Филипп 4:8 - Гирами Китаб

⁸ Аьхирки, гъардшар, гьарган гьякь вуйибдикан, лайикь вуйибдикан, дюзваликан, марццибдикан, бегелмишубна гьяйранубдикан, намуслуваликан ва тярифариз лайикьубдикан фикир апӀинай.

Филипп 4:8 Referans Kwoze

Якьубдин 3:17

Заълан гъюрайи фагьумлувал, сифте нубатнаъ, марцциб ву, гьацира мясляаьт хурайиб ву, аькьюллуб ву, аьлакьайихъна хруб ву, рягьимлувалихьди ва ужувлан ляхнарихьди абцӀна, диди адмийир ккунидаризна даккнидариз жара апӀдар ва машназ лигдар.

Титдиз 2:7

Уву дурариз вари яв алдабгъурайи ликдииндина ляхнариинди чешнеди гъуз. Гъит, уву улупурайи аьгъювалар лап кӀваантӀан ва гьюрматназ лайикь ишри,

Коринф-2 8:21

Учу, неинки Аллагьдин, хъа гьацира адмийирин улихьра, гьич саб тахсир ктарди ляхин апӀурача.

Галат 5:22

Хъа Рюгьнан ляхнарик – масанвал, шадвал, мясляаьт, сабур, ужʼвал, хил ачухъвал, хъугъвал алди хьуб,

Петрин-1 2:12

Гъит, ичв хасият Аллагьдихъ хътругърударин арайиъ марцциб ибшри. Ва гьадмуган, гьаму ражари учвуз, пис касар ву, кӀури люкьнар апӀурайидари, учву апӀурайи ужувлан ляхнар рякъюри, Аллагь гъафи гъиямат йигъан, Дугъан ад апӀиди.

Жугьдариз 13:18

Учу бадали ккарагури йихьай. Ич намус марцци вуйивалик ич саб шак кадарич, ва варибдиъ дугъриди гъузуз ккундучуз.

Тимофейиз-1 4:12

Увухьинди, уву жигьил ву кӀури, гьясппикк ккадру саягъниинди, фужкӀара лигуз мигъитан. Хъугънайидариз уву гьам гафариъ, уьмриъ, масанвалиъ, хъугъувалиъ ва гьам марццишнаъ чешнеди гъуз.

Эфес 5:9

Хъа аквнан бегьер – гъянивал, дугъривал ва гьякьвал ву.

Титдиз 1:8

Хъа, гьатци, дицир кас хялар кьабул апӀрур, ужʼвал апӀрур, фикирлур, дюзвал ккунир, намус-гъирʼят айир, учв чан хилиъ дисуз шлур вуди ккунду.

Югьандин-1 3:3

Ва шли чан миж Гьадгъак кивраш, дугъу, марцци Месигьдиз ухшар вуди, чан уьмурра марцц апӀура.

Петрин-1 1:22

Учвуз ичв хъугънайи гъардшар, жвув гьякьвалихъ хъебехъну марцц гъахьиган, кью-кьюб маш гъидривру масанвалиинди, марцци юкӀвариинди ва жандин вари кьувватниинди ккун гъахьунчвуз!

Титдиз 3:14

Гъит, ужудар ляхнар апӀури, ихьдаризра дарс ибшри ва гьудрубкӀрушваъ кюмек апӀуз дубгъри, хъа гьадмуган дурарин уьмур бегьер хруб хьибди.

Рим агьларихьна вуйи кагъаз 13:13

Гъачай, йигъандин аквназ барабар вуйиси, намуслуди яшамиш шулхьа. Пиянискаваларикк ва сатӀи кьяппаваларикк кӀул ккивдархьа. Аьйиб апӀруб ва гьяясузуб апӀидархьа, гьюжатар апӀидархьа ва сар-сариин бахил хьидархьа.

Насигьятар 20:7

Гьякьлур ктрацӀди яшамиш шулу, гьацирин наслар, хушбахтаврар ву!

Якьубдин 1:27

Аллагьдизна Аьршарин Адашдиз ккуни чиркин дару марцци дугъривал – касибвалиъ айи ачӀни хпаризна йитимариз кюмек апӀувал ва жвув гьаму дюнʼяйин чиркинвалариккан уьрхювал ву.

Югьандин-1 3:18

Йиз веледар, ихь ккунивал садар гафарииндина улхбариинди дубхьну ккундар, хъа – ляхниинди, ва якьин вуйиб дубхьну ккунду.

Титдиз 2:2

Яшлуйириз чпин кӀулʼинди фикир апӀуз улуп: ужубна-харжиб аьгъю апӀури ишри, гьюрматназ лайикьди ишри, фикирлуди ишри, ижми хъугърудар ишри, ккудудубкӀру масанвалиъ ишри, мюгькамди сабурлудар ишри.

Коринф-2 13:7

Учву писвал дарапӀуз Аллагьдиз ккарагурача. Учу фужар духьну ккундуш, гьацдар хьузди, му ляхнар учвуз улупуз апӀурайиб дарич, хъа, учу фужар духьну ккундуш, гьацдар вуди учвуз гъяркъюндаршра, учву гьякьвалиинди ичв ляхнар апӀбан бадали, апӀурайиб вуйич.

Колосс 4:5

Жарадарихъди фагьумлуди гъузай, гьубкьу жюрейин мумкинвал ишлетмиш апӀинай.

Петрин-1 4:8

Сифтена-сифте вари кӀваантӀан чиб-чпи ккун апӀинай, гьаз гъапиш масанвали гизаф гунгьар ккеркру.

Паччагьлугъар-2 23:3

Израилин Заанури гъапну, Израилин гъарз вуйи Заанури узкан гъапну: «Шли инсанариин дугъриди гьякимвал апӀуруш, шли Заанурихьан гучӀʼвалиъ гьякимвал апӀуруш.

Рим агьларихьна вуйи кагъаз 13:3

Ужʼвал апӀрудариз гьюкумдрарихьан гучӀ адар, хъа – писвал апӀрудариз. Эгер гьюкумдрарихьан увуз гучӀ апӀуз ккундарш, ужʼвал апӀури гъуз ва дурарин терефнаан яв тяриф ебхьидивуз.

Титдиз 2:14

Ухьу законсузваликкан азад апӀбан бадали, Чаз дурукьнайи халкь марцц апӀбан бадали ва думу халкь, вари юкӀв хъипну, ужʼвал апӀуз улихь гъягъбан бадали, Гьадгъу ухьхъанди Чан жан тувну.

Филипп 3:1

Ахирки, йиз гъардшар, учву Месигьдихъди хъайивалихъди учвуз шадвалар ккун апӀураза! Узу учвуз гьаммишан сабдикан бикӀурашра, эргри шулдарза. Миди учву гизаф бедбахтвалариккан уьрхиди.

Рим агьларихьна вуйи кагъаз 2:29

Гьякь вуйи жугьуд чан кӀваантӀан Аллагь ккун апӀурайир ву. Му, дерккнайи аьдатариинди ваъ, хъа кӀваантӀан, рюгьналан вуйи гьякь суннатдик гьисаб ву. Ва гьамцир касдин апӀурайи тяриф адмийирихьан дар, хъа Аллагьдихьан ву.

Насигьятар 31:31

чан хъуркьувалариз дилигну, гимихъ дугъан ляхнарин тяриф апӀинай!

Тимофейиз-1 2:2

Ухьу мясляаьт ади ва ужувлаъ архаинди, лайикьлуди яшамиш шлуси, пачгьарихъанди ва гьюкмихь хьайи варидарихъанди ккарагай.

Тимофейиз-1 5:10

Думу дишагьлийин ужудар ляхнар аьгъю ишри: бицӀидар вердиш гъапӀу ва хялар кьабул гъапӀу, хъугъру гъардшарин ликар гъижикӀу, читинвал алабхъдариз кюмекнаъ ва гьарсаб ужудар ляхнариз бахш гъашир.

Эфес 6:14

Юкьвнаан гьякьвал идибтӀну ва дюзвалин рукьан палатдиъ учӀвну, ижмиди дийигъай.

Эфес 4:25

Гъит гьарсари кучӀал дипри ва жвуван багахь хьайидариз дюзвал йипри, гьаз гъапиш ухьу вари саб бедендин паяр вухьа.

Коринф-2 6:8

ич аднаъ ва беябурвалиъ ккунивалинси даккнивалинра тягьнийириъ. Учкан кучӀляхяр кадаъна, хъа дугъри вуча.

Ляхнар 10:22

Дурари жаваб тувру: – Учу юзбаши Корнилийи, вари жугьдари гьюрмат апӀурайи гьякьлу ва Аллагьдихьан гучӀру касди, гьаунчу. Марцци малайикди дугъаз, увуз чан хулаз дих апӀуз ва яв гафарихъ хъпехъуз, амур дапӀна.

Югьан 7:18

Шли чан-чахьан кӀураш, гьацири чаз хусуси ад гъазанмиш апӀура. Хъа шли чав гьауриз ад гъазанмиш апӀураш, гьацири дугъриди кӀура, ва дугъан кӀваъ кучӀал адар.

Лука 2:25

Думу деврин Ерусалимдиъ Симеон кӀуру сар кас айи. Думу Израилиз Аллагьдихьан кюмек рубкьайиз ккилигурайи дугъри ва аьдалатлу адми вуйи. Дугъʼин Аллагьдин Рюгь алийи.

Марк 6:20

гьаз гъапиш Ягьʼяйихьан Гьироддиз гучӀуйи, фицики дугъаз думу гьякьлу ва гирами кас вуйивал аьгъяйи ва, гьаддиз, думу уьрхюрайи. Гьирод Ягьʼяйин аьгъювалар улупбахъ, саспиган дурарикан учв инжик шулушра, иштагьниинди хъпехъуйи.

Насигьятар 11:1

Ариш-веришдиъ кучӀал апӀуб РАББИЙИЗ хяви ву, хъа дугъри терезар Дугъаз кьабулди ву.

Рутдикан китаб 3:11

гьаци вуйиган, йиз риш, гучӀ мапӀан, уву тӀалаб гъапӀуб вари апӀидиза. Йиз халкьдин варидарин мелзниин уву абурлу дишагьли вуди алва.

Лука 16:15

Дугъу дурариз гъапи: – Учву инсанарин улихь гьякьлудар вуди улупурачва, хъа Аллагьдиз ичв юкӀвар аьгъя, фицики инсанариз фу заан вуш, Аллагьдиз думу алчагъвал ву.

Коринф-1 4:5

Гьаддиз, Агъа хъадакну гъюру вахт шайизра, улихьмиди тахсрар агури мюхъюгъянай. Дугъу вари жиниб ачухъ апӀиди, инсанарин юкӀвариъ гьитӀибкӀнайиб арайиз адабгъиди ва гьадмуган Дугъу гьардин тяриф апӀиди.

Ляхнар 22:12

Ва магьа, Аллагь кӀваин али ва къанунариз мютӀюгълу, чакан вари жугьдар ужуди улхру Ананай кӀуру касди,

Эвел 18:19

Фицики Узу Ибрагьим, чан баяриз ва дурарин вари наслариз, РАББИЙИ гъапиб улупбан бадали кадагъназа. Ибрагьимдиз РАББИЙИ туву гаф кӀулиз удубчӀвбан бадали дугъан баярна дурарин вари наслар РАББИЙИН рякъюъди душну ккунду. Дурари чпин апӀурайиб вари гьякьди ва дугъриди дапӀну ккунду.

Югьандин-1 4:1

Йиз ккунидар, фунуб рюгьнахъ вушра, яна адмийихъ мехъебехъанай. Хъа дурар Аллагьдихьан вуйин – дарин, гьарган ахтармиш апӀури йихьай, фицики дюнʼяйиз бегьем кучӀлин пайгъамбрар ачмиш духьна.

Тимофейиз-1 5:2

Аьхю дишагьлийир – дадйирси; жигьилдар чйирси дис, дурарихъди вуйи яв аьлакьйир лап марццидар шлуси гъуз.

Лука 23:50

Гьадму арайиъ Юсуф кӀуру сар гъяни ва гьякьлу вуйи, заан диванханайин иштиракчи,

Насигьятар 31:29

«Гизаф гъахьнийи лайикьлу дишагьлийир, аммаки уву варидартӀан зина гъахьунва!»

Насигьятар 16:11

Терезарин дугъривал РАББИЙИХЬАН ву, дюзди ебцувалра РАББИЙИХЬАН ву.

Насигьятар 12:4

Лайикьлу хпир таж ву жилириз, хъа ягьсузур – кӀурбариъ ичӀибгнайи камк.

Тимофейиз-1 3:4

Дугъу чан хал-хизан ужуйи гьюле гъабхури ккунду, хъпехъру ва чан гьюрмат уьбхру баяр-шубар ади ккунду.

Ляхнар 6:3

Гьаци вуйиган, гъардшар, ичв арайиан ухьуз аьгъюдар, Гирами Рюгьну ва фагьумлували ацӀнайи ургур кас кадагъай. Дурар гьадму гъуллугъниин дерккдихьа.

Матта 22:16

ва Дугъахьна, Гьироддин терефкрарра хъади, чпин ученикар гьаъру. Дурари Исайиз кӀуру: – Я Мялим! Учуз Уву гьякьлу кас вуйивал ва инсанар Аллагьдин дугъри рякъюъ тӀаърайивал аьгъячуз. Уву инсандин машназ, яна гъуллугъназ лигурдарва.

Насигьятар 31:10

Ужур хпир – наан думу дихъидихъа? Багьа ву думу вари жавагьирартӀан;

Жугьдариз 11:2

Ихь абйир, гьациб хъугъувалиинди уьмур хъапӀну, баркаллагьназ лайикь гъахьну.

Тимофейиз-1 3:11

Аьхюдарин кюмекчйирин хпарра гьюрматназ лайикьдар духьну ккунду, футнийир дарагърудар, тямягьяриъ адрахърудар, варибдиин хъугъвал алидар.

Коринф-2 8:18

Дугъахъди Ужувлан хабарнан ужур гъуллугъчиси варишвариъ айи хъугърудариз аьгъю сарсана гъардаш гьаърача.

Паччагьлугъар-2 1:23

Саул ва Юнатан – чӀивиди имиди гьамкьан ккунидар ва гьюрмат айидар, Аьжалиъра жара гъахьундар. Вуйи дурар люкьяртӀан зарб кайидар, асланартӀан гужлидар.

Петрин-2 3:1

Йиз ккунидар, узу бикӀурайи кагъаз кьюбпиб вуйиз. Гьадму кагъзариъ узуз учву марцци фикрарихъна хуз ккунди азуз.

Рим агьларихьна вуйи кагъаз 14:18

Месигьдиз гьамци гъуллугъ апӀурайири Аллагьдиз ккуниб апӀура, ва адмийиризра кьабул шула.