Филипп 1:27 - Гирами Китаб

^27-28 Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Филипп 1:27 Referans Kwoze

Эфес 4:1

Узу, Агъайин тереф дибисна кӀури дустагъдиъ айири, миннат апӀуразачвуз: Аллагьди учвуз дих дапӀнайи гъуллугъназ лайикь вуйиси яшамиш йихьай.

Коринф-1 1:10

Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!

Петрин-2 3:14

Магьа гьаддиз, йиз ккунидар, учву Аллагьдихъди мясляаьтнаъ хьпан бадали, гьамци шлувализ ккилигбиинди марццидар ва гаф ктрудар хьуз чара зигай.

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Ягьудайин 1:3

Йиз ккунидар, гьеле узуз ихь сатӀлан вуйи уьрхюваликан бикӀуз гизаф ккунди ашра, саб ражари ва гьаргандиз Аллагьдин гирами халкьдиз тувнайи хъугъвалиан женг гъабхуз аьшкь капӀру кагъаз учвуз бикӀуб лазим вуди гьисаб апӀураза.

Фессалоник-1 4:1

Аьхиринишвʼин гъардшар, учу учвуз Аллагьдиз ккунидарси яшамиш хьуз улупганси, гьамусдихъантинара гьаци яшамиш хьуб учвкан Агъа Исайин ччвурнахъан ккун апӀурача. Учву гьамустӀанра гьаци яшамиш шули ачва, хъа вушра, хъана артухъ ужуйи яшамиш хьуз чалишмиш йихьай.

Филипп 2:12

Йиз ккунидар, узу учвухъди хъайиган, учву, фициб аьшкьниинди узуз мютӀюгъ духьну, лихуйиш, гьаци зурба аьшкь кади, гьюрмат ади ва гучӀʼвал хьади, узу учвухъди хътруганра, ичв уьрхювал тамамуб хьпан бадали, лихай.

Филипп 3:18

Фицики, гизафдар, узу учвуз улихьна гъапиганси (гьамусра улариин нивгъар алди хъана кӀураза), Месигьдин хачран душмнарси яшамиш шула.

Коринф-2 13:11

Гъардшар, кӀуразачвуз: шадвал хъапӀай, уьмриъ улихь гъарахай, чиб-чпик юкӀв капӀай, гъит ичв арайиъ сабвал ибшри, мясляаьтниинди яшамиш йихьай, ва Аллагь, масанвалинна мясляаьтнан Булагъ, учвухъди хьиди.

Ляхнар 4:32

Вари хъугънайидар саб юкӀвси ва саб жанси гъахьнийи. Дурарикан сарира чаз айи мал-мутмуйиз, йизуб ву, кӀурдайи, хъа вариб дурарин уртахъуб вуйи.

Петрин-2 3:11

Ва эгер вари гьамци ккадахьуруш, хъа учву фицдар духьну ккунду, фициб гирамиб ва Аллагьдиз бахш дапӀнайиб вуди ккунду ичв уьмур?!

Коринф-1 15:58

Гьаддиз, йиз ккуни гъардшар, ижмиди гъузай. Минди-тинди хъахърудар махьанай. Агъа бадали вуйи ляхниз фукӀара гьяйиф мапӀанай ва аьгъю йибхьай: Агъайиз вуйи ичв ляхин давди гъюдубчӀвидар.

Рим агьларихьна вуйи кагъаз 1:16

Узуз Агъайин Ужувлан хабар рабгъуз нач дарзуз, гьаз гъапиш дидиъ гьарсар хъугъру кас уьрхюз шлу Аллагьдин гьюкум а – сифте жугьдар, ва хъасин имбу халкьар.

Якьубдин 3:18

Ислягьвал бадали мясляаьтниинди лихрудари гьякьвалин бегьер ккадабцӀиди.

Филимондиз 1:5

гьаз гъапиш, узуз Агъа Исайихьна ва вари гирами халкьдихьна вуйи яв хъугъуваликан ва масанваликан ебхьури шулзуз.

Титдиз 2:10

гьитӀибкӀрудар ваъ, хъа ухьу Уьрхрурикан – ихь Аллагьдикан вуйи аьгъювалар хъана артухъ уткан ва такабур апӀру гьубкӀу ихтибар алидар ишри.

Тимофейиз-2 4:7

Узу ужуйи женг гъубхунза ва узуз улупнайи вари манзил ккадапӀунза, хъугъувал гъюбхюнза.

Тимофейиз-1 1:19

жвуван хъугъувал ва марцци намус уьбхюри, уву хай кайи дяви дубхну ккундузуз. Сакьюдар намуснахьан гьидицну, ва ахириъ дурарин хъугъувалин гими ккабхъну.

Тимофейиз-1 1:11

Му аьгъювалар гьарсаб тярифназ лайикь вуйи Аллагьди узʼин илипнайи Ужувлан хабарнахъди сабси гъюру.

Ляхнар 2:46

Дурар гьар йигъан Аллагьдин хулаз уч шуйи ва уьлра кмиди чпин хулариъ сатӀиди ипӀуйи, сари-сариз разивалиинди хураг гьиври, шадди яшамиш шуйи.

Матта 12:25

Амма Исайи, дурарин фикрар аьгъяди, гьамци гъапи: – Чан айитӀ душманвал ади, пай гъабши гьарсаб паччагьлугъ ичӀи шул, арайиъ душманвал айи я саб шагьур, я саб хизан гъудрубзур.

Насигьятар 22:23

фицики РАББИЙИ уьбхиди дурарин тереф, уву касибуринуб тадабгъунва – гьаддиз Раббийи яв уьмурра тадабгъиди.

Фессалоник-1 3:6

Амма учвхьан кьяляхъ гъафи Тимофейи ичв хъугъуваликан ва масанваликан, учву учу ич ужудар ляхнариинди кӀваин уьрхюрайиваликан ва ич учву рякъюз юкӀв хъайиси, ичв учу рякъюзра юкӀв хъимбуваликан ужудар хабрар гъахну.

Колосс 1:4

Учуз Месигь Исайихъ ичв хъугъуваликан ва Аллагьдин вари гирами халкьдихьна вуйи ичв ккуниваликан деебхьначуз.

Филипп 2:24

Агъайи, багарихьди узхьанра учвухьна гъюз шул, кӀури, умуд тувразуз.

Эфес 1:15

Магьа гьаддиз, Агъа Исайихьна айи ичв хъугъуваликан ва Аллагьдин вари гирами халкьдихьна айи ичв масанваликан узуз гъеебхьиган,

Эфес 1:13

Гьаци учвура, учвуз уьрхювал тувру гьякьвалин гаф – Ужувлан хабар гъеебхьиган, Месигьдик ктикьунчва. Дугъахъ хъугъиган, Аллагьдин печать гъивунчвуин – гаф тувну гъафи Гирами Рюгь.

Галат 1:7

Ужувлан хабар сарун жараб айиб дар! Ичв ара бикьурайи, Месигьдикан вуйи хабар айтӀлан апӀуз ккуни адмийир а.

Коринф-2 9:13

Ва ичв гьаму гъуллугънан бегьер рябкъюри, учвлантина адмийири Аллагьдин ад апӀиди, гьаз гъапиш учву рабгъурайи Месигьдин Ужувлан хабарнакк кӀул ккиврачва ва учвуз айибдикан шадди дураризра, имбударизра туврачва.

Коринф-2 4:4

Гьаму дюнʼяйин аллагь-иблисди хътругърударин фагьум, Чаъ Аллагь ачмиш апӀурайи Месигьдин адлуваликан вуйи Ужувлан хабарнан акв дярябкъюз, кур апӀура.

Рим агьларихьна вуйи кагъаз 15:29

Узуз аьгъязуз, узу учвухьна гъафиган, Месигьди туву ужувлар гьуркӀну хидизачвуз.

Рим агьларихьна вуйи кагъаз 15:16

Йиз вакилвалин бурж вуди, Аллагьди жара миллетариз, Иса Месигьдин гаф ва Ужувлан хабар рабгъру багъиш тувназуз. Гьамци дурар Дугъаз, Гирами Рюгьниинди марцц духьну, Аллагьдиз ккуниси гъурбан хьиди.

Рим агьларихьна вуйи кагъаз 10:8

Фу дупна Гирами китабариъ? «Аллагьдин Гаф увухъди хъа, яв багахь хьа, думу яв ушвниин ал ва яв кӀваъ а», ва думу Гаф ухьу адмийириз улупурайи хъугъувал ву.

Рим агьларихьна вуйи кагъаз 1:9

Вари йиз юкӀв хъипну, Аллагьдин гъуллугънаъ аза. Дугъан Балкан варидариз Ужувлан хабар дебккри, гьарган узу учву кӀваин алауразачву. Магьа дидин шагьид Аллагь.

Рим агьларихьна вуйи кагъаз 1:5

Гьадгъулантина узуз, Аллагь аьгъдру халкьар хъугъувалихъна ва хъпехъувалихъна хпан бадали, вакилвалин багъиш гъурубкьунзуз. Му ляхнар Дугъан ад бадали вуйидар ву.

Ляхнар 24:24

Сакьюдар йигъарилан Феликс, чан жугьуд шив Друзиллара хъади дуфну, Павел хуз гъитну, Месигь Исайин хъугъваликан вуйи дугъан улхбарихъ хъпехъуру.

Филипп 1:5

гьаз гъапиш учву Ужувлан хабар рабгъбаъ сифте йигъариланмина гьамусдизкьан иштирак шулачва.

Филипп 3:20

Хъа ихь ватан аьршариъ а. Гьадму ихь Ватандиан гъиди ухьу Уьрхру ихь Агъа Иса Месигь.

Филипп 4:1

Магьа гьаддиз, йиз ккуни ва дярякъди ктирсуз даршлу гъардшар, ккунидар, йиз шадвал ва гъалибвалин таж, Агъайихъди сатӀиди, ижмиди дийигъну гъузай!