Колосс 2:13 - Гирами Китаб

¹³ Ухди учву, ичв гунгьариз ва суннат дапӀну адрувализ дилигну, дийихнайидар, Аллагьдин халкьдик кахьри адайчва. Хъа гьамус Аллагьди учву Гьадгъахъди уьмрихьна кьяляхъ хътаъну. Дугъу ихь вари тахсрарилан хил алдабгъну.

Колосс 2:13 Referans Kwoze

Эфес 2:1

Учву ичв тахсрарна гунгьарилантина дийихнайидар вуйчва

Рим агьларихьна вуйи кагъаз 8:11

ЙикӀбан кьяляхъ Иса чӀиви ГъапӀурин Рюгь учвуъ яшамиш шулаш, Месигь чӀиви ГъапӀури, учвуъ яшамиш шулайи Рюгьналанмина ичв жанариз уьмур багъиш апӀура.

Коринф-2 3:6

Дугъу учкан, ЦӀийи Йикьрарнан гъуллугънаъ хьуз, гъуллугъчйир ктаъну. Думу Йикьрар – дидикӀнайи гьярфар дар, ваъ, хъа Рюгьнахьан ву. Фицики гьярфну йикӀуру, хъа Рюгьну уьмур хуру.

Жугьдариз 9:14

хъа Месигьдин Ифди фукьан ужуди марцц апӀур?! Гьаммишандин Рюгьнан кюмекниинди Дугъу Аллагьдиз Учв гьич саб тахсир ктру гъурбан вуди тувну. Ва Дугъан Ифди, ухьу чӀиви Аллагьдиз икрам апӀрудар хьузди, аьжалихъна гъахру ляхнарихьан ихь намус-гъирʼят марцц апӀуру!

Коринф-2 5:19

Яни Аллагьди, Месигьдиланмина Чаинди вари дюнʼя чпи гъапӀу гунгьариз дилигди, албагну. Ари гьаму албагбакан Хабар дебкк дупначуз.

Эфес 2:11

Гьаддиз кӀваинди гъитай: учву бабкан аллагьсузарди гъахьунчва. Адмийирин хилари бедендин суннат апӀру аьдат гъапӀдари учвуз «кададабтӀдар» кӀури шуйчвуз.

Лука 15:32

хъа яв му чве дукӀну айи ва чӀиви гъахьну, дудургну айи, гъидихъну, ва гьаддиин шад хьуб ва гешт хъапӀуб лазим вуйи».

Лука 15:24

Фицики му йиз бай дукӀну айи ва чӀиви гъахьну, дудургну айи ва гъидихъну». Гьамци вари шадвал апӀуз хъюгъну.

Якьубдин 2:26

Ари гьамци, рюгь адру беден фици дубкӀну шулуш, хъугъувалра, ляхнар даруган, дубкӀна.

Эфес 5:14

Вари рябкъюри апӀруб акв ву, гьаддиз гьамци кӀурира а: «Даахнайир, хъирг! ДукӀнайир, гъудужв! Месигьди уву аквнакк ккаъди».

Коринф-1 15:45

Гирами китабариъ, сарпи адмийиз, Адамдиз, чӀиви рябкъру беден гъабхьну, хъа Исайиз, аьхиримжи Адамдиз, уьмрин булагъ Вуйириз, рюгьнан беден гъабхьну, дупна.

Рим агьларихьна вуйи кагъаз 6:13

Ичв жандин гьич саб пайра гунгьарин гьюкмиз мутуванай, дурарикан гьякьсуз ляхнарин гъуллугънан яракьар даришри. Дидин ерина, дукӀну чӀиви гъашидарси, Аллагьдин гъуллугънаъ йихьай. Ичв жандин паярра гьякьлувалин яракьди Аллагьдин гъуллугънаъ дерккай.

Югьандин-1 2:12

Узу учвуз, йиз ккуни веледар, ичв гунгьарилан Иса Месигьдилантина хил алдабгъну, кӀури, бикӀураза.

Коринф-1 15:36

Фикирсузар! Уву гъубзу тум ктубчӀвбан бадали, сифте думу пуч дубхьну ккунду!

Югьан 5:21

Адашди гъачӀидар чӀиви апӀруси ва дурариз уьмур тувруси, гьаци Балира Чаз ккунириз уьмур тувди.

Лука 9:60

Хъа Исайи дугъаз гъапи: – Гъит дийихнайидари чпин гъийихдар киври, хъа уву душну Аллагьдин Паччагьлугъдикан Ужувлан хабар рабгъ.

Жугьдариз 6:1

Гьаддиз гъачай, Месигьдикан вуйи аьгъюваларин бинайиланзина яшназ дуфнайидариз вуйи аьгъювалариина улдучӀвидихьа. Ухьу гьамус хъана аьжалихъна гъахру гунгьар гардандиъ дисуваликан, Аллагьдихъ хъугъну ккуниваликан, штуан хьуваликан, хилар иливбакан, гъачӀидар чӀиви хьуваликан ва гьаргандин Суддикан вуйи аьгъюваларин бин хъана ккивуз хъюгъидархьа.

Тимофейиз-1 5:6

Хъа кефер апӀурайи ачӀни дишагьли чӀивидимиди дукӀнайи гьисаб ву.

Рим агьларихьна вуйи кагъаз 4:17

Гирами китабариъ аки: «Узу увкан гизаф миллетарин аба гъапӀунза». Му Аллагьдин улихь гьякь ву. Ибрагьим гъийихдариз уьмур тувру, хьуз ккайиб вари хьуз гъитру Аллагьдихъ хъугънийи.

Югьан 6:63

Беден фукӀа дар, анжагъ Рюгь ву уьмур хурайир. Узу учвуз кӀурайи гафариъ уьмрин Рюгь а.

Якьубдин 2:20

Эй ичӀи инсан! Увуз ляхнариинди дару хъугъувал файдасуз вуйивал аьгъю дубхьну ккундийвуз?

Якьубдин 2:17

Ари гьамци, эгер хъугъувал лайикь вуйи ляхнариинди улупдарш, хъугъувал дубкӀнайи гьисаб ву.

Тимофейиз-1 6:13

Гьамус узу увуз, Понтий Пилатдин унтӀаъ кӀубанди гьаму хъугъуваликан шагьидвал гъапӀу Месигь Исайин ва варибдиз уьмур тувру Аллагьдин улихь дих апӀуразавуз:

Колосс 2:12

Учву штуан хьувал учву Гьадгъахъди накьвдиъ иву мисал ву. Думу чӀиви гъапӀу Аллагьдин кьувватнахъ хъугъували Дугъахъди учвура чӀиви гъапӀунчву.