Филипп 1:7 - Гирами Китаб

⁷ Дугъридан, учвухьна вуйи йиз гьиссар ари гьацдар духьну ккунду! Узу дустагъдиъ айиганси, адруганра – узу Ужувлан хабар, дидʼин алжагърударихьан уьбхюрайиган ва думу дугъри вуйиб тасдикь апӀруган, узуси учвура гьадму ужувлан гъуллугънаъ гъахьунчва.

Филипп 1:7 Referans Kwoze

Коринф-2 7:3

Узу му учвуз тягьна вуди кӀурайиб дариз, ваъ, учву ич юкӀвариъ ачва, учу учвухъди яшамиш хьузра, йикӀузра гьязур вуча кӀури, улихьна гъапунзачвузки.

Филипп 1:5

гьаз гъапиш учву Ужувлан хабар рабгъбаъ сифте йигъариланмина гьамусдизкьан иштирак шулачва.

Тимофейиз-2 2:9

Гьадму Ужувлан хабар бадали узу балайикк ккахъназа, тахсиркарси, зунжрариъ аза. Хъа Аллагьдин Хабар зунжрариъ дибтӀуз шлуб дар!

Колосс 4:18

Йиз хусуси хилʼинди бикӀураза: Павелихьан саламар. Йиз зунжрарикан кӀваинди гъибтай. Гъит учвухъди Аллагьдин ужʼвал ибшри!

Филипп 4:14

Хъа вушра, узухъди йиз дердер учвура пай апӀуб ужу гъапӀунчва.

Эфес 6:20

Узу гьеле гьаму зунжрариъ ашра, гьаддин гьякьнаан гьаънайир вуза. Узу лазим вуйибси дирбашди дидкан хабар дебккбан бадали, узхъан ккарагай.

Эфес 3:1

Магьа гьаддиз узу, Павел, учву, аллагьсузар бадали, Месигь Исайиланмина дустагъдиъ аза.

Ляхнар 20:23

Ялгъуз саб аьгъязуз, Ерусалимдиъ узуз аьзабарна дустгъар ккилигура, Гирами Рюгьну дидкан узуз гьар шагьриъ хабар тувра.

Югьандин-1 3:14

Ухьуз аьгъяхьуз ухьу аьжалнахьан гьаргандин уьмрихьна дуфнайиб, фицики ухьуз ихь гъардшар ккундухьуз. Хъа шлиз ккундарш, думу, чан дукӀнайир, дукӀну гъузди.

Петрин-2 1:13

Сабан узу йиз гьаму бедендин халиъ яшамиш шули имбукьан гагьди, ичв фагьмиз мидкан кӀваин алапӀури, думу гьарган уягъ апӀуз узу йиз буржи вуди гьисаб апӀураза.

Петрин-1 4:13

Хъа гьатцидарихъинди, учву Месигьдин аьзабариъ иштирак шулачва ва, гьаддиз, шад йихьай, хъа гъиямат йигъан, Иса Чан аднаъди гъафиган, шадвали ацӀдичва ва гьарай ипдичва.

Жугьдариз 3:1

Гирами гъардшар, учвузра Аллагьди дих дапӀна. Гьаддиз учу хъугърайибдин ва ктибтурайибдин заан Гъуллугъчи – Аллагьди гьаънайи Исайиз лигай.

Тимофейиз-2 1:8

Гьаддиз, ихь Агъайикан ктибтуз нач мапӀан, ва Гьадму бадали дустагъдиъ айи узхьан нач мапӀан, хъа узухъди Ужувлан хабар бадали, узʼин улукьнайи аьзабарин пай гъадабгъ. Фицики Аллагьди ухьуз Чан ужувлакан ктибтуз кӀури кьувват тувна.

Фессалоник-1 5:5

Фицики учву вари аквнан ва йигъандин веледар вучва. Ухьу мучӀушнакна йишвак кахьрадархьа.

Колосс 4:3

Гьацира, Аллагьди учуз Месигьдин сирнакан гаф рабгъбан урчӀар арццбан бадали, учхъанди ккарагай. Гьадму сир ктибтруган, узу зунжрариъ аза.

Эфес 4:1

Узу, Агъайин тереф дибисна кӀури дустагъдиъ айири, миннат апӀуразачвуз: Аллагьди учвуз дих дапӀнайи гъуллугъназ лайикь вуйиси яшамиш йихьай.

Галат 5:6

Эгер Месигь Исайихъди ухьу саб вуш, адмийин суннат дапӀну а – адар, дурар сар сарихьан жара дар. Мушваъ айи метлеб – масанвалиланмина арайиз удубчӀвурайи хъугъвал ву.

Коринф-2 3:2

Учву вучва ич кагъаз – ич кӀваъ дибикӀнайи, вардиз аьгъю ва варди урхурайи кагъаз.

Коринф-1 13:7

Диди варибдилан хил алдабгъуру, варибдихъ хъугъру, умуд зат ктабтӀруб дар, вариб аьгь апӀуру.

Коринф-1 9:23

Му вари узу, Ужувлан хабар бадали ва гьаддин ужувлакан узузра кубкӀузди, апӀураза.

Ляхнар 21:33

Гьадмуган аьхюри, дуфну, думу дидисну, кьюриз думу зунжрари йитӀуз буйругъ тувру ва гьерхру: – Му фуж ву? Мугъу фу гъапӀну?

Петрин-1 5:1

Гьаци вуйиган, гьамус узу ичв аьхюдарихьна илтӀикӀураза. Даршуз узура йиз марччарин – хъугърударин аьхюр вуза. Мидлан гъайри, Месигьдикан кчӀикьу аьзабарин шагьид вуза ва, магьа, гьамус – хъа дюнʼяйиз гъиямат йигъ хьади гъюрайи Дугъан ад рубкьрударикан сар духьназа.

Филипп 1:12

Учвуз аьгъяди ккундузуз, гъардшар: узухъди гъахьи гьядисйир Ужувлан хабар рабгъуз кюмек гъахьну.

Филипп 1:13

Римдин паччагьдин хулан гъулугънаъ айи эскраризра ва вари жарадаризра узу Месигьдин кӀуллан дустагъдиъ итнайиваликан аьгъя.

Филипп 1:14

Узу дустагъдиъ итну кӀури, Агъайихъди саб вуйи гизаф гъардшар, саб юкӀв айиганси, уч гъахьну ва хъана ачухъди ва гучӀ ктарди Аллагьдин гафнакан ктибтури гъахьну.

Филипп 2:22

Думу фукьан мюгькамур вуш, учвуз аьгъячвуз, думу узухъди, Ужувлан хабар бадали бай адашдихъди фици шулуш, гьаци шула.

Филипп 4:3

Узу увканра, йиз дугъри вуйи Сизиг, ккун апӀураза: миннат вуйиз, кюмек апӀин гьадрариз, фицики дурар кьюридра Ужувлан хабар бадали, узухъди, Клементдихъди ва имбу йиз юлдшарихъди (дурарин ччвурар Уьмрин китабдик ка), гъилихну.

Филипп 4:15

Учвуз аьгъячвуз, Филиппдин агьлар, узу Македонияйиан удучӀвну, Ужувлан хабар рабгъуз хъюгъхъанмина, учвлан гъайри, Аллагьдихъ хъугърударин гьич саб жямяаьтди кюмек гъапӀундарзуз.

Филимондиз 1:13

Думу гьамушваъ, дустагъдиъ узу Ужувлан хабарнан кӀуллан итнайишваъ, яв ерина узуз кюмек апӀбан бадали, узухъди гъитуз ккундийзуз.