Колосс 2:12 - Гирами Китаб

¹² Учву штуан хьувал учву Гьадгъахъди накьвдиъ иву мисал ву. Думу чӀиви гъапӀу Аллагьдин кьувватнахъ хъугъували Дугъахъди учвура чӀиви гъапӀунчву.

Колосс 2:12 Referans Kwoze

Петрин-1 3:21

Думу шид, цӀийи хьуз, штуан хьувалин лишан ву. Думу лишан гъира кмиди учву уьбхюрайиб ву. Штуан хьувал – му ичв жандилан чиркшин алдапӀувал дар, хъа ичв марцци кӀвахьан Аллагьдиз тувнайи гаф ву, Иса Месигь чӀиви хьубʼинди учву уьрхюрайи.

Галат 3:27

Фицики, Месигьдик ктикьбан бадали штуан гъахьидар, учву Месигьдин гъаравликк ккачва.

Ляхнар 2:24

Хъа Аллагьди, аьжалин кьюкьяр дармадагъин дапӀну, Думу чӀиви гъапӀну, фицики Думу аьжалихьан дерккуз гъабхьундайи.

Эфес 3:17

хъугъувалиинди ичв кӀваъ Месигь учӀвуз, ичв уьмрин ччивна шибритӀ масанвал хьуз,

Рим агьларихьна вуйи кагъаз 4:24

хъа ухьу бадали дупна. Ихь Агъа Иса Месигь чӀиви ГъапӀурихъ хъугъруш, ухьура гьякь апӀиди.

Эфес 4:5

Сар Агъа, саб хъугъувал, ухьу вари штуан хьувалин метлебра саб ву.

Эфес 2:8

Гьаддиз Аллагьди учвуз Чан ужʼвал тувну, ичв хъугъувалилантина гъюрхюнчву. Ичв дюрхнайивал ичв гьунар дар, хъа – Аллагьдин багъиш ву.

Коринф-1 15:20

Месигь, дугъриданра, чӀиви гъахьну! Думу гъачӀидаригъян сарпирди чӀиви гъахьну!

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Филипп 1:29

Аллагьди учвуз Месигь бадали хъугъувал ва Месигь бадали аьзабар аьгь апӀуб тувна.

Эфес 5:14

Вари рябкъюри апӀруб акв ву, гьаддиз гьамци кӀурира а: «Даахнайир, хъирг! ДукӀнайир, гъудужв! Месигьди уву аквнакк ккаъди».

Эфес 3:7

Аллагьдин кьувватну узуз тувнайи ужувлиинди гьадму Ужувлан хабар рабгъру гъуллугъчи духьназукан.

Коринф-1 12:13

Ухьу вари саб беденси хьпан бадали, жугьдар ва грекар, лукӀар ва азад вуйидар – сар Рюгьну цӀийи алаънайидар вухьа. Ухьуз варидариз гьадму сар Рюгь ухъуз тувнахьуз.

Рим агьларихьна вуйи кагъаз 7:4

Гьаму жюрейиинди, йиз гъардшар, Месигьдин Бедендилантина учвура гъачӀидаригъян чӀиви гъахьирин ихтиярнаъ ахъбан бадали ва, Аллагьдиз бегьер хпан бадали, Къанунди кӀуруб апӀбаккан азад вучва.

Ляхнар 14:27

Дина дуфну, вари хъугънайидар уч дапӀну, дурари Аллагьди чпиз гъапӀу вари ляхнарикан ва Агъайи жугьуд дарударизра хъугъувалихьна раккар арццбакан ктибтуру.

Лука 17:5

Ученикари Исайиз кӀуру: – Ич хъугърувал артухъ апӀина, Агъа!

Ляхнар 2:32

Аллагьди гьадму Иса чӀиви гъапӀну, ва учу вари мидин шагьидар вуча.

Колосс 1:29

Гьациб метлеб бадали узу, узуъ бегьемди артмиш шулайи Месигьди тувнайи кьувватниинди дяви гъабхури, жафа зигураза.

Колосс 2:13

Ухди учву, ичв гунгьариз ва суннат дапӀну адрувализ дилигну, дийихнайидар, Аллагьдин халкьдик кахьри адайчва. Хъа гьамус Аллагьди учву Гьадгъахъди уьмрихьна кьяляхъ хътаъну. Дугъу ихь вари тахсрарилан хил алдабгъну.