Филипп 1:9 - Гирами Китаб

⁹ Узу, ичв масанвал хъана артухъ аьхю хьпан бадали ва гьякь аьгъюваларина сагъу фагьумлували учву ацӀбан бадали, ккарагураза.

Филипп 1:9 Referans Kwoze

Фессалоник-1 3:12

хъа ичв чиб-чпихьна ва жарадарихьна вуйи масанвал, ич учвухьна айи масанвалси, Агъайи гьубкӀну ва артухъра кади туври.

Колосс 1:9

Магьа гьаддиз, учуз учвкан гъеебхьу йигъхъанмина, учвхъанди гьаммишан ккарагурача. Ккарагруган, Аллагьдин ният учвуз гьубкӀну аьгъю хьуб ва Гирами Рюгьну туврайи гьарсаб фагьумлувалин учву гъаври ахъуб, ккун апӀури шулча.

Филимондиз 1:6

Учухъди пай апӀурайи яв хъугъували, Месигьдихъди учуз айи вари ужубдин увура гъаври ахъбан бадали ккарагураза.

Колосс 3:10

Учву ГъапӀуриз ухшар айи, Аллагьдин гьякьвал аьгъяди, цӀийитӀан цӀийи алапӀурайи адмивалин цӀийи халиъ учӀвначва.

Петрин-1 1:22

Учвуз ичв хъугънайи гъардшар, жвув гьякьвалихъ хъебехъну марцц гъахьиган, кью-кьюб маш гъидривру масанвалиинди, марцци юкӀвариинди ва жандин вари кьувватниинди ккун гъахьунчвуз!

Коринф-2 8:7

Учвуз вари артухъра кади айивализ дилигну: хъугъувал, уччвуб гаф-чӀал, аьгъювалар, ляхнихъ юкӀв хъайивал, учвуз учу ккунивал – гьаму ужуб ляхниъ учву заан хасият улупну ккундийчуз.

Коринф-1 14:20

Гъардшар, фикир ади, бицӀидарси махьанай. Писвализ тахсир ктру бицӀидарси йихьай, хъа фикриинди – гьуркӀу адмийир!

Фессалоник-2 1:3

Вари учвуз гъапӀубдиз учу гьаммишан Аллагьдиз баркаллагь дупну ккунду, гъардшар. Му гьякь ву, гьаз гъапиш ичв хъугъувал кьадар адрубкьан аьхю шула ва учвкан гьарсари вари ккун апӀурайи ва чиб-чпи ккун апӀурайи масанвал айибтӀан артухъ шула.

Петрин-2 3:18

АйибтӀан артухъ ихь Агъа, Уьрхрур – Иса Месигь, ва Дугъан ужʼвал аьгъю апӀури, гьаддиъ аьхю йихьай. Дугъан ад ибшри гьамусси, гьаммишандин Йигъ гъафиганра. Амин!

Жугьдариз 5:14

Ижми хураг аьхюдариз ву. Чпин тажруба айивализ дилигну, дурарихьан ужубна харжиб жара апӀуз шулу.

Эфес 5:17

ПчӀу юкӀв ади махьанай, хъа Агъа Аллагьдин ният фу вуш, гъавриъ ахъуз чалишмиш йихьай.

Насигьятар 4:18

Ужʼвал хрударин жилгъа – ву ахсрарин аквси, йигъ улубкьбахъ акутӀан аку шулайи.

Фессалоник-1 4:1

Аьхиринишвʼин гъардшар, учу учвуз Аллагьдиз ккунидарси яшамиш хьуз улупганси, гьамусдихъантинара гьаци яшамиш хьуб учвкан Агъа Исайин ччвурнахъан ккун апӀурача. Учву гьамустӀанра гьаци яшамиш шули ачва, хъа вушра, хъана артухъ ужуйи яшамиш хьуз чалишмиш йихьай.