Колосс 1:26 - Гирами Китаб

²⁶ Думу Гаф агъзрар йисариъ вари насларихьан жиниди дюбхнайиб вуйи. Хъа гьамус думу Дугъан гирами халкьдиз ачмиш дапӀна.

Колосс 1:26 Referans Kwoze

Лука 8:10

Дугъу гъапи: – Учвуз Аллагьдин Паччагьлугъдин сирар аьгъю хьуб тувначвуз, хъа имбудариз му тахалусариътӀан аьгъю хьуб тувнадар. Гьаци вуйиган, лигурашра, дурариз рябкъюрадар ва, ебхьурашра, дурари аннамиш апӀурадар.

Матта 13:11

Дугъу дурариз жаваб вуди кӀуру: – Гьаз гъапиш учвуз Аьршарин Паччагьлугъдин сирар аьгъю хьуб тувначвуз, хъа имбудариз тувнадар.

Тимофейиз-2 1:10

Гьамус, аьжал терг ГъапӀуриинди, Ужувлан хабарниинди дюнʼяйиз уьмур ва аьжалсузвал Гъабхуриинди, ухьу Уьрхрур – Месигь Иса гъюбʼинди думу багъиш рябкъюри гъабхьну.

Коринф-1 2:7

Ваъ, учу Аллагьди гьамусдиз жиниди уьбхюрайи сирнан фагьмикан кӀурача. Думу фагьум, ухьу адлу апӀуз кӀури, дюнʼя халкь апӀайиз айи Аллагьдин ният вуйи.

Марк 4:11

– Учвуз Аллагьдин Паччагьлугъдин сир аьгъю хьуб тувначвуз, – кӀуру дурариз Исайи, – хъа аьгъдрудариз тахалусариинди кӀура.

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Колосс 4:3

Гьацира, Аллагьди учуз Месигьдин сирнакан гаф рабгъбан урчӀар арццбан бадали, учхъанди ккарагай. Гьадму сир ктибтруган, узу зунжрариъ аза.

Матта 20:7

Дурари дугъаз кӀуру: – Учу сарира лихуз гъидисундарчу. Думуган дугъу дурариз кӀуру: – Учвура йиз тӀумтӀин багъдиз гъарахай.