Колосс 1:6 - Гирами Китаб

⁶ Ужувлан хабар учвухьна гъафну. Учву, гьякьвали абцӀнайи Аллагьдин ужʼвал деебхьну, гъавриъ ахъунчву. Думу йигъхъанмина Ужувлан хабар, ичв арайиъси, вари дюнʼяйиъ рабгъура ва диди чан бегьер хура.

Колосс 1:6 Referans Kwoze

Югьан 15:16

Узу ктагъур учву дарчва, гьаму Узу вуза учву ктагъур, гьаму Узу вуза учву дюнʼяйиз улупнайир, ва бегьер туврудар (учву вучва) – варитӀан ужуб бегьер. Ва гьадмуган Йиз Адашди учвуз, учву ккун гъапӀуб, вари тувди.

Филипп 1:11

учвхьан Аллагьдин ад ва тяриф апӀуз шлуси, Иса Месигьдин кюмекниинди гьякьʼвалин бегьер хуз хьибдичвухьан.

Петрин-1 5:12

Узу гьаму бицӀи кагъаз Силван гъардшин кюмекниинди гъибикӀунза. Узуз дугъан хъугъувал ужуйи аьгъязуз. Узу му кагъаз учвуз, мушваъ улупнайиб Аллагьдин ужувлан гьякь багъиш ву, кӀури, учву рази ктаъбан бадали, гъибикӀунзачвуз. Ижмишнаан гьамдихъан хъичӀихай.

Колосс 1:23

Учву мици, хъугъувалин ижми ва мюгькам бинайиин дугъужвну ва Ужувлан хабарну учвуз бахш дапӀнайи умуднахъ хъади гъузиш, хьидичва. Думу Ужувлан хабарнакан учвуз гъеебхьунчвуз – аьршарин кӀанакк вари халкь дапӀнайибдиз дидкан хабар дебккна, ва узу, Павел, гьаддин гъайгъушнаъ айир вуза.

Рим агьларихьна вуйи кагъаз 16:26

сир, гьамус гьаммишандин Аллагьдин амриинди пайгъамбрарин китабариланмина, халкьар Дугъахъ хъугъбан ва хъпехъбан бадали, дурариз ачмиш гъапӀну.

Рим агьларихьна вуйи кагъаз 1:13

Гъардшар, учвуз аьгъяди ккундузуз, жара халкьаризси, учвузра узкан артухъси мянфяаьт ктабгъуз шлуси, гизаф ражари узу учвухьна гъюз гьязур гъахьунза, хъа гьамусдизкьан, манигъвалар алахьури, гъюз гъабхьундарзухьан.

Югьан 4:23

Хъа гьациб вахт улубкьидики, ва думу улубкьузра улубкьна, халис икрам апӀрудари Адашдиз рюгьнииндина гьякьвалиинди икрам апӀиди. Ихь Адашди, иллагьки, гьамцдар икрам апӀрудар агура.

Марк 16:15

Дугъу дурариз кӀуру: – Вари дюнʼя вуйиси гъарахай ва Ужувлан хабар вари инсаниятдиз дебккай.

Марк 4:8

Хъа жара удрар авадан ругдик кахьру, ктучӀвуру, аьхю шулу ва сумчӀур, йирхьцӀур ва варж ражари артухъ бегьер тувру.

Матта 24:14

Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.

Фессалоник-2 2:13

Учвхъан, гъардшар, гьаммишан учу Аллагьдиз баркаллагь пуб рубкьура, Агъайин ккунидар! Фицики, учву марцц апӀурайи ва ичв хъугъувал гьякьвализ илтӀикӀурайи Гирами Рюгьнан кюмекниинди Аллагьди, учвуз сифте уьрхювал хьпан бадали, Дугъу учву ктагъну.

Фессалоник-1 2:13

Хъана учу Аллагьдиз зат сикин дарди баркаллагь кӀурача, гьаз гъапиш учву учкан гъеебхьу Аллагьдин Гаф гьаци, адмийин гафарси ваъ, хъа дугъридан гьякь Аллагьдин гафси ва учвуъ, хъугърудариъ, ляхин гъабхурайи кьувватси кьабул гъапӀунчва.

Фессалоник-1 1:5

гьаз гъапиш, учу учвуз гъабхи Ужувлан хабар неинки гафариинди, хъа гьацира аьхю кьувват, Гирами Рюгь хъади вуйи ва думу гьякь вуйивал улупру лап дерин хъугъувал вуйи. Учвуз аьгъячвуз, учу учвухъди хьайиган фициб саягъниинди учу яшамиш гъахьнуш. Гьаци хьувал учвуз ужувлаз вуйи,

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Филипп 4:17

Мици узу, учвхьан хъана гизаф пешкешар гъадагъурза, кӀури, ваъ, хъа учвуз ичв пулилантина хъана гизаф хайир хьпан бадали апӀурайиб вуйиз.

Эфес 5:9

Хъа аквнан бегьер – гъянивал, дугъривал ва гьякьвал ву.

Эфес 4:23

Ичв фикир апӀбан саягъ цӀийи алапӀай,

Эфес 4:21

Саб шак адарди, Дугъкан учвуз гъеебхьунчвуз ва, Гьадгъан терефкрар вуйивализ дилигну, учвуз гьякьʼвал улупунчвуз, фицики гьякьʼвал Исайиъ а.

Коринф-2 10:14

Фицики учуз улупнайи терефарилан улдучӀвурадарча, аьхир, гьаци хьибдийи, эгер учу учвухьна гъафундайиш. Хъа учу учвухьна Месигьдикан вуйи Ужувлан хабар хьади гъафунча!

Коринф-2 6:1

Аллагьдин гъуллугъчйири, учу, учвкан ккун апӀурача: учвуз багъиш дапӀнайи Аллагьдин ужʼвал, гьавайиб дарибшри.

Ляхнар 26:18

Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».

Ляхнар 16:14

Душваъ Фиатир шагьриан вуйи багьа уьру парчайин алвер апӀру Лидия кӀуру сар дишагьлира айи. Думу гьякь вуйи Аллагьдихъ хъугънайир вуйи. Павелихъ хъпехъурайи вахтна, Агъайи дугъан юкӀв ачмиш апӀуру, ва думу Павелин гафарихъ хъугънийи.

Ляхнар 12:24

Аллагьдин Гаф рабгъури, хъугънайидарин кьадар артухъ шулайи.

Ляхнар 11:18

Му гафар гъеерхьиган, дурари гьерхбар дерккру. – Рябкъюрайиганси, Аллагьди жугьуд дарударизра цӀийи уьмур бадали чпин тахсрар гардандиъ дисуз ихтияр тувну, – кӀури, дурари Аллагьдин ад апӀуру.

Матта 28:19

Гьаци вуйиган, душну, Адашдин, Балин ва Гирами Рюгьнан ччвурнахъан штуан апӀури, вари миллетарикан Йиз ученикар апӀинай.

Эфес 3:2

Учвуз, икибаштӀан, Аллагьди узуз Чан ужʼвал учвуз улупуз табшурмиш дапӀнайиваликан деебхьначвуз.

Рим агьларихьна вуйи кагъаз 15:28

Узу гьаму месэла гьял гъапӀиган ва чпиз хътапӀу вари пул дурарихьна гъурубкьиган, Испанияйиз рякъюъ учӀвдиза ва рякъюъ учвʼинра улуркьидиза.

Югьан 17:19

Гьадрар бадали, Узу Увуз дугъриданра дурар Явдар хьпахъди бахш гъахьунза.