Колосс 1:15 - Гирами Китаб

¹⁵ Гьадгъу дярякърайи Аллагь рякъюри ачмиш гъапӀунхьуз. Думу Сарпир ву. Думу арайиз гъабхи варибдин Зииналир ву.

Колосс 1:15 Referans Kwoze

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Югьан 14:9

– Узу учвухъди гьамкьан вахтна хъади, увуз Узу гьамусра аьгъю гъахьундарнуз, Филип? – жаваб туву Исайи. – Шлиз Узу гъяркънуш, гьадгъаз Адашра гъяркъну. Уву фици: «учуз Адаш улуп», кӀурава?

Югьан 1:1

Сифте Гаф айи, Гаф Аллагьдихь хьайи, Гаф Аллагь вуйи.

Коринф-2 4:4

Гьаму дюнʼяйин аллагь-иблисди хътругърударин фагьум, Чаъ Аллагь ачмиш апӀурайи Месигьдин адлуваликан вуйи Ужувлан хабарнан акв дярябкъюз, кур апӀура.

Югьан 1:18

Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Филипп 2:6

Думу учв Аллагь вушра, Аллагьдихъди сабси, Аллагьдихъан хъичӀихну гъузундар.

Коринф-2 4:6

Гьаз гъапиш «МучӀушнаан, гъит, акв удубчӀври», – гъапи Аллагьди, Иса Месигьдин машниин рябкъюрайи Аллагьдин аднакан аьгъювалар туври, ич юкӀвар аку апӀура.

Рим агьларихьна вуйи кагъаз 8:29

Фицики, дюнʼя арайиз хайиз Дугъаз аьгъюди айидар, Гьадгъу улихьмиди Чан Бай вари чвйир-чйиригъян сарпирди хьпан бадали, Чан Бализ ухшар хьуз ктагъну.

Тимофейиз-1 1:17

Гьаци вуйиган, гъит гьаргандин Паччагьдиз, аьжал Хътруриз, Дярякъруриз ва Сар вуйи Аллагьдиз аьсрариан аьсрариз гьюрмат ва ад ибшри! Амин.

Ачмиш 3:14

Лаодикияйин хъугънайидарин малайикдиз бикӀ: «Гьамци кӀура Амин ччвур алири, Дугъри ва Гьякь Шагьидди, Аллагьди халкь гъапӀу варибдин Аьхюри:

Жугьдариз 1:6

Чан Сарпир, дюнʼяйиъ аъри, Аллагьди кӀура: „Гъит Аллагьдин вари малайикари Мугъаз икрам апӀри“.

Югьан 15:24

Эгер сарихьанра апӀуз даршлу ляхнар Узу гъапӀундайиш, гьадмуган дурар тахсиркрар хьидайи. Хъа гьамус дурариз Узу гъапӀдар вари гъяркъну, ва гьаци вушра дурариз Узура, Йиз Адашра даккунди ву.

Югьан 3:16

Аллагьдиз дюнʼя гьаци ккун гъабхьнуки, Дугъу Чан айи-адру сар багъри Бай, Дугъахъ хъугъну, гьарсар кас дукӀну даришри, хъа зат ккудудубкӀру уьмур ибшри пну, гьаъну гъурбан гъапӀну.

Колосс 1:13

Дугъу ухьу мучӀушнан гьюкмиккан ккадаъну, Чан масан Балин Паччагьлугъдиз гьаъну.

Жугьдариз 11:27

Хъугъувал ади, думу, фараондин хъюлхьан, гучӀ ктарди, Египетдиан удучӀвнийи. Дугъу, чан улихь Дярякърур рякъюри, вари аьгь гъапӀнийи.