Филипп 1:6 - Гирами Китаб

⁶ Учвуъ гьадму ужуб ляхин Ккебгъури Месигь Исайин Йигъазкьан гьадму ляхин гъабхиди ва гьадмуган ккудубкӀиди.

Филипп 1:6 Referans Kwoze

Филипп 2:13

Фицики иллагьки Аллагьди, Чаз ккуниб апӀбан бадали, ичв тямягь арайиз хуру ва ляхнарихъ хъаъру.

Эфес 4:12

Мици, Аллагьдин гирами халкь, Месигьдин беден артмиш апӀуз гъуллугъназ гьязур апӀбан бадали, гъабхьну.

Петрин-1 5:10

Аммаки учвуз аьгь апӀуз сацӀибтӀан имдар! Иса Месигьдиъ сатӀиди духьну дих дапӀну, гьарсаб ужувлан булагъ айи Аллагьди Чан гьаммишандин Ад учвухъди пай апӀиди, учву дюз алаиди, ижми апӀиди, кьувватлу апӀиди, йишвʼин мюгькам апӀиди.

Коринф-1 1:8

Учву аьхиризкьан, ихь Агъа Иса Месигьдин Йигъан учву сабкьан тахсир ктарди хьпан бадали, Гьадгъу мюгькам апӀидичву.

Фессалоник-2 1:11

Гьаддиз Аллагьди Чан дих апӀбаз учву лайикь хьпан бадали ва Чан кьувватниинди вари ичв ужудар ниятар ва хъугъувалин ляхнар тамам апӀбан бадали, учу учвхъанди гьаммишан ккарагурира шулча.

Жугьдариз 10:35

Гьаци вуйиган, ичв кӀубанвал мудубганай – ужуб пешкеш хьибдичвуз.

Югьан 6:29

Исайи жаваб туву: – Магьа Аллагьдиз ккуниб: Дугъу Гьаурихъ хъугъай.

Филипп 1:10

Гьаддиз учвхьан учвуз ужубсиб гъядябгъюз хьибдичвухьан; учву Месигь хъадакну гъюру Йигъан марцциди ва саб тахсир ктарди гъуздичва;

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Фессалоник-1 1:3

Учу ихь Адаш Аллагьдин улихь ичв ляхнариинди вуйи хъугъвал, юкӀв абцӀну зигру масанвалин жафа, ихь Агъа Иса Месигьдихъ хъугъувалиин ичв мюгькамди дийигънайивал гьаммишан кӀваинди гъибтрача.

Филимондиз 1:21

Уву узухъ хъпехъур кӀури, миж кади, увуз бикӀураза. Уву йиз тӀалаб узу ккун апӀурайибтӀан артухъра кади, тамам апӀруб аьгъязуз.

Филипп 1:29

Аллагьди учвуз Месигь бадали хъугъувал ва Месигь бадали аьзабар аьгь апӀуб тувна.

Фессалоник-2 3:4

Учу учвуз ктиту Агъайин тӀалабар гьамусдиз тамам апӀури гъахьиганси, гьамусдихъантина тамам апӀрубдихъ ижмиди хъугърача.

Колосс 2:12

Учву штуан хьувал учву Гьадгъахъди накьвдиъ иву мисал ву. Думу чӀиви гъапӀу Аллагьдин кьувватнахъ хъугъували Дугъахъди учвура чӀиви гъапӀунчву.

Коринф-2 7:16

Узхьан учвухъ йирфар хъирчуз шлубдиин шад вуза.

Ляхнар 11:18

Му гафар гъеерхьиган, дурари гьерхбар дерккру. – Рябкъюрайиганси, Аллагьди жугьуд дарударизра цӀийи уьмур бадали чпин тахсрар гардандиъ дисуз ихтияр тувну, – кӀури, дурари Аллагьдин ад апӀуру.

Ляхнар 16:14

Душваъ Фиатир шагьриан вуйи багьа уьру парчайин алвер апӀру Лидия кӀуру сар дишагьлира айи. Думу гьякь вуйи Аллагьдихъ хъугънайир вуйи. Павелихъ хъпехъурайи вахтна, Агъайи дугъан юкӀв ачмиш апӀуру, ва думу Павелин гафарихъ хъугънийи.

Галат 5:10

Узу, Агъайихъди сабси, учву жара фикрариъ адрахърубдихъ, хъугъурза. Хъа ичв ара бикьурайидариз, чпи фужар вушра, жаза гьадабтӀиди.

Петрин-2 3:10

Хъа Агъайин Йигъ, тӀафалси, хабарсузди гъибди. Гьадму йигъан аьршар-завар рахру гъугърумарин дихарихъди дургди; заварин табиаьтар даргъиди ва ургиди; дюнʼяра, чан ляхнар улихь гьаъну, тахсирназ хибди.

Коринф-2 9:4

нагагь Македонияйин агьлар узухъди гъафиш, дурариз учву гьязурди адарди дярябкъригьа. Дарди гъабшиш, учу ичв гьамкьан тярифар дапӀну, дурарин улихь, гьеле учвкан улхурикьан адарза, хъа ич машар уьру даришри.

Коринф-2 2:3

Узу гьатмунуб кагъаз, учвухьна гъафиган узу рази ктауз ккайидарилантина пашман дархьуз, гъибикӀнийза. Йиз шадвал – ихь вардин шадвал вуйивалик саб шак кадариз.

Коринф-2 1:15

Гьаци шлуб аьгъяди, учвуз кьюбан ужʼвал хьузди, сифте учвухьна гъюз ккунди азуз.

Филипп 2:12

Йиз ккунидар, узу учвухъди хъайиган, учву, фициб аьшкьниинди узуз мютӀюгъ духьну, лихуйиш, гьаци зурба аьшкь кади, гьюрмат ади ва гучӀʼвал хьади, узу учвухъди хътруганра, ичв уьрхювал тамамуб хьпан бадали, лихай.

Филипп 2:16

Гьациб жюрейиинди уьмур хурайи Гаф гъайибхай! Месигьдин Йигъан узу йиз рякъ давди ккадапӀундайза ва давди жафйир гъизигундайза кӀури, учвʼинди фурс апӀидиза!