Филипп 1:14 - Гирами Китаб

¹⁴ Узу дустагъдиъ итну кӀури, Агъайихъди саб вуйи гизаф гъардшар, саб юкӀв айиганси, уч гъахьну ва хъана ачухъди ва гучӀ ктарди Аллагьдин гафнакан ктибтури гъахьну.

Филипп 1:14 Referans Kwoze

Фессалоник-1 2:2

аммаки Филипдиъ, учвуз аьгъюганси, аьзабар ва ужуз апӀувалар алахьунчуин. Хъа учу ихь Аллагьдин кюмекниинди, учуз писди къаршу удучӀвувалариз дилигди, учвуз дирбашди ва ачухъди Ужувлан хабарнакан ктибтнийча.

Лука 1:74

Дурари ухьуз, гучӀ дарди, ихь уьмрин кӀулиан аьхиризкьан Дугъан улихь марцциди ва гьякьди гъуллугъ апӀуз гъитди.

Колосс 4:4

Узуз дидкан аьгъювалар, узхьан удубкьрубкьан ужуди, ачухъди ва тамамди улупбан бадали, узхъанди ккарагай.

Филипп 1:7

Дугъридан, учвухьна вуйи йиз гьиссар ари гьацдар духьну ккунду! Узу дустагъдиъ айиганси, адруганра – узу Ужувлан хабар, дидʼин алжагърударихьан уьбхюрайиган ва думу дугъри вуйиб тасдикь апӀруган, узуси учвура гьадму ужувлан гъуллугънаъ гъахьунчва.

Колосс 4:7

Узкан вари хабрар Тихикди пидичвуз. Думу ихтибар али гъуллугъчи, узухъди Агъа бадали лихурайи йиз ккуни гъардаш вуйиз.

Филипп 4:1

Магьа гьаддиз, йиз ккуни ва дярякъди ктирсуз даршлу гъардшар, ккунидар, йиз шадвал ва гъалибвалин таж, Агъайихъди сатӀиди, ижмиди дийигъну гъузай!

Эфес 3:13

Гьаддиз, учву бадали узу аьзабарикк ккахъна кӀури, ккун апӀураза, юкӀв макадабтӀанай, дурар ичв адлувализ ву.

Коринф-2 3:12

Гьаци вуйиган, ухьуз ухьук кӀубанвал капӀру умуд ахьуз

Коринф-2 7:4

Йиз учвук гизаф миж кайиз ва учвʼин дамахлу вуза! Учву узук гьаци юкӀв капӀри шулчваки, йиз вари бедбахтвалариз дилигди, узу бегьем шадвали ацӀразу.

Филипп 1:20

Му йиз ижми умударихъдина ккилигурайиваларихъди сабси гъюра. Ва, гьаци вуйиган, узу нач шлуси апӀидарза, хъа мугагьназси гьамусра гьаци кӀубанди хьидиза, ва, узу чӀивиди гъузишра, гъачӀишра, йиз бедендиъ Месигь за дапӀну хьиди.

Тимофейиз-2 2:9

Гьадму Ужувлан хабар бадали узу балайикк ккахъназа, тахсиркарси, зунжрариъ аза. Хъа Аллагьдин Хабар зунжрариъ дибтӀуз шлуб дар!

Марк 3:3

Дугъу хил дебццнайи касдиз кӀуру: – Варидарин улихь дийигъ.