Колосс 1:12 - Гирами Китаб

¹² гъит Адашдиз, Дугъу учвузра Чан гирами халкьдихъди сабси аквнан Паччагьлугъдиъ йишв улупбаз, шадди чухсагъул йипри.

Колосс 1:12 Referans Kwoze

Ляхнар 20:32

Гьамус, гъардшар, учву Аллагьдиина ва Дугъан хайирнан Гафниина аманат апӀуразачву. Дугъхьан учву хъугъувалиин мюгькам апӀуз ва Чан ужувлакк ккайидарихъди учвузра ирс тувуз удукьуру.

Эфес 1:11

Гьадгъахъди саб гъахьиган, Аллагьди Чан вари хушниинди ва ниятниинди улихьмиди апӀурайи ниятнаъ айиси, учу ктагъну.

Эфес 1:18

Узу, Аллагьди ичв юкӀвариз гьякь рябкъювал туври, кӀури, ккарагураза. Гьадмуган, Чав дих дапӀну, учвуз тувнайи гьадму умуд фу вуш, Аллагьдин гирами халкьдиз ирсди рубкьру аднан девлет фукьан зурбади вуш, ва ухьуъ, Дугъан кьадарсуз кьувватнан кюмекниинди хъугънайи адмийириъ айи ебцуз даршлу Дугъан кьудратнан зурбавал фукьануб вуш, агъю хьибдичвуз.

Ляхнар 26:18

Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».

Эфес 3:6

Думу сир магьа гьаму ву: жугьдарихъди сабси жугьуд дарударра, Ужувлан хабарнахъ хъугъну, Аллагьдин ужувлан ирсчйир ву ва дурарихъди сабси саб бедендик ктикьура. Иса Месигьдик ктикьрудариз тувнайи гафнакан гьадраризра ка.

Коринф-2 5:5

Гьаци апӀбан бадали Аллагьди ухьу халкь дапӀна. Дугъу Чан гаф тамам апӀрувалин лишан вуди ухьуз Чан Рюгь тувнахьуз.

Рим агьларихьна вуйи кагъаз 8:17

Ухьу Аллагьдин веледар вуйиган, Месигьдихъди ухьузра ад хьпан бадали, Дугъан аьзабар ухьу кьабул апӀурайиган, Месигьдизси, Аллагьдин ирс ухьузра рубкьиди.

Жугьдариз 3:14

Эгер сифте кӀулариъ ухьуз айибсиб ихь ижми хъугъувал ухьу аьхиризкьан гъюбхиш, Месигьдиз айи варибдикан ухьузра пай хьибдихьуз.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Ачмиш 21:23

Шагьур аку апӀуз я ригъдин, я вазлин акв лазим дайи, гьаз гъапиш шагьур Аллагьдин аднахьди аку дубхьнайи, ва Ччил – дидиз акв Туврур вуйи.

Жугьдариз 12:23

Учву, аьршариъ ччвурар дидикӀнайи, сарпидар вуди бабкан гъашидарин мяракайиз дуфначва. Учву вари халкьарин суд апӀру Аллагьдихьна ва гьуркӀу дугъридарин рюгьярихьна дуфначва.

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Эфес 5:20

Ихь Агъа Иса Месигьдин ччвур дибисну, Адаш Аллагьдиз гьаммишан ва варибдихъан чухсагъул йипай.

Коринф-1 8:6

аммаки ухьуз айир сар АллагьтӀан дархьуз – Адаш Аллагь. Ари Гьадгъу дюнʼяйиъ вариб ккебгъну, ва, Гьадгъаз кӀури, ухьу яшамишра шулахьа. Агъара сартӀан дар – Иса Месигь. Ари Гьадгъуинди дюнʼяйиъ вариб арайиз удубчӀвну, ва Гьадгъулантина ухьуз уьмурра гъабхьунхьуз.

Рим агьларихьна вуйи кагъаз 15:27

Дурари дици апӀуб ужу гъапӀну, хъа Ерусалимдиъ айидариз дурар буржлу вуйи. Жугьдарихъди сабси дураризра рюгьнан ужувлар гъахьну. Дурари жугьдариз бедендин ужувларикан пай гъяпӀну ккунду.

Насигьятар 16:1

Инсандин юкӀвну метлебар дюзмиш апӀуру, хъа варибдиз жаваб РАББИЙИХЬАН гъюру.

Насигьятар 4:18

Ужʼвал хрударин жилгъа – ву ахсрарин аквси, йигъ улубкьбахъ акутӀан аку шулайи.

Якьубдин 3:9

Гьамдиинди ухьу ихь Адаш Агъайин тярифар апӀури шулхьа ва гьамдиинди Аллагьдиз ухшар ади халкь дапӀнайи адмийириз агьрарра апӀури шулхьа.

Жугьдариз 3:1

Гирами гъардшар, учвузра Аллагьди дих дапӀна. Гьаддиз учу хъугърайибдин ва ктибтурайибдин заан Гъуллугъчи – Аллагьди гьаънайи Исайиз лигай.

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Колосс 3:15

Гъит, Месигьдин мясляаьтну ичв юкӀвариз рякъ улупри, фицики Аллагьди учвуз дих гъапӀунчвуз ва саб Бедендик, мясляаьт бадали, ктикьунчву. Гьаци апӀузди баркаллагь кӀури йихьай!

Эфес 5:4

Ичв ушвниъ гьич фицикӀа лайикь даруб, ичӀи улхуб вая кацӀу зарафтар духьну ккундар, Аллагьдиз чухсагъул кӀури гъабшиш, ужу шул!

Эфес 4:6

Айир – сар Аллагь. Думу варидарин Адаш ву. Думу ихь варидарин зиин Алир ву, Дугъан ляхнар ухьʼинди варидариинди ву, ва Думу ухьуъ варидариъ яшамиш шула.

Коринф-1 9:23

Му вари узу, Ужувлан хабар бадали ва гьаддин ужувлакан узузра кубкӀузди, апӀураза.

Рим агьларихьна вуйи кагъаз 11:17

Гъяни гьарин кюлер кудуршвнади, дурариин чӀурудар фици улурхьнуш, гьадму жюрейиинди учву, жара миллетар, чӀуру чӀвумуччварси гьамус гъяни гьарин ччиварин кьувватнак кеъначва.

Рим агьларихьна вуйи кагъаз 9:23

Дугъу мици Чан ккудудубкӀру ад, рягьимлувализ лайикь вуйи ва адлувал кьабул апӀуз гьязур дапӀнайи касариз улупуз гъапӀундайкӀан, яраб?

Югьан 20:17

– Узук мукучан! – кӀуру дугъаз Исайи. – Узу сабан Йиз Адашдихьна хъадакнадарза. Уву, душну, Йиз чвйириз: «Узу Йиз Адашдихьна ва ичв Адашдихьна, Йиз ва ичв Аллагьдихьна хътакураза», кӀура, йип.

Югьан 4:23

Хъа гьациб вахт улубкьидики, ва думу улубкьузра улубкьна, халис икрам апӀрудари Адашдиз рюгьнииндина гьякьвалиинди икрам апӀиди. Ихь Адашди, иллагьки, гьамцдар икрам апӀрудар агура.

Матта 25:34

Гьадмуган Паччагьди Чан арччул терефнаъ айидариз пиди: – Гъачай йиз адашдин ужувлакк ккахьнайидар, дюнʼя ккебгъхъанмина учвуз гьязурди дебккнайи Аьршарин Паччагьлугъ ирсди кьабул апӀинай.

Даниял 2:23

Увуз, Йиз абйирин Аллагьдиз, шюкюр апӀураза, Уву вува узуз тувур аьяндарвал ва кьувват! Учу тӀалаб гъапӀуб узуз улупва: Паччагьди фу гьерхраш, аьян гъапӀунва.

Паччагьлугъар-3 6:7

Хал тикмиш апӀбаъ гъванарин мядандиъ ктау гъванартӀан ишлетмиш апӀурдайи, Хал тикмиш апӀрушвахь я табшвин, я гъван ктапӀру екӀвун, я рукьан жара алатдин сес ебхьурдайи.

Ачмиш 22:14

Хушбахтаврар ву чпин палтар урччурайидар! Дурариз уьмрин гьарихьна ихтияр а, дурарихьан Шагьриъ урнарианмина учӀвуз шулу.

Ачмиш 22:5

Душваъ сарун мучӀу шлуб дар, дурариз сарун акв тувру алатдин акв, я ригъдин акв лазим хьибдар, гьаз гъапиш дурариз акв Агъа Аллагьди апӀиди. Дурари паччагьвал аьсрариан аьсрариз апӀиди.

Югьандин-1 1:3

Учуз гъябкъюбдикан ва гъеебхьубдикан, гьамус учвура учук ктикьбан бадали, учвуз хабар дебккрача. Хъа учу Адаш Аллагьдик ва Дугъан Бай Иса Месигьдик кидикьнайидар вуча.

Петрин-1 5:1

Гьаци вуйиган, гьамус узу ичв аьхюдарихьна илтӀикӀураза. Даршуз узура йиз марччарин – хъугърударин аьхюр вуза. Мидлан гъайри, Месигьдикан кчӀикьу аьзабарин шагьид вуза ва, магьа, гьамус – хъа дюнʼяйиз гъиямат йигъ хьади гъюрайи Дугъан ад рубкьрударикан сар духьназа.

Титдиз 2:14

Ухьу законсузваликкан азад апӀбан бадали, Чаз дурукьнайи халкь марцц апӀбан бадали ва думу халкь, вари юкӀв хъипну, ужʼвал апӀуз улихь гъягъбан бадали, Гьадгъу ухьхъанди Чан жан тувну.

Коринф-2 11:14

Му аьламат вуйин хъа? Иблисра учв аквнан малайикси улупури гъабхьну!

Эфес 2:18

Гьаддиз Гьадгъулантина ухьуз, жугьдариз ва миди вуйи халкьариз, сар Рюгьну сатӀи дапӀну, аьршарин Адашдихьна гъюз ихтияр дубхьнахьуз.

Эфес 5:8

Саб ухди учву мучӀушин вуйчва, хъа гьамус, учву Агъайиъ саб вуйиган, акв вучва. Аквнан баярси яшамиш йихьай.

Эфес 5:11

МучӀушнан бегьерсуз ляхнариъ иштирак махьанай, хъа дурар дюз дарувал улупай.