Колосс 1:27 - Гирами Китаб

²⁷ Аллагьди думу сирнан вари хазна ва ад Аллагь аьгъдру халкьариз улупуз кӀури ачмиш гъапӀну. Дидин сир Месигь ухьуъ яшамиш хьувалиъ а. Месигь ихь гъюз ккайи адлувалин умуд ву.

Колосс 1:27 Referans Kwoze

Югьан 14:20

Ва гьадму йигъан учвуз аьгъю хьибдичвуз, Узу Йиз Адашдиъ шулайиб, учву – Узуъ, хъа Узу – учвуъ.

Рим агьларихьна вуйи кагъаз 8:10

Тмуну терефнаан, эгер учвуъ Месигь аш, гьеле ичв беден гунгьари дубкӀнашра, Рюгьну, Аллагьдин улихь гьякь дапӀну, учвуз уьмур тувра.

Югьандин-1 4:4

Йиз веледар, учву Аллагьдиндар вучва, кучӀлин пайгъамбрариин гъалиб духьначва, гьаз гъапиш, учвуъ айи Аллагь му дюнʼяйин эйсивал апӀурайиртӀан кьудратлу ву.

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Коринф-1 3:16

СатӀлан учву – Аллагьдин хал вуйиб ва учвуъ Аллагьдин Рюгь яшамиш шулайиб аьгъданчвуз дарш?

Ачмиш 3:20

Магьа, Узу дийигъназа урчӀарихъ ва кучраза. Шлиз Йиз дих ебхьураш, гьадгъу Узуз урчӀар арццди, Узу гьадму касдихьна учӀвдиза ва учу, сатӀиди деъну, хябяхъдин уьл ипӀидича.

Югьан 14:17

Думу Хъюгърур – Гьякьвалин Рюгь ву. Му дюнʼяйихьан Думу кьабул апӀуз хьидар, гьаз гъапиш Думу рякърур дар ва аьгъюр дар. Анжагъ учвуз аьгъячвуз Думу, Думу учвухъди хъа ва учвуъ а.

Галат 4:19

Йиз ккуни веледар! Узу хъана уьзур-аьзиятниинди, учву тазатӀан бабкан шулайиси, Месигьдиз ухшар айидар шайизкьан, цӀийи алаидизачву!

Коринф-2 4:6

Гьаз гъапиш «МучӀушнаан, гъит, акв удубчӀври», – гъапи Аллагьди, Иса Месигьдин машниин рябкъюрайи Аллагьдин аднакан аьгъювалар туври, ич юкӀвар аку апӀура.

Тимофейиз-1 1:1

Ухьу уьрхру Аллагьдин ва ихь умуд кайи Месигь Исайин амриинди кадагънайи Иса Месигьдин вакил Павелихьан

Колосс 2:3

Хъа вари аькьюллувалин ва фагьмин девлетар Месигьдиъ а.

Югьан 14:23

Исайи жаваб туву: – Шлиз Узу ккундуш, гьадгъу Йиз Гаф уьбхиди. Ва гьадмуган дицир Йиз Адашдизра ккун хьиди, гьадмуган Узуна Думу сатӀиди гьацирихьна гъидича ва гьадгъаъ яшамиш хьидича.

Коринф-2 6:16

Аллагьдин хална идолар саб вуйин? Ухьу – чӀиви Аллагьдин хал вухьа, фицики Аллагьди ухькан гьамци гъапну: «Узу дураригъ яшамиш хьидиза, Узу дурарин арайиъ лицидиза, Узу дурарин Аллагь хьидиза, хъа дурарикан Узуз халкь хьиди».

Колосс 3:11

Гьаци гъахьиган, грекна жугьуд миллетдин, суннат дапӀнайиринна адрурин, варваринна скифдин, лукӀранна азад вуйирин арайиъ фаркьвал адар. Месигь вариб ву, ва варибдиъ айир Гьадму ву!

Югьан 17:26

Увуз Узу ккуни масанвал гьадрариъра, Узу гьадрариъ фици аш, гьаци хьпан бадали, Узу дурариз Яв ччвур ачмиш гъапӀунза ва апӀидира вуза.

Эфес 2:22

Дидиъ учвкан Чан Рюгьниинди Аллагь яшамиш шлу ужагъ шула.

Югьан 6:56

Шли Йиз беден ипӀураш ва Йиз ифи убхъураш, гьадму Узуъ яшамиш хьиди, хъа Узу дугъаъ яшамиш хьидиза.

Эфес 1:7

Гьадгъахъди саб гъахьиган, Дугъан ифди ухьу дюрхна ва Аллагьдин аьхир адру ужʼвали ихь гунгьарилан хил алдабгъна.

Филипп 4:19

Ва йиз Аллагьдира Чан зурба вуйи девлетниинди, Месигь Исайилантина вари учвуз ккунди имбубдихьди артухъра кади ацӀдичва.

Рим агьларихьна вуйи кагъаз 9:23

Дугъу мици Чан ккудудубкӀру ад, рягьимлувализ лайикь вуйи ва адлувал кьабул апӀуз гьязур дапӀнайи касариз улупуз гъапӀундайкӀан, яраб?

Рим агьларихьна вуйи кагъаз 5:2

Ихь хъугъувалиинди ухьу ахънайи рягьимлувал Гьадгъулантина улупнахьуз, ва, Аллагьдин аднакан ухьуз рубкьруб аьгъяди, гьамус лап шад вухьа.

Колосс 1:5

Учвуз аьршариъ ккилибгурайи умудну хъугъувал ва ккунивал арайиз хуру. Улихьди учвуз дидкан гьякьвалин гаф – Ужувлан хабар гъеебхьунчвуз.

Коринф-2 4:17

Фицики ич пчӀу ва вахтназтӀан дару аьзабари учуз артухъ ва гьаммишандиз вуйи адлувал хура.

Лука 17:21

Ва сарира пидарки: «думу дуфну магьа гьамшваъ а», вая «магьа гьатшваъ а», фицики Аллагьдин Паччагьлугъ ичв арайиъ а.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Коринф-2 2:14

Учу, Месигьдиъ саб духьнайидар, хъуркьувалиинди гьаммишан улихь гъахурайи ва варишвариъ учлантина ширин ниар адаурайи аьгъювалар Дугъкан рагъурайи Аллагьдиз чухсагъул.

Рим агьларихьна вуйи кагъаз 11:33

Фукьан дарин Аллагьдин фагьмин ва зигьмин деринвал ва булвал! Фукьан дарин Дугъан ниятар ктитуз даршлувал! Фукьан дарин Дугъан рякъярин гъавриъ ахъуз даршлувал!

Рим агьларихьна вуйи кагъаз 2:4

Ясана уву Дугъан зурба вуйи гьюрмат, сабур ва аьгь апӀувал гьаци улʼан идипнана, дарш, ва увуз вуйи Дугъан гьюрмат, уву яв тӀулариин швумал хьуз вуйибдин гъавриъ адарна?

Жугьдариз 6:19

Му умуд, ихь кӀваз хатӀасузвал хурайи ижми бин вухьуз. Миди ухьуз, чарчликк ккайи Гирамишван айитӀинди учӀвуз ихтияр туврахьуз.