну, гьацӀар гьудучӀвиди, дурари кучӀлин рюгьярин ва жинарин каламарин тереф бисиди.

Коринф-2 11:3

Аммаки, Ева, иблис битӀру алдатмиш гъапӀси, ичв фикирра Месигьдиз дугъриди ва марцциди бахш шлувалихьан гьадапӀур кӀури, гучӀуразуз.

Рим агьларихьна вуйи кагъаз 1:25

Дурари Аллагьдикан вуйи гьякьвал кучӀларихъ гьюдюхнийи; хилари гъапӀу шейʼариз икрам апӀуйи, гьадрарин гъуллугънаъ шуйи, хъа халкь ГъапӀурин, гьаммишандиз ужувлиинди Айирин – ваъ. Амин.

Матта 24:24

фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди.

Ачмиш 3:11

Узу багарихьди гъидиза. Гьич сарихьанра яв паччагьвалин таж тадабгъуз даршлуси, увуз айибдихъан ижмиди хъичӀихну гъуз.

Югьандин-1 2:26

Узу му учвуз, учву алдатмиш апӀрударикан бикӀураза.

Филипп 3:14

Гьаци апӀувалин метлебра узу пешкеш рубкьуз лайикь хьувал вуйиз. Думу пешкеш – Иса Месигьдиланмина Аллагьди аьршариз дих дапӀнайивал вуйиз.

Эфес 5:6

Гъит, зиихъ дупнайибдиз къаршу удучӀвну, гьич сарира учву алдатмиш дарапӀри, гьаз гъапиш мютӀюгъ дарудари чпиина Аллагьдин хъял алапӀура.

Коринф-1 8:1

Гьамус ичв суалназ Аллагьсузарин идолариз гъурбан дапӀнайи йиккʼкан пидиза. ИкибаштӀан, «ухьуз варидариз аьгъювалар айибдикан» хабар ахьуз, аммаки аьгъювалари фурс капӀру, хъа масанвали мюгькамвал хуру.

Даниял 11:38

Дурарин ерина дугъу гъалйирин бутдиз гьюрматар апӀиди – чан абйириз аьгъдру бутдиз, гьюрматар апӀиди гъизилиинди, арсриинди, багьалу гъванариинди ва девлетлу савкьатариинди.

Эвел 3:13

РАББИ Заанури дишагьлийихьан гьерхру: – Уву мици гьаз гъапӀунва? Дишагьлийира жаваб туву: – БитӀру алдатмиш гъапӀунзу ва гъитӀунза.

Ачмиш 19:10

Узу, му малайикдиз икрам апӀарза кӀури, дугъан ликариккна ис алахъза, хъа дугъу узуз гъапи: «Лиг, мици мапӀан! Узура, увуси ва яв гъардшарси, Исайикан шагьидвал апӀурайи лукӀ вуза! Аллагьдиз икрам апӀин! Гьаз гъапиш гьаму пайгъамбарвалин гафарин мяна Исайикан шагьидвал апӀуб ву».

Ачмиш 13:14

Сабпи вягьши гьяйванатдин ччвурнахъан аьламатар улупури, диди дюнʼяйин адмийир улдугуз гъитуйи. Диди ханжал йивну зиян гъапӀу ва, хъана сагъ гъабхьи сабпи вягьши гьяйванатдин гьюрматназ сурат балгуз, буйругъ гъапӀу.

Ачмиш 13:8

Дюнʼя арайиз хайиз гъурбан апӀуз гьязурди айи Ччилахь хьайи уьмрин китабдик ччвурар ктру жилин вари адмийири дидиз икрам апӀиди.

Ачмиш 12:9

Хъасин зурба аждагьа, дегь заманайин битӀ, иблис вая Сатана, вари дюнʼя улдубгуз гъибтрайиб, завариан жилиина ипнийи. Дидихъди чан малайикарра идирчнийи.

Петрин-2 2:14

Дишагьли гъяркъюбси, дурарин улар кьяппавали ацӀра, ва гьациб гунагьнахьан гьудучӀвуз ккундар. Дурари, чпин дисру рукьариъ итуз, зяиф гъян айидар хъчӀюхюри шулу. Дурарин юкӀвар иблисвалихьди дидиржна. Дурарин кьисмат – пуч хьувал ву.

Колосс 2:4

Узу учвуз му, гьич сарира уччву гафариинди учву ичв рякълан алдауз гъидритуз, кӀурайиб вуйиз.

Коринф-2 12:20

Узу учвухьна гъафиш, учву узуз ккуниси дярякъюр кӀури, гучӀ кайиз ва гьадмуган учвухъди вуйи йиз ляхнар учвуз ккуниси ваъ, хъа жараси хьиди. Ичв арайиъ узуз гьюжатар, бахилвал, хъял, гъярхьувалар, кӀучӀлар, футнийир, къуру дамагъар, къайдасузвал рябкъюр, кӀури, гучӀ кайиз.

Коринф-1 13:4

Масанвали сабур хуру, гъянивал хуру, бахилвал хурдар, жвуван тяриф апӀдар, фурс кипдар,

Коринф-1 9:24

Жаргъбан талитнаъ гизафдар иштирак шулу, хъа гъалиб сартӀан даршлуб учвуз аьгъячвуз. Гьаддиз пешкеш рубкьруси жаргъай.

Коринф-1 4:18

Сарун узу учвухьна гъидар кӀури, ичв арайиъ сакьюдари хъюхъ гъазабгну.

Коринф-1 3:3

Учву сабан му дюнʼяйин адмийирди имичва. Ичв арайиъ бахилвална гъярхьувалар имбукьан гагьди, учву му дюнʼяйин адмийирди гъуздичва ва ичв хасиятра аьдати адмийиринсиб вуйичв.

Рим агьларихьна вуйи кагъаз 16:18

Гьаци апӀру касар ихь Агъа Месигьдин гъуллугънаъ айидар дар, хъа чпин тямягьяр гьуркӀбахъ хъайидар ву. Дурари чпин уччву улхбарииндина тярифариинди бицӀи юкӀвар айи касар алдатмиш апӀура.

Коринф-1 4:6

Узу мици, гъардшар, узканна Аполлосдикан учвуз ужʼвал бадали кӀураза. Учу мисал духьну, учхъан, артухъуб жвувкан ктадабгъди, дибикӀнайиб дубгъай, имбунуртӀан артухъ за апӀури, сар шлиинди-вуш фурс мапӀанай.

Эфес 4:17

Гьаци вуйиган узу Агъайин ччвурнахъан кӀураза, тӀалаб апӀураза: ичӀи фикрар айи аллагьсузарси яшамиш хьуб дипай.