Филипп 4:1 - Гирами Китаб

¹ Магьа гьаддиз, йиз ккуни ва дярякъди ктирсуз даршлу гъардшар, ккунидар, йиз шадвал ва гъалибвалин таж, Агъайихъди сатӀиди, ижмиди дийигъну гъузай!

Филипп 4:1 Referans Kwoze

Филипп 1:27

Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Коринф-1 16:13

Мугъаятди гъузай! Хъугъвалиъ ижмиди гъузай, кӀубанди ва кьувватлуди йихьай!

Филипп 2:16

Гьациб жюрейиинди уьмур хурайи Гаф гъайибхай! Месигьдин Йигъан узу йиз рякъ давди ккадапӀундайза ва давди жафйир гъизигундайза кӀури, учвʼинди фурс апӀидиза!

Коринф-1 15:58

Гьаддиз, йиз ккуни гъардшар, ижмиди гъузай. Минди-тинди хъахърудар махьанай. Агъа бадали вуйи ляхниз фукӀара гьяйиф мапӀанай ва аьгъю йибхьай: Агъайиз вуйи ичв ляхин давди гъюдубчӀвидар.

Филипп 1:8

Месигь Исайин Чан юкӀвси йиз юкӀв фициб убцру масанвалиинди учвухьна вуйиш, магьа Аллагь шагьид ву!

Жугьдариз 10:23

Хъугъну, учу ктибтурайи умуднахъан мюгькамди хъчӀихидихьа, гьаз гъапиш гаф Тувнайир, хъугъувал Алир ву.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Югьан 8:31

Хъасин Исайи Чахъ хъугънайи жугьдариз гъапи: – Эгер учву Йиз Гаф учвуъ гъюбхиш, гьякьикьи Йиз ученикар хьидичва,

Тимофейиз-2 2:1

Гьаци, йиз бай, Аллагьдин ужувлаан кьувват адабцӀ, думу ухьуз, Месигь Исайиъ сатӀи вуйиган, туврайиб ву.

Филипп 2:26

Дугъаз учву рякъюз гизаф ккунди а, думу йишвʼин сикинди ктисурадар, гьялак духьна, гьаз гъапиш, учв иццру гъахьну, кӀури, учвухьна хабар дубшна, кӀура.

Ляхнар 11:23

Аллагьди му адмийириз ужʼвал дапӀну дябкъну, дина гъафи Варнав шад шулу, ва Аллагьдиз кӀваантӀан вафалу хьувалиъ дугъу дурар ижми гъапӀнийи.

Ляхнар 2:42

Дурари, гьаммишан вакиларин аьгъюваларихъ хъпехъури, чпин арайиъ сюгьбатар гъахури, сатӀиди ипӀури ва ккарагури, чпин вахт адапӀури шуйи.

Петрин-2 3:17

Хъа, йиз ккунидар, учвуз мидкан мугагьназра хабар айиган, намус адру адмийирин кучӀлари учву чпихьинди хъчӀючӀюхюз ва ичв ижми бин ккидидипуз, ихтиятди гъузай.

Жугьдариз 4:14

Ухьухъ зурба вуйи Аллагьдин заан Гъуллугъчи хъахьухъ – аьршариз Гъушур. Думу – Аллагьдин Бай, Иса ву. Гьаддиз гъачай, хъугъну, учу ктибтурайи гьякьʼвалихъан ижмиди хъичӀихну гъуздихьа.

Жугьдариз 3:14

Эгер сифте кӀулариъ ухьуз айибсиб ихь ижми хъугъувал ухьу аьхиризкьан гъюбхиш, Месигьдиз айи варибдикан ухьузра пай хьибдихьуз.

Фессалоник-2 2:15

Гьаци мюгькамди дийигъну гъузай, гъардшар! Учу учвуз ушвналан ва кагъзариинди улупу аьгъюваларихъан ижмиди хъичӀихну гъузай,

Колосс 4:12

Ичвдарикан саламар Месигь Исайин гъуллугънаъ айи Эпафрасди хътаура. Думу гьарган учвхъанди, учву тамамвалинна дугъривалин мюгькамвалиинди Аллагьдин ниятнахъ хъпехъури гъузри кӀури, ижмиди ккарагура.

Галат 5:1

Месигьди ухьу, азад хьуз кӀури, ккадаъну. Гьаддиз ижмиди дийигъай, хъана лукӀʼвалин юрккгъиъ ичв кӀул мииванай!

Ляхнар 14:22

Душвариъ дурари чпин ученикарин юкӀвар хъугъвалиъ ижми хьпан бадали, дурар гьевеслу апӀуйи. Дурари гьамци кӀуйи: – Ухьуз Аллагьдин Паччагьлугъдиъ учӀвайиз гизаф аьзабар алахьиди.

Фессалоник-1 3:13

Ва гъит Гьадгъу учву, ихь Агъа Иса Чан вари гирами халкьра хъади гъюру Йигъ гъяйизкьан, ихь Аллагьдин ва Адашдин улихь марцциди гъузбан бадали, гирамивали ацӀнайи ичв юкӀвар мюгькам апӀри. Амин.

Матта 10:22

Йиз ученикар хьпаз лигну, учву варидариз даккун хьиди. Хъа шли аьхиризкьан аьгь гъапӀиш, думу дюрхну хьиди.