Филипп 3:8 - Гирами Китаб

⁸ Мидланра гъайри, йиз Агъа Месигь Иса аьгъю хьпан кьяляхъ вари имбуб гьич фукӀа дарубси гьисаб апӀураза. Думу бадали узу варибдихьан ярхла гъахьунза, гьаму дюнʼяйиъ айиб вари гатӀахьнайи чӀюрхяртӀан багьади дарзуз. Йиз мурад-метлеб, гьапӀнура, Месигь агуб ва

Филипп 3:8 Referans Kwoze

Рим агьларихьна вуйи кагъаз 8:18

Ухьуз гъюз имбу уьмриъ хьуз ккайи адлувалихьан ихь гьамусдин аьзабар фукӀара дар.

Ляхнар 20:24

Хъа узу бадали йиз уьмур гьяйиф дарзуз, йиз метлеб узу Агъа Исайихьан кьабул гъапӀу гъуллугъ тамам апӀуб ва жавабдарвалиинди инсанарин улихь Аллагьдихьан вуйи багъишʼваликан Ужувлан хабарнан шагьидвал апӀуб вуйиз.

Филипп 3:7

Аммаки гьадмуган узу гъазанмиш дапӀнайи вари хъуркьувалар Месигь бадали гьамус узхьан гьадахьу мисал апӀураза.

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Филипп 3:10

Иса Месигь аьгъю апӀуб, яни Думу чӀиви гъапӀу кьудрат аьгъю апӀуб. Узуз гьацира, Дугъан аьзабар пай апӀуз ккундузуз ва, Гьадму гъачӀибси дукӀну,

Петрин-2 1:3

Исайин Аллагьвалин кьувватну ихь уьмриз гьарсаб лазим вуйиб ва лап кӀваантӀан Аллагьдин гьюрмат уьбхрувал тувнахьуз. Му Чан хусуси адниинди ва Чав ужувлан ляхнар апӀбиинди Учв ухьуз аьгъю хьувалилантина гъурубкьунхьуз.

Коринф-1 2:2

Учвухъди хъайиган, узуз аьгъюр сар Иса Месигь вуйзуз, Думура – хачрак карсур. Дугълан гъайри, сарун фукӀа аьгъю дарапӀуз гьял гъапӀунза.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Югьан 17:8

Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Югьан 14:20

Ва гьадму йигъан учвуз аьгъю хьибдичвуз, Узу Йиз Адашдиъ шулайиб, учву – Узуъ, хъа Узу – учвуъ.

Жугьдариз 3:14

Эгер сифте кӀулариъ ухьуз айибсиб ихь ижми хъугъувал ухьу аьхиризкьан гъюбхиш, Месигьдиз айи варибдикан ухьузра пай хьибдихьуз.

Коринф-2 4:6

Гьаз гъапиш «МучӀушнаан, гъит, акв удубчӀври», – гъапи Аллагьди, Иса Месигьдин машниин рябкъюрайи Аллагьдин аднакан аьгъювалар туври, ич юкӀвар аку апӀура.

Югьан 14:7

Эгер учвуз Узу аьгъяш, Адашра аьгъячвуз. Гьамусдихъантина учвуз Думу аьгъячвуз ва гъяркънура вучвуз!

Эфес 4:13

Му мици, ихь хъугъувалиъ ухьу вари саб хьайизкьан, Аллагьдин Бай аьгъю апӀайизкьан, рюгьнаъ хъуркьувалихъна гъяйизкьан ва вари тамамвал Айириз – Месигьдиз ухьу ухшар шайизкьан хьибди.

Петрин-2 3:18

АйибтӀан артухъ ихь Агъа, Уьрхрур – Иса Месигь, ва Дугъан ужʼвал аьгъю апӀури, гьаддиъ аьхю йихьай. Дугъан ад ибшри гьамусси, гьаммишандин Йигъ гъафиганра. Амин!

Югьандин-1 1:3

Учуз гъябкъюбдикан ва гъеебхьубдикан, гьамус учвура учук ктикьбан бадали, учвуз хабар дебккрача. Хъа учу Адаш Аллагьдик ва Дугъан Бай Иса Месигьдик кидикьнайидар вуча.

Тимофейиз-2 4:6

Хъа узкан хабар гъадабгъуруш, сарун йиз уьмур гъурбан апӀрушвʼина дубхнайиси алиб ву. Йиз гъягъру вахт ву сарун.

Югьан 20:28

– Йиз Агъа ва йиз Аллагь! – гьарайниинди гъапи Фомайи.

Югьан 16:3

Дурари дици гьаддиз апӀидики, гьаз гъапиш дурариз я Узу, я Йиз Адаш аьгъдар.

Югьандин-1 2:19

Месигьдиз къаршу вуйи гьадму касар ихь арайиан удучӀвдар вуйи, хъа дугъридан дурар ухьукди кидикьнайидар дайи. Эгер дурар дугъриданра ухьукди кидикьнайидар вуйиш, дурар ихь арайиъ гъуздийи. Аммаки дурар вари гьергну, гьамди дурарин ухьук кидикьну адрувал улупура.

Петрин-1 2:7

Гьаци вуйиган, учвуз, хъугърудариз, Думу зурба хазна ву, хъа хътругърудариз – «Устайи тина гъапӀу гъван мурччвануб гъабхьну»,

Галат 1:16

Дугъу Чан Бай узуз ачмиш апӀуру ва Гьадгъукан Аллагь аьгъдру халкьариз Хабар дебккуз гъитру. Думуган узу гьич сар касдихьнакьан, насигьят ккун апӀури, гъушундарза.

Коринф-2 4:4

Гьаму дюнʼяйин аллагь-иблисди хътругърударин фагьум, Чаъ Аллагь ачмиш апӀурайи Месигьдин адлуваликан вуйи Ужувлан хабарнан акв дярябкъюз, кур апӀура.

Коринф-1 9:10

ИкибаштӀан, Дугъу мици ухьуз кӀура! Ухьуз дибикӀна: «ХутӀил хътабкрури хутӀил хътабкуру, ва гад апӀрури гад апӀуру, чпизра чпи апӀурайи ляхникан пай бадали».

Югьан 20:13

– Эй дишагьли, гьаз ишурава? – гьерху малайикари. – Йиз Агъа гъурхну, хъа наана вуш, аьгъдарзуз, – жаваб туву дугъу.

Лука 11:20

Эгерки Узу жинар Аллагьдихьан гъюрайи кьувватну ктаураш, икибаштӀан, учвуз Аллагьдин Паччагьлугъ хъубкьна.

Лука 1:43

Узухьна йиз Агъайин дада гъювалин бахт узуз наънан гъафиб вуйкӀан?

Паччагьлугъар-4 9:37

Изавелин майит Изреелин жилиин хутӀлиъ айи пейинси хьибди, гьаци вуйиган, гьич сарира „Му Изавел ву“ пидар».

Паччагьлугъар-3 14:10

Гьаддиз гюре Узу Яравамдин тухумдиин бала алапӀурза. Узу Яравамдин Израилиъ айи жилижвувар сарра имдарди – лукӀра, азад вуйирра – терг апӀидиза. Узу Яравамдин тухум, пейин убгруганси, рюкъ хьайизкьан убгидиза.

Рим агьларихьна вуйи кагъаз 8:39

я зиин али, я кӀанакк ккайи гъатарихьанра, я вари дюнʼя гъадабгъиш, жара жюрейин гьич сабдихьанра ухьхьан ихь Агъа, Месигь Исайиланмина улупу Аллагьдин масанвал тадабгъуз хьибдар.

Филипп 1:1

Месигь Исайин гъуллугъчйир вуйи Павелихьанна Тимофейихьан – Филиппдиъ айи Месигь Исайихъди саб вуйи Аллагьдин хъугърудариз, гьадму хъугърударин аьхюдариз ва дурарин кюмекчйириз.

Филипп 3:12

Узуз, узу гьадму метлебарихъна гъафунза, пуз, ккунди адарзуз. Аммаки Иса Месигьди узу, гьадму метлебнахъна гъюз кӀури, кадагънайир ву.

Петрин-2 1:2

Учвуз Аллагь ва ихь Агъа Иса аьгъю апӀувалилантина гизаф ужувлар ва мясляаьтар ишричвуз!

Петрин-2 1:8

Эгер учвуъ гьамцдар хасиятар аш ва учву дурар зарб апӀуруш, ихь Агъа Иса Месигьдикан вуйи ичв аьгъювалар дурари мянфяаьтсузди ва бегьерсузди гъитдар.