Колосс 1:2 - Гирами Китаб

² Колосс шагьриъ айи Месигьдихъди гьякь гъардшар вуйи Аллагьдин гирами халкьдиз – саламар. Адаш Аллагьдихьан учвуз ужʼвал ва мясляаьт ибшри!

Колосс 1:2 Referans Kwoze

Петрин-2 1:2

Учвуз Аллагь ва ихь Агъа Иса аьгъю апӀувалилантина гизаф ужувлар ва мясляаьтар ишричвуз!

Эфес 1:1

Эфесдиъ айи Аллагьдин гирами халкьдиз, Месигь Исайихъ хъугъну яшамиш шулайидариз Аллагьдин амриинди Месигь Исайин вакил Павелин терефнаан –

Рим агьларихьна вуйи кагъаз 1:7

Узу му, учвуз, вари Римдиъ яшамиш шулайидар, Аллагьдиз ккунидар ва Аллагьдин гирами халкь хьуз дих дапӀнайидар, бикӀуразачвуз. Ужʼвал ва мясляаьт ибшричвуз Аллагьдихьан, ихь Адашдихьан ва Агъа Иса Месигьдихьан.

Коринф-1 1:2

Коринфдиъ Аллагьдихъ вари хъугърудариз, Иса Месигьдихъди саб вуйи гирами духьнайидариз, Дугъаз кӀури гирами халкь хьуз дих дапӀнайидариз, ихь Агъа ва дурарин Агъа вуйи Иса Месигьдиз ккарагурайидариз саламар.

Ачмиш 1:4

Асия вилаятдиъ айи хъугънайидарин ургуб жямяаьтдиз Югьанди кӀура: учвуз гьарган Айирихьан, Гъахьирихьан ва Гъюрурихьан, гьацира Дугъан тахтнахь хьайи ургур рюгьнахьан,

Галат 1:3

Ужʼвал ва мясляаьт учвуз, ихь Адаш Аллагьдихьан ва Агъа Иса Месигьдихьан.

Эфес 6:21

Узу гьапӀраш, Агъайиз дугъривалиинди гъуллугъ апӀурайи йиз ккуни гъардаш Тихикди узкан вари пидичвуз.

Ягьудайин 1:2

Ужʼвал, мясляаьт ва масанвал гьубкӀну ибшричвуз!

Галат 3:9

Гьаддиз Аллагьдихъ фужар хъугъруш, гьадрариз варидиз Ибрагьимдихъди сабси, чпин хъугъувализ дилигну, ужувлар хьиди.

Коринф-1 4:17

Гьаддиз багьа ва гъапиб кӀулиз адабгъру, Агъайихъ ихь сатӀлан вуйи хъугъувалиъ айи йиз бай Тимофей гьаъразачвухьна. Узу хъугърударин арайиъ варишвариъ улупурайиси, узу йиз уьмриъ фици Месигь Исайин рякъди гъягъюри шулуш, дугъу кӀваин апӀидичвуз.

Ляхнар 9:13

Ананайи жаваб тувру: – Я Агъа! Гьадму касди Ерусалимдиъ Яв халкьдиз гъапӀу чӀуру ляхнарикан гизаф деебхьназуз.

Филипп 1:1

Месигь Исайин гъуллугъчйир вуйи Павелихьанна Тимофейихьан – Филиппдиъ айи Месигь Исайихъди саб вуйи Аллагьдин хъугърудариз, гьадму хъугърударин аьхюдариз ва дурарин кюмекчйириз.