Колосс 1:16 - Гирами Китаб

¹⁶ Фицики завариъ ва жилариин алиб, рябкъюрайиб ва дярябкърайиб: Паччгьарин тахтар, агъаваликк ккайидар, гьякимар ва гьюкмар – вари Гьадгъу халкь гъапӀну, арайиз гъабхиб вари Гьадгъулантина гъабхьну ва Гьадгъаз кӀури айиб ву.

Колосс 1:16 Referans Kwoze

Рим агьларихьна вуйи кагъаз 11:36

Вари Аллагьди халкь гъапӀну, аьхир, ва гьадму вари яшайиш анжагъ Гьадгъуланмина ва Гьадгъаз шула. Аьсрариан аьсрариз ад Гьадгъаз ву. Амин!

Югьан 1:3

Вари Гьадгъуланмина гъабхьну ва, Думу дарди, арайиз дуфнайибдик, фукӀара арайиз гъафундар.

Коринф-1 8:6

аммаки ухьуз айир сар АллагьтӀан дархьуз – Адаш Аллагь. Ари Гьадгъу дюнʼяйиъ вариб ккебгъну, ва, Гьадгъаз кӀури, ухьу яшамишра шулахьа. Агъара сартӀан дар – Иса Месигь. Ари Гьадгъуинди дюнʼяйиъ вариб арайиз удубчӀвну, ва Гьадгъулантина ухьуз уьмурра гъабхьунхьуз.

Жугьдариз 2:10

Гьаци дубхьнура ккундийи. Аллагьдиз Чан Рюгьнахъди гъягъру гизаф веледар адлу духьну ккундийи. Дюнʼяйиъ айиб вари Аллагь бадали ву ва дюнʼяйиъ шулайибра вари Аллагьдилантина шулайиб ву. Хъа дурар адлу апӀуз Аллагьди Иса гьязур апӀуру. Дугъу Дугъкан, гизаф веледар уьрхбан бадали, гьацдар аьзабариантина духну ГьуркӀур гъапӀну.

Жугьдариз 1:2

Хъа гьаму аьхиримжи вахтари Аллагь адмийирихъди Чан Балин мелзналан улхури гъахьну. Дугъу Думу вари Чан хилиъ бисуз Улупнайир ву. Дугъу Гьадгъуланмина вари завар-жилар арайиз гъахну.

Эфес 1:10

Дугъан му ляхнар улупнайи вахтна завариин ва жилариин халкь дапӀнайиб вари Месигьдин гьюкмиккна сатӀи апӀбан бадали вуйидар вуйи.

Насигьятар 16:4

РАББИЙИ гьарсаб шейъ чан метлеб ади арайиз дубхна. Гьякьсузринра йишв бала алабхъру йигъан аьгъю хьибди.

Колосс 1:15

Гьадгъу дярякърайи Аллагь рякъюри ачмиш гъапӀунхьуз. Думу Сарпир ву. Думу арайиз гъабхи варибдин Зииналир ву.

Колосс 2:10

Учвузра тамамвал гьякимарин ва гьюкмарин КӀул вуйи Гьадгъаъди дурубкьначвуз.

Филипп 2:10

Исайин ччвурнан улихь гьарсабди икрам апӀбан бадали завариин али, жилариин али ва жиларикк ккайи варибди,

Колосс 1:20

Дугъу, хачриин Чан аьжалилантина вари жилинубдихъди ва аьршаринубдихъди мясляаьт йибтӀну, Чалантина Аллагьдихъди аьлакьайиъ тӀаъну.

Петрин-1 3:22

Завариина за духьну, Думу гьамус Аллагьдин арччул хилихъинди хъа. Дугъаз вари малайикар, гьюкмар ва кьудратар мютӀюгъ гъахьну.

Колосс 2:15

Гьамци Думу, гьякимарихьан гьюкум, яракь тадабгъну, варидарин улихь беябур дапӀну, дурариин Чан хачрахьди гъалиб гъахьну.

Эфес 6:12

Фицики ухьу дяви йиккканна ифдикан вуйи адмийирихъди гъабхурадархьа, хъа аьхюдарихъдина гьюкумдрарихъди, гьаму мучӀушнан дюнʼя хилиъ дибиснайидарихъди ва завариъ писвалин рюгьярихъди гъабхурахьа.

Рим агьларихьна вуйи кагъаз 8:38

Фицики узуз дугъридан аьгъязуз: я уьмрихьан, я аьжалихьан, я малайикарихьан, я заан рюгьярихьан, я гьамусдин, я гъюз имбу заманайихьан, я кьудратарихьан,

Югьан 1:10

Думу, Чав арайиз гъабхи му дюнʼяйиз гъафну, хъа му дюнʼяйиндариз Думу кьабул гъахьундар.

Рим агьларихьна вуйи кагъаз 9:5

Гьамрар ву ихь зурба абйирин наслар. Гьамрар ву варибдин зиин Аллагь вуйи, аьсрариан аьсрариз ужувлакк ккайи Месигьдин жилин хизан. Амин!