Филипп 1:20 - Гирами Китаб

²⁰ Му йиз ижми умударихъдина ккилигурайиваларихъди сабси гъюра. Ва, гьаци вуйиган, узу нач шлуси апӀидарза, хъа мугагьназси гьамусра гьаци кӀубанди хьидиза, ва, узу чӀивиди гъузишра, гъачӀишра, йиз бедендиъ Месигь за дапӀну хьиди.

Филипп 1:20 Referans Kwoze

Петрин-1 4:16

Учву Месигьдихъ хъугънайивалилантина аьзиятариъ ахьнаш, гъит, дицири нач дарапӀри, хъа, гъит: «му Исайихъ хъугърур ву», – кӀуруган, Аллагьди учвуз гьациб ужʼвал дебккнайивализ дилигну, гьацири Дугъан ад апӀри!

Коринф-1 6:20

гьаз гъапиш учву зурба кьиматнахъ гъадагънайидар вучва. Гьаддиз, ичв жанариинди Аллагь за апӀинай!

Фессалоник-1 5:23

Гъит мясляаьтнан Аллагьди Чав учву гьуркӀну гирами апӀри. Ва гъит вари учвуъ: рюгьра, юкӀвра, жанра – ихь Агъа Иса Месигь гъюру гьадму Йигъаз саб зиян ктарди уьрхри.

Югьандин-1 2:28

Гьаци вуйиган, Месигьди кӀуруб гьаци апӀинайки, йиз веледар, Думу хъадакну гъафиган, Дугъан улихь учвхьан, я гучӀʼвал, я начʼвал адарди, дугъужвуз шлуганси!

Филипп 2:17

Аллагь бадали апӀурайи ляхнариъ ичв хъугъувалин гъуллугънаъ хьпаъ йиз ифи удубзурушра, узу шад хьидиза, учвухъди сабси шадвал хъапӀдиза.

Рим агьларихьна вуйи кагъаз 8:19

Фицики Аллагьдин веледар фужар вуш, ачмиш апӀру вахт хьайиз, Аллагьди халкь дапӀнайиб вари, аьгь апӀуз даршули, ккилибгура.

Коринф-2 10:8

Агъайи учуз, учву чӀур апӀуз ваъ, хъа артмиш апӀуз тувнайи гьюкмиъ узу хъа гизаф фурс апӀуйишра, узуз нач апӀуб рубкьдайи.

Коринф-2 4:10

Исайин уьмур учуъ арайиз гъюбан бадали, Дугъан аьжал гьаммишан ич бедендиъ айич.

Коринф-1 7:34

Дицир кас кьюбишваз пай духьна. Жилир хътру хпири вая швуваз душну адру шуру Агъайин ляхнарикан фикрар апӀуру. Думу чан бедендиинди ва рюгьниинди Дугъаз бахш хьуз шерик шулу, хъа швувахь хьайир, жилириз учв ккун ишри кӀури, му дюнʼяйин ляхнар апӀбахъ хъа.

Рим агьларихьна вуйи кагъаз 5:5

Умудну ухьуз кучӀлар апӀидар, фицики Аллагьдин масанвал, Аллагьдихьан багъишди дуфнайи Гирами Рюгьналанмина ихь юкӀвариъ убзна.

Колосс 1:24

Гьамус узу учву бадали аьзабарикк ккуркьбиин шад вуза. Узу Месигьдин Беден бадали кьадар адру аьзабар аьгь апӀурайир вуза. Дугъан думу Беден – Чахъ хъугърудар ву.

Рим агьларихьна вуйи кагъаз 12:1

Гьаддиз учвуз ккарагураза, гъардшар, Аллагьдин ужʼвал бадали ичв жанар, Гьадгъаз хуш шлу марцци, чӀиви гъурбнарси, дерккай. Му Аллагьдиз фагьумлу вуйи гъуллугъ хьибди.

Филипп 1:14

Узу дустагъдиъ итну кӀури, Агъайихъди саб вуйи гизаф гъардшар, саб юкӀв айиганси, уч гъахьну ва хъана ачухъди ва гучӀ ктарди Аллагьдин гафнакан ктибтури гъахьну.

Коринф-2 7:14

Узу дугъан улихь ичв тяриф гъапӀунза, ва йиз учвʼин али хъугъʼвал пуч гъапӀундарчва. Учу учвуз кӀурайибра вари диш ву, ва учу Титдиз учвкан гъапӀу тярифар вари дишдар гъахьну.

Коринф-2 5:15

Думу варидарихъанди, гьамус яшамиш шулайидар чпи бадали ваъ, хъа чпихъанди жан Тувур ва чӀиви Гъахьир бадали яшамиш хьуз, гъакӀну.

Коринф-1 15:31

Узу гьар йигъан аьжаликк ккахъраза. Узу ихь Агъа Иса Месигьдин улихь учвʼинди фици фурс апӀураш, гьациб кьувватнаъди му кӀурайибра кучӀал дариз, гъардшар.

Рим агьларихьна вуйи кагъаз 9:33

Гирами китабариъ дупнайиси: «Лиг гьа, Узу Сион дагъдиин ликарикк ккабхъру Гъван дивдиза, Гъван, гунагькрар хъарсру Гъван, аммаки фуж Гьадгъахъ хъугъиш, думу швумал хьидар».

Рим агьларихьна вуйи кагъаз 6:19

Узу, адмийир гъавриъ ахъруси, мисалариинди кӀураза, даршиш мидин гъавриъ ахъуб учвуз гизаф читин ву. Фици учву мидиз улихьна ичв жандин паяр чиркинвализ, законсузвалар апӀуз тувуйиш, гьаци гьамус дурар гьякьлувалин гъуллугънаъ гирами ляхнар апӀуз тувай.

Рим агьларихьна вуйи кагъаз 6:13

Ичв жандин гьич саб пайра гунгьарин гьюкмиз мутуванай, дурарикан гьякьсуз ляхнарин гъуллугънан яракьар даришри. Дидин ерина, дукӀну чӀиви гъашидарси, Аллагьдин гъуллугънаъ йихьай. Ичв жандин паярра гьякьлувалин яракьди Аллагьдин гъуллугънаъ дерккай.

Ляхнар 21:13

Гьадмуган Павели жаваб тувру: – Учву гьапӀрачва? Гьаз, ишури, йиз юкӀв дар апӀурачва? Узу, йитӀуб гъубзри, хъа гьацира Агъа Исайин ччвурнахъ Ерусалимдиъ йикӀузра гьязур вуза.

Ляхнар 20:24

Хъа узу бадали йиз уьмур гьяйиф дарзуз, йиз метлеб узу Агъа Исайихьан кьабул гъапӀу гъуллугъ тамам апӀуб ва жавабдарвалиинди инсанарин улихь Аллагьдихьан вуйи багъишʼваликан Ужувлан хабарнан шагьидвал апӀуб вуйиз.

Югьан 21:19

Гьаму гафариинди Исайи, Петри фициб аьжалиинди Аллагь адлу апӀуруш, думу учв гъавриъ ахъбан бадали, дугъаз чаз гъапнийи. Ва гьадму гафарихъан Петриз кӀуру: – Узухъди гъач!

Насигьятар 23:18

фицики гъюзимбуб улубкьиди, ва яв умуд дубгидар.

Насигьятар 10:28

Миж кайивал шадвал ву гьякьлударин, хъа йибкӀиди умуд гьякьсузарин.

Ляхнар 4:31

Ккарагбахъан, дурар али йишв тӀубччвуру ва дурар Гирами Рюгьнахъди ацӀру. Гьаддиз дурари Аллагьдин Гаф аьшкьниинди пуз хъюгънийи.

Коринф-2 3:12

Гьаци вуйиган, ухьуз ухьук кӀубанвал капӀру умуд ахьуз

Коринф-2 7:4

Йиз учвук гизаф миж кайиз ва учвʼин дамахлу вуза! Учву узук гьаци юкӀв капӀри шулчваки, йиз вари бедбахтвалариз дилигди, узу бегьем шадвали ацӀразу.