Филипп 4:3 - Гирами Китаб

³ Узу увканра, йиз дугъри вуйи Сизиг, ккун апӀураза: миннат вуйиз, кюмек апӀин гьадрариз, фицики дурар кьюридра Ужувлан хабар бадали, узухъди, Клементдихъди ва имбу йиз юлдшарихъди (дурарин ччвурар Уьмрин китабдик ка), гъилихну.

Филипп 4:3 Referans Kwoze

Ачмиш 13:8

Дюнʼя арайиз хайиз гъурбан апӀуз гьязурди айи Ччилахь хьайи уьмрин китабдик ччвурар ктру жилин вари адмийири дидиз икрам апӀиди.

Ачмиш 3:5

Гъалиб гъахьирра лизи палтар алахьну хьиди, ва Уьмрин китабдикан Узу дугъан ччвур ктӀубшвидарза, Узу думу, Йиз Адашдин ва Дугъан малайикарин улихь кьабул апӀидиза.

Лука 10:20

Аммаки жинар учвуз мютӀюгъ шула кӀури, мидʼин шад махьанай; хъа гьаддиин шад йихьайки, ичв ччвурар сарун аьршарик дидикӀна.

Филипп 1:27

Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Ачмиш 21:27

ФукӀара чиркинуб душвазди убчӀвидар, душвазди алчагъвал ва кучӀал апӀрур учӀвидар. Душваъ анжагъ Ччилахь хьайи Уьмрин китабдиъ дидикӀнайидартӀан учӀвидар.

Ачмиш 17:8

Увуз гъябкъю вягьши гьяйванат саб вахтна айи, хъа думу сарун имдар. Гьамус, багарихьди думу, кӀан ккадрушвʼан аьжал хъудубкьнайиб, удубчӀвиди. Дюнʼя халкь апӀайиз Уьмрин китабдик ччвурар дидикӀну адру дюнʼяйин вари адмийир, думу вягьши гьяйванат гъябкъиган, мюгьтал хьиди, гьаз гъапиш саб вахтна думу айи, хъа гъудубгнийи, хъа гьамус хъана ачмиш хьибди.

Филипп 4:2

Узу Эводияйиканна Синтихияйикан ккун апӀураза: Агъайин ччвур бадали албагну яшамиш йихьай!

Рим агьларихьна вуйи кагъаз 16:12

Агъайин ад бадали юкӀв хъипну лихурайи чйир Трифенайизна Трифосайиз – саламар. Агъа бадали гизаф жафа гъизигу йиз ккуни чи Персидайиз саламар йипай.

Рим агьларихьна вуйи кагъаз 16:9

Саламар йипай Месигьдиз гъуллугънаъ иштирак гъаши ихь гъардаш Урбандиз ва йиз ккуни дуст Стахисдиз.

Рим агьларихьна вуйи кагъаз 12:1

Гьаддиз учвуз ккарагураза, гъардшар, Аллагьдин ужʼвал бадали ичв жанар, Гьадгъаз хуш шлу марцци, чӀиви гъурбнарси, дерккай. Му Аллагьдиз фагьумлу вуйи гъуллугъ хьибди.

Ачмиш 20:12

Узуз гъийихдар, машгьур ва цӀиб вуйидар тахтнан улихь дийигъну гъяркъзуз. Китабар арццу, хъасин сабсана китаб абццу. Му Уьмрин китаб вуйи. Хъасин гъийихдарин суд, китабариъ дибикӀнайиси, чпин ляхнариинди гъапӀу.

Колосс 1:7

Учвуз дидкан Эпафрасди гъапунчвуз. Эпафрас, ич масан гъуллугъчи, юкӀв хъипну, учву бадали Месигьдин гъуллугънаъ айир ву.

Даниял 12:1

Малайикди давам апӀуру: – Думуган Микаил, заан малайикарикан сар, яв халкь уьрхрур, дуфну хъуркьди, фицики гьич саб халкьдиинра гьелелиг улулуркьу бала-кьазйирин вахтар гъиди. Думуган яв халкь къутармиш хьибди – Китабдик кади гъахьидар вари.

Ачмиш 20:15

Уьмрин китабдик дидикӀну адрудар цӀин дагризди гатӀахьнийи.

Филипп 1:5

гьаз гъапиш учву Ужувлан хабар рабгъбаъ сифте йигъариланмина гьамусдизкьан иштирак шулачва.

Филипп 1:7

Дугъридан, учвухьна вуйи йиз гьиссар ари гьацдар духьну ккунду! Узу дустагъдиъ айиганси, адруганра – узу Ужувлан хабар, дидʼин алжагърударихьан уьбхюрайиган ва думу дугъри вуйиб тасдикь апӀруган, узуси учвура гьадму ужувлан гъуллугънаъ гъахьунчва.

Филипп 1:12

Учвуз аьгъяди ккундузуз, гъардшар: узухъди гъахьи гьядисйир Ужувлан хабар рабгъуз кюмек гъахьну.

Филипп 1:16

Му адмийири мици узу ккунивалиан апӀура, дурариз, узу, Ужувлан хабар уьбхюз кӀури, Аллагьди дерккнайиваликан аьгъя.