Филипп 3:7 - Гирами Китаб

⁷ Аммаки гьадмуган узу гъазанмиш дапӀнайи вари хъуркьувалар Месигь бадали гьамус узхьан гьадахьу мисал апӀураза.

Филипп 3:7 Referans Kwoze

Лука 14:33

Гьамци учвкан гьарурихьан, чаз вари айибдихьан гьудудучӀвиш, Йиз ученик хьуз хьидар.

Матта 16:26

Чан уьмур гъудубгу касдиз, вари дюнʼя чаз гъабшишра, фу хайир ахъа? Чан уьмур кьяляхъ апӀбан бадали, дугъу фициб кьимат тувди?

Лука 14:26

– Эгер сар кас Узухьна, чан адашна дада, хпирна веледар, чвйирна чйир, гьацира чан хусуси уьмур нигь дапӀну дарфиш, дугъкан Йиз ученик хьидар.

Насигьятар 13:8

Девлетлуйихьан пулиинди ккудучӀвуз хьибди, хъа касибриз сарира гучӀ тувидар.

Эвел 19:17

Шагьриан удучӀвбалан кьяляхъ малайикарикан сари гъапи: – Гьергай гьамушвхьан! Кьяляхъ миилдицанай ва му дерейиъ энгел махьанай! Дагъларизди гьергай, дарш йихидичву!

Лука 16:8

Хъасин эйсийи, чан нягьякь идарачийи аькьюллу ляхин гъапӀну кӀури, дугъан тяриф апӀуру. Фицики гьамусдин деврин адмийир аквнахьна чалишмиш шулайидартӀан чпин хайирнан гъаврикк ккайидар ву.

Насигьятар 23:23

Гьякьвал гъазанмиш апӀин, думу фтихъкӀа масу мутуван – аькьюлра, тербияра, фагьумра.

Эвел 19:26

Думу арайиъ Лутдин хпир кьяляхъ илдицуру ва думу кьилан буруздиз илтӀикӀуру.

Ляхнар 27:38

Варидари тухъ хьайиз дипӀну, учу, тахил гьюлиъ абхьри, гими артухъ вуйи гъагънахьан азад апӀуз хъюгъча.

Жугьдариз 11:26

Дугъаз, чаз фициб пешкеш ккилибгураш, гъябкънийи, гьаддиз Месигь бадали учв аскан апӀуб Египетдин вари девлетартӀан багьади гъабхьнийи.

Марк 10:50

Вартимей, чуха хъидипну, гъедергуру ва Исайихьна жаргъуру.