Колосс 1:7 - Гирами Китаб

⁷ Учвуз дидкан Эпафрасди гъапунчвуз. Эпафрас, ич масан гъуллугъчи, юкӀв хъипну, учву бадали Месигьдин гъуллугънаъ айир ву.

Колосс 1:7 Referans Kwoze

Колосс 4:12

Ичвдарикан саламар Месигь Исайин гъуллугънаъ айи Эпафрасди хътаура. Думу гьарган учвхъанди, учву тамамвалинна дугъривалин мюгькамвалиинди Аллагьдин ниятнахъ хъпехъури гъузри кӀури, ижмиди ккарагура.

Филимондиз 1:23

Увуз саламар хътаура узухъди дустагъдиъ айи йиз юлдаш Эпафрасди, думура Месигь Исайин кӀуллантина дустагъдиъ айир ву.

Жугьдариз 2:17

Гьаддиз Месигь, Учв халкьарин гунгьарихъанди ккахъбан бадали, вари терефарихъанди, Чан гъардшар фицдар вуш, гьацдарсир духьну ккундийи. Гьацир хьубʼинди Дугъкан ужʼвал ккуни ва дугъриди Аллагьдин гъуллугънаъ шлу заан Гъуллугъчи ктучӀвнийи.

Колосс 4:7

Узкан вари хабрар Тихикди пидичвуз. Думу ихтибар али гъуллугъчи, узухъди Агъа бадали лихурайи йиз ккуни гъардаш вуйиз.

Жугьдариз 3:2

Аллагьди Чан гъуллугънаъ хьуб Гьадгъан ихтиярназ тувну. Дугъу думу Гъуллугъ, чан вахтна Мусайи чан хилиз тувнайи Аллагьдин халкьдин зиин фици гъуллугъ гъабхуйиш, гьациб хъуркьувалиинди кӀулиз адабгъура.

Тимофейиз-2 2:2

Увуз узкан гъеебхьуб гизаф адмийирин улихь жарадаризра гьаци улупуз удубкьру хъугъвал али касарин арайиъ кидибт.

Филипп 2:25

Узу гьацира, эгер ихь гъардаш Эпофрадитра учвухьна кьяляхъ гьаиш ужу шул, кӀури, гьисаб апӀураза. Думу, йиз гъайгъу зигбан бадали, учву узухьна гьау йиз гъуллугъчи ва узуси саб гъагънакк ккайи йиз юлдаш вуйиз.

Коринф-2 11:23

Дурар Месигьдин гъуллугънаъ айин? Мици гьерхуб ахмакьвал вушра, узу хъа гизаф Месигьдин гъуллугънаъ айир вуза! Узу артухъ гъилихунза, узу гагь-гагьнак дустгъариъ итуйзу, гагь-гагьнак урччвуйзу, аьжаликкан швнуб-сабан ккутӀурччвури гъахьунза.

Коринф-1 4:2

Гьамциб хъугъвал илипнайидар аьгьтлу духьну ккунду.

Тимофейиз-1 4:6

Эгер уву, Тимофей, гъардшариз гьацдар кӀури гъабшиш, уву хъахънайи сагъ аьгъюваларин ва хъугъувалин гафари ацӀрайи Иса Месигьдин ужур гъуллугъчи хьидивукан.

Эфес 5:21

Месигьдиз айи лап дерин гьюрматнаан чиб-чпиз мютӀюгъ йихьай.

Коринф-1 7:25

Швуваз дурушдариз ва швушв дархидариз Агъайи дурарин гьякьнаан саб буйругъра тувнадарзуз, аммаки Гьадгъухьан, узуз ужʼвал дурубкьнайивализ дилигну, йиз гафнахъ хъугъуз шулу. Узу гьамци пидиза:

Коринф-1 4:17

Гьаддиз багьа ва гъапиб кӀулиз адабгъру, Агъайихъ ихь сатӀлан вуйи хъугъувалиъ айи йиз бай Тимофей гьаъразачвухьна. Узу хъугърударин арайиъ варишвариъ улупурайиси, узу йиз уьмриъ фици Месигь Исайин рякъди гъягъюри шулуш, дугъу кӀваин апӀидичвуз.

Матта 25:21

Агъайи дугъаз кӀуру: – Аферин увуз, ужур ва вафалу гъуллугъчи, бицӀи ляхниъ узуз вафалу гъахьунва, аьхю ляхнар табшурмиш апӀидизавуз; яв агъайин мяракайиз дуфну, дугъахъди шадвал апӀин.

Матта 24:45

Агъайин вартӀан аькьюллу, вафалу гъараваш фунур ву? Дугъу имбу гъаравшариз ипӀруб туврурди дурарин зиин гъуллугъчиди дерккур.

Матта 18:29

Гьадмуган дугъан юлдаш, дугъан ликарикк ккархьну, «сацӀиб сабур апӀин, яв бурж туварза», кӀури, ккарагуз хъюгъю.

Колосс 4:9

Узу дугъахъди дугъри ва ккуни вуйи гъардаш Онесимра гьаъраза – думу ичвдарикан сар ву. Дурари учвуз, гьамшваъ шулайи варибдикан ктибтидичвуз.