Колосс 2:14 - Гирами Китаб

¹⁴ Дугъу ухьуз къаршу вуйи къайдйир кайи китаб, хачрак кьумарихьди кабсну, жвартӀ гъапӀну.

Колосс 2:14 Referans Kwoze

Жугьдариз 8:13

Дугъу гьаму Гирами Йикьрарназ „цӀийиб“ гъапну, ва гьаддиинди сабпи Йикьрар йирси хьувал улупура. Хъа йирси гъабхьиб ва лазимди имдруб жвартӀ хьибди.

Жугьдариз 7:18

Мугагьназ айи къайда ккутӀна, фицики сарун дидин кьувват гъудубгну ва дидкан имбу мянфяаьт имдар.

Колосс 2:20

Учву, Месигьдихъди дукӀнайидар, му дюнʼяйин кьудратарихьан азад вуйиган, дюнʼяйиндариси, гьамци кӀури, къайдйир гьаз уьрхюрачва:

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Ляхнар 3:19

Гьаци вуйиган, ичв тахсрар гардандиъ дисай ва, ичв гунгьарилан хил алдабгъбан бадали, Агъайихьинди илтӀикай.

Фессалоник-2 2:7

Фицики писвалин жини кьувватари чпин ляхин гьамустӀанра гъабхура, хъа сабан думу къаршу вуйириз рякъ гьадабтӀнайир дугъан рякъʼан удучӀвну ккунду.

Эстер 3:12

Гьаци сабпи вазлин йицӀишубудпи йигъан паччагьди кагъзар дикӀрудар уч апӀуру, Аманди гъапигансиб къарар адабгъуру ва гьарсаб вилаятдиз, гьарсаб халкьдиз ерли чӀалниинди дидикӀнайи къарар кайи кӀажар хътауру. Къарар паччагь Ахашʼверушдин ччвурнахъ адабгъуб ва дугъан мугьриинди тасдикь дапӀнайиб вуйи.

Лука 1:6

Дурар кьюридра, Аллагьдин вари табшуругъар ва къайдйир уьрхюри, Дугъан улихь дугъри агьлар вуди гъахьну.

Эстер 8:8

Паччагьдин ччвурнахъан дибикӀнайи ва паччагьдин тӀубланин мугьур кайи фунубра къарар батӀул апӀуз шлуб дар. Гьамус учву паччагьдин ччвурнахъан лазим вуйибсиб жугьтарин гьякьнаан къарар бикӀай ва паччагьдин тӀубланихьди дидʼин мугьур дивай».