Колосс 1:28 - Гирами Китаб

²⁸ Ари Гьадгъукан учвуз, Аллагьдин улихь Месигьдихъди гьуркӀну дугъужвуз шлуси, учхьан удубкьру фагьумлувалиинди, насигьят туври, аьгъювалар улупури, хабар дебккрача.

Колосс 1:28 Referans Kwoze

Матта 5:48

Гьаци вуйиган, ичв Аьршарин Адашси, тамамлудар йихьай.

Колосс 3:16

Гъит, учвуъ Месигьдин гаф булди яшамиш ибшри. Хъа гьадмуган учвхьан вари фагьум хъади чиб-чпиз аьгъювалар улупуз ва насигьятар тувуз хьибдичвухьан ва, рюгь баркаллагьну абцӀну, Аллагьдиз юкӀв абцӀнайивалин Аллагьдиз мяълийир, тярифнан ва рюгьнан мяълийир апӀуз хьибдичвухьан.

Коринф-1 2:6

Фагьмикан учу гьуркӀу адмийириз ктибтурача. Учу, гьаму дюнʼяйин фагьум, ясана му дюнʼяйин гьюкумдрари туврайи ухди-кьанди фукӀа дарубдиз илтӀикӀру фагьум, туврадарча.

Колосс 1:22

гьамус Дугъу учву, жилиин гъабхьи Чан бедендилантина, Чан аьжалилантина учву Аллагьдин улихь гирамиди, тахсир ктарди, марцциди дерккбан бадали, Аллагьдихъди албагунчву.

Коринф-2 11:2

Узу учвхъан Аллагь хъюгъруси хъюгъраза. Узу учвук, сар Жилириз – Месигьдиз, Дугъан улихь тахсир ктру швушвси дугъужвбан бадали, лишан кипунзачвук.

Коринф-2 4:5

Учу ичуб ктибтури адарча, хъа Иса Месигь Агъайин Хабар ктибтурача, ва Месигь бадали ичв гъуллугънаъ айидар вуча.

Ляхнар 20:31

Гьаддиз ихтиятди гъузай. Узу шубуд йисан йишвди-йигъди, уларилан нивгъ рубзури, ккарагури, учвуз мидкан аьгъювалар улупури гъахьунза. Му вари кӀваин гъибтай.

Ляхнар 8:35

Гьадмуган Филипди, мушваъ Исайикан кӀура, дупну, Гирами китабдин гьадму йишвлан ккебгъну, Ужувлан хабар ктибтуз хъюгъру.

Жугьдариз 10:14

Саб ражари гъурбан хубʼинди Дугъу гирами шулайидар Аллагьдин улихь гьякь гъапӀну.

Тимофейиз-1 3:2

Аммаки аьхюр кипуз саб тягьна ктру уьмрин адми духьну ккунду: саб ражаритӀан швушв дархир, сабурлур, аькьюллур, намус кайир, хялар ккунир, аьгъювалар улупуз удукьрур,

Колосс 2:10

Учвузра тамамвал гьякимарин ва гьюкмарин КӀул вуйи Гьадгъаъди дурубкьначвуз.

Коринф-1 12:8

Сар адмийиз Рюгьну фагьумлувал айи гаф тувра; тмунуриз гьадму Рюгьну аьгъювалар айи гаф тувра;

Эфес 3:8

Узуз, Аллагьдин халкьдин арайиъ варитӀан асккануриз, гьаму багъиш тувназуз: Аллагь аьгъдрудариз ебцуз удудубкьру Месигьдин девлетнакан Ужувлан хабар дебккуб.

Коринф-2 10:14

Фицики учуз улупнайи терефарилан улдучӀвурадарча, аьхир, гьаци хьибдийи, эгер учу учвухьна гъафундайиш. Хъа учу учвухьна Месигьдикан вуйи Ужувлан хабар хьади гъафунча!

Коринф-1 15:12

Йипай гьеле, эгер Месигь, хабар дебккрайиси, чӀиви гъахьнуш, учвкан сакьюдари, гъийихдар чӀиви шлуб дар, фици кӀура?

Коринф-1 1:30

Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз!

Лука 21:15

фицики учвуз къаршу дийигъуз вая учву батӀул апӀуз гьич сарихьанра даршлуси гафар ва акьюллувал Узу тувдизачвуз.

Коринф-1 2:15

Рюгь кӀваъ айи касдиз варибдиз кьимат тувуз аьгъя, хъа адруриз – рюгь айириз кьимат тувуз аьгъдар,

Коринф-1 1:23

хъа учу, хачрак карсу Месигьдикан хабар рабгъурача. Жугьдариз му хъарсну алдакру гъван ву, хъа имбу халкьариз – фагьумсузвал ву.

Рим агьларихьна вуйи кагъаз 16:25

Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи

Ляхнар 17:3

Дугъу, Месигь сифте дукӀну, хъасин чӀиви духьну ккунийи кӀури, мидкан гъаврикк ккаъри ва му усбат апӀури гъахьну. Дугъу кӀуру: – Гьадму Месигь узу учвуз улупурайи Иса ву.

Ляхнар 10:36

Дугъу Месигь Исайин мелзналантина Израилин халкьдиз мясляаьтнан ужуб хабарнакан гаф гьапӀну. Думу варидарин Агъа ву.

Ляхнар 9:20

Дугъан Дамаскдиъ ученикарихъди садшвнуд йигъ шулу, хъасин дугъу Иса Аллагьдин бай вуйиваликан, жугьдарин мистариз гъягъюри, аьгъювалар улупури гъахьну.

Ляхнар 8:5

Гьаци, Филип Самария кӀуру шагьриз гъюру ва Месигьдикан аьгъювалар улупуру.

Ляхнар 5:42

Гьар йигъан Аллагьдин хулаъ ва адмийирин хулариъ халкьдиз Иса Месигьдикан аьгъювалар улупури, дурари Ужувлан хабар рабгъуру.

Ляхнар 3:20

Гьадмуган Агъайи учвуз шадвалар тувиди ва учвухьна гьязур духьнайи Иса Месигь гьаъди.

Марк 6:34

Люткейиан удучӀву Исайиз аьхючӀвеъ халкь рякъюру. Дугъаз дурарин язухъ шулу, гьаз гъапиш дурар марччлихъан хътру марччарси айи. Дугъу дурариз гизаф ляхнарикан ктибтуру.

Матта 28:20

Дурариз Узу учвуз табшурмиш гъапӀкьандар вари кӀули гъахуз улупай. Хъа Узу, гъиямат йигъ хьайизкьан, гьаммишан учвухъди хьидиза.

Матта 3:7

Хъа чахьна хайлин фарисйирна саддукйир штуан апӀуз гъюри дяркъну, Ягьʼяйи дурариз кӀуру: «БитӀракан гъахьидар! Гъюз ккайи Аллагьдин хъюлхьан гьергуз шли улупунчвуз?!

Насигьятар 8:5

Уьмрин тажруба цӀибди айидар, фагьум апӀуз дубгъай, абдлар, фикрихьди ацӀай!

Петрин-2 3:15

Хъанара, Аллагьдин гьадмукьан зурба сабур – учву уьрхюз мумкинвал туврайивал – ичв хайирназ вуди гьисаб апӀинай. Мидкан Аллагьди чаз тувнайи фагьумлувалиинди вари чан кагъзариъ ихь масан гъардаш Павелира гъапнийи.

Жугьдариз 13:21

учву Чан ният тамам апӀру гьарсаб ужуб ляхнихъ хъаъри. Ва, гъит, Иса Месигьдилантина Дугъу ухьу, Чаз ккуниб апӀруси, гъитри. Хъа Иса Месигьдин, гъит, гьаммишандиз ад ибшри. Амин.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Фессалоник-1 4:6

Гьацдар тямягьяриъ ахъуз ва гъардшин ихтиярариин лик иливуз гьич фикиркьан мапӀанай, гьаз гъапиш, учу улихьна гъаписи ва учвкан ижмиди ккун гъапӀганси, вари гьацдар ляхнариз Агъайи жаза гьадабтӀиди.

Коринф-1 4:14

Му узу учвуз нач хьуз кӀури бикӀурайиб дариз, ваъ, хъа, йиз ккуни веледарси, учву гъавриъ ауз ккундузуз.

Ляхнар 13:38

Ва гьаддиз, гъардшар, учвуз аьгъю йибхьайки, ичв гунгьарилан хил алдабгъувал Исайилантина дебккначвуз.

Ляхнар 11:20

Хъа Киприан ва Киринеяйиан вуйи хъугънайидарикан сакьюдари, Антиохияйиз дуфну, жугьуд дарударихъдира сюгьбатар апӀури, Агъа Исайикан Ужувлан хабар улупури гъахьнийи.

Ляхнар 17:18

Сакьюдар эпикурчйир ва стоикар вуйи философар дугъахъди гьюжатнаъ учӀвру. Дурарикан сакьюдари: «Му лягълягъиз фу пуз ккунди айкӀан?», тмундари: «Думу, рякъру гьялариан, яд аллагьарикан улупурайир вуйкӀан?» – кӀури шуйи. Дурари мици гьаддиз кӀурайи, гьаз гъапиш Павели Исайикан ва Думу чӀиви хьуваликан Ужувлан хабар рабгъурайи.

Колосс 2:3

Хъа вари аькьюллувалин ва фагьмин девлетар Месигьдиъ а.

Колосс 4:12

Ичвдарикан саламар Месигь Исайин гъуллугънаъ айи Эпафрасди хътаура. Думу гьарган учвхъанди, учву тамамвалинна дугъривалин мюгькамвалиинди Аллагьдин ниятнахъ хъпехъури гъузри кӀури, ижмиди ккарагура.