Филипп 1:29 - Гирами Китаб

²⁹ Аллагьди учвуз Месигь бадали хъугъувал ва Месигь бадали аьзабар аьгь апӀуб тувна.

Филипп 1:29 Referans Kwoze

Якьубдин 1:2

Йиз гъардшар, учвʼин гьар жюре читинвалар алахьруган, учву лап бахтлу касарси гьисаб апӀинай,

Петрин-1 4:13

Хъа гьатцидарихъинди, учву Месигьдин аьзабариъ иштирак шулачва ва, гьаддиз, шад йихьай, хъа гъиямат йигъан, Иса Чан аднаъди гъафиган, шадвали ацӀдичва ва гьарай ипдичва.

Ляхнар 5:41

Вакилар кӀуруш, чпи Иса себеб вуди жазайикк ккуркьуз лайикьлу хьубʼин шад духьну, суддиан удучӀвну гъягъюру.

Рим агьларихьна вуйи кагъаз 5:3

Мидланра гъайри, аьзаб-дерднаъра ухьу шад вухьа, фицики аьзаб-дердериъ ухьу сабурлу шулайиб аьгъяхьуз.

Ляхнар 14:22

Душвариъ дурари чпин ученикарин юкӀвар хъугъвалиъ ижми хьпан бадали, дурар гьевеслу апӀуйи. Дурари гьамци кӀуйи: – Ухьуз Аллагьдин Паччагьлугъдиъ учӀвайиз гизаф аьзабар алахьиди.

Эфес 2:8

Гьаддиз Аллагьди учвуз Чан ужʼвал тувну, ичв хъугъувалилантина гъюрхюнчву. Ичв дюрхнайивал ичв гьунар дар, хъа – Аллагьдин багъиш ву.

Колосс 2:12

Учву штуан хьувал учву Гьадгъахъди накьвдиъ иву мисал ву. Думу чӀиви гъапӀу Аллагьдин кьувватнахъ хъугъували Дугъахъди учвура чӀиви гъапӀунчву.

Ляхнар 14:27

Дина дуфну, вари хъугънайидар уч дапӀну, дурари Аллагьди чпиз гъапӀу вари ляхнарикан ва Агъайи жугьуд дарударизра хъугъувалихьна раккар арццбакан ктибтуру.

Ляхнар 13:39

Мусайин къанундиинди учву гьякьлу апӀуз даршлуган, варибдиъ гьарсар хъугънайир Исайилантина гьякьлу апӀиди.

Матта 16:17

Гьадмуган Исайи дугъаз жаваб вуди гъапи: – Уву бахтавар вува, Юнусдин бай Симон, гьаз гъапиш увуз му, инсанари ваъ, хъа Аьршарин Йиз Адашди ачмиш гъапӀунвуз.